Politikë
Raporti i FMN/ Kryemadhi: Ekonomia në krizë, qeveria kapet pas fijes së barit
Duke folur mbi raportin e FMN, kryetarja e LSI, Monika Kryemadhi tha se ekonomia shqiptare është në krizë para pandemisë dhe tërmetit.
Ajo deklaroi se koncesionet i dhanë goditjen në palcë ekonomisë shqiptare dhe tërmeti dhe pandemia e rënduan më tej performancën e institucioneve tatimore dhe qeverisë.
“Kriza ekonomike te ne ka filluar që përpara se të fillonte pandemia apo tërmeti, sepse koncesionet ishin ato që i dhanë goditjen në palcë ekonomisë shqiptare. Shkatërroi biznesin e vogël dhe atë të mesëm dhe pasuroi tre-katër veta. Rama ka shkatërruar edhe shtresën e mesme. Shkatërrimi i skemës së pensioneve dhe sigurimeve ka ardhur si pasojë e largimit të qytetarëve 25-45 vjeç, të cilët janë forca më e madhe intelektuale dhe që paguan taksat dhe sigurimet, por edhe mban bizneset gjallë.
Rrënimi i ekonomisë, mbyllja e ekonomisë, largimi i të rinjve, mungesa e krijimit të vendeve të punës, mungesa e krijimit të një sistemi arsimor në mënyrë që të kemi një punë të mirëpaguar, duke bërë që të mos kemi profesionistë që do të drejtojnë në administratën shtetërore. Sot në administratë kemi punonjës të nivelit ZH.
Sepse një mësues Matematike nuk të rri ty sot me 480 mijë lek në muaj, sepse do të ushqejë familjen, do paguajë dritat ujin, do vishet, a do studiojë diçka më shumë për veten e tij, kjo nuk i del dhe kështu një matematicien normalisht do të largohet. Ndërkohë, një Facebook-ist që vetëm rri shkruan komente, like dhe share e merr dyfishin e pagës së një mësuesi”, u shpreh ajo në emisionin “Real Story”.
Teksa u pyet se çfarë ka ndodhur me ekonominë, kryetarja e LSI-së theksoi se ajo është dëmtuar pavarësisht se qeveria po kërkon të tërheqë vëmendjen
“Ka ndodhur që dëmtimi i ekonomisë shqiptare, mungesa e transparencës dhe kapja ‘pas fijes së barit’ për të hequr vëmendjen nga problematikat kryesore sot në Shqipëri, që është mungesa e vendeve të punës dhe shpopullimi në masë i të rinjve ngas Shqipëria, është një nga problemet kryesore ku edhe ne dashje pa dashje fokusohemi ndonjëherë me deklarata shumë kalimtare, që janë tangente, dhe nuk merremi me thelbin e problemeve”, nënvizoi Kryemadhi./ CNA.al
Politikë
“Sherri’ Mziu- Suli për një thertore/ Ironizon keq Patozi: ‘Rilindja’, luftë frontale ‘Republikës së Re’
Kreu i Bindjes Demokratike, Astrit Patozi, ka reaguar me ironi, pas lajmit se kryebashkiaku socialist I Kamzës, Rakip Suli, ka paditur Xhelal Mziun sot në SPAK për një thertore.
Me ironi Patozi, shkruan se Rilindja i ka shpallur sot luftë frontale Republikës së re.
“Lajmi më i madh sot qenka se “Rilindja” i paska shpallur luftë frontale “Republikës së Re” në Kamëz dhe për këtë paska kërkuar ndihmën e SPAK-ut.
Por këta janë aq të lodhur, sa që edhe kur duan të zihen më gjithë mend me njëri-tjetrin, bëhen tmerrësisht qesharakë.
Ngaqë mund të gjenin një temë tjetër, por jo pikërisht ndërtimin e një thertoreje. Sepse i bie që po kacafyten se kush e ka bërë kasaphanën më të mirë, i cili, në fakt, nuk është se nuk qëndron si debat.
Dhe pyetja tjetër është se përse është pritur që Xhelal Mziu të kandidonte për deputet në Dibër, që të zbulohej se ai paska bërë shkelje dhe shpërdorim detyre, kur ishte kryetar bashkie, përpara gati dy vjetësh.
Por kjo nuk besoj se ka ndonjë vlerë të madhe për kasapët, që gjuajnë dhe presin me dorën e majtë.”/CNA.al
Politikë
Kush i bën gjithë këto ndërtime?/ Ironia e Ramës: I bën Ndrangheta me mafien
Kryeministri Edi Rama bashkë me kryebashkiakun Erion Veliaj, dhe ministrin Arben Ahmetaj, kanë qenë sot në Vaqarr, ku kanë inspektuar kantierin e lagjes së re që po ndërtohet.
Gjatë inspektimit Rama bëri edhe një batutë referuar përgjimeve të të grupit mafioz ‘Ngragheta’ ku përmendeshin dhe emra zyrtarësh shqiptarë.
“Shkruante njëri në facebook, ore gjithë këto ndërtime kush i bën thoshte këto ndërtime kur s’ka punë. I bën Ndrangheta me mafien i thashë. 27 mijë vende punë të krijuara vetëm nga rindëritm për të gjitha kompanitë shqiptare faktikisht nuk ka kompani që nuk është përfshirë në proces”, tha Rama./CNA.al
Politikë
Basha mbledh Këshillin Kombëtar në orën 18:00/ Mbledhje formale online
Kreu i Partisë Demokratike Lulzim Basha do të mbledhë sot në orën 18:00 Këshillin Kombëtar. Një mbledhje e paparalajmëruar dhe e mbajtur “sekrete” për mediat. Pritet që Basha të kalojë disa vendime formalisht, pra ta përdorë Këshillin si justifikim për emërimet e deri tanmishme.
Mbledhja do të bëhet përmes platformës online Zoom.
Ditën e sotme Basha prezantoi edhe programin ekonomik. Nëse do të marrë votëbesimin e shqiptarëve, Lulzim Basha ka premtuar se karburantin do ta paguajnë më lirë, pasi do të hiqet taksa mbi karburantin prej 24 lekësh. Ndërhyrje do të ketë edhe në skemën e sigurimeve shoqërore, të cilat demokratët premtojnë t’i ulin nga 24 në 18 përqind ku 9% të vlerës do ta paguaj punëdhënësi dhe 9 përqind do të jetë detyrim i punëmarrësit.
Demokratët janë të bindur se falë menaxhimit që do t’i bëjnë kompanive shtetërore të energjisë, do të mundësojnë uljen e çmimit të energjisë elektrike për konsumatorët familjarë dhe biznesin. Ndërkohë që lehtësira pritet të ketë edhe për bizneset e huaja që do të kenë interes për të investuar në Shqipëri./CNA.al
Lajme të Rekomanduara:
Përplasjet/ Çfarë po ndodh me listën e PD në Korçë, kush janë pretendentët
Qarku i Korçës duket se do të jetë një nga më të vështirët në përzgjedhjen që do të bëjë Lulzim Basha. Kështu ishte edhe me...
“Nuk kam votuar prej 1992-shit”/ Dashnor Diko “i futet politikës”, tregon kë mbështet në zgjedhje
Këngëtari i njohur Dashnor Diko, ka rrëfyer sot se që prej marsit të vitit 1992 nuk ka votuar në asnjë zgjedhje. Mirëpo duket se këtë...
