Numan Kurdic është zyrtarisht futbollist i Kukësit. Mbrojtësi boshnjak, vjen te skuadra verilindore në formë huazimi nga klubi i FK Sarajevos dhe do të jetë pjesë e skuadrës deri në fund të sezonit.

Mbrojtësi 21-vjeçar është aktivizuar së fundmi në kampionatin serb me ekipin e Novi Pazar, ndërkohë që është aktivizuar edhe me Sarajevon.

Kurdic stërvitet prej disa ditësh me skuadrën kuksiane duke u njohur me ambientin dhe futbollistët, por problem ishte dokumentacioni. Së fundmi, klubi ka arritur të zgjidhë problemin dhe Kurdic do të jetë gati për ndeshjen e radhës.

Skeda e Lojtarit:
Emri: Numan Kurdic
Mosha: 21 vjeç
Kombësia : Boshnjak
Pozicioni: Mbrojtës

Armando Sadiku ka zbritur në Bolivi, atje ku do të nisë edhe aventurën e re në karrierën e tij.

Sulmuesi shqiptar bëri një zgjedhje tërësisht të papritur duke shkuar në tokën “e panjohur” për futbollistët kuqezinjë, pas aventurës së dështuar te Erzurumspori.

Në ditën e djeshme Sadiku ka zbritur në qytetin Tarija, duke takuar fillimisht drejtuesit e klubit dhe duke iu bashkuar skuadrën në hotel për t’i njohur më nga afër.

Duke nisur nga dita e sotme futbollisti do të jetë gati nën urdhërat e trajnerit për t’u stërvitur, ndërsa ndeshja e parë miqësore do të zhvillohet në ditën e enjte kundër Tomayopo.

Blerja më e re e Partizanit, Ferhan Hasani kreu sot seancën e parë stërvitore me “demat”. 30-vjeçari i është bashkuar skuadrës në kompleksin sportiv “Football Republic”.

Tetovari pritet me shumë interes se si do të paraqitet me 16-herë kampionët e Shqipërisë pasi konsiderohet si njëri prej lojtarëvë më të mirë të afruar te të kuqtë në vitet e fundit.

Një lajm i mirë për skuadrën dhe trajnerin Ilir Daja është rikthimi i mesfushorit Jurgen Bardhi. 23-vjeçari shleu pezullimin në ndeshjen me Teutën për shkak të ndëshkimit me karton të kuq në derbi.

Ai do të marrë vendin e Valentino Muratajt, i cili mungon në sfidën e ardhshme kundër Vllaznisë për shkak të kartonit të kuq në Durrës.