Aktualitet
Kur do të vijë vaksina anti-Covid në Shqipëri”/ Rama: Nuk ka një kontratë…
Kryeministri Edi Rama deklaroi sot se nuk ka një kontratë për sigurimin e vaksinës anti-COVID, por se Shqipëria është angazhuar me të gjitha kontaktet për të mos mbetur pas. Ai tha se Shqipëria është e përfshirë në ato sisteme të ngritura për ta blerë vaksinën dhe se ka dedikuar një fond.
“Për vaksinën, kjo është një risi pozitive sepse sjell faktikisht armën për të mbrojtur shëndetin nga ky virus duke imunizuar njerëzit. Këtu jemi shumë të fokusuar.
Është një situatë turravrapi për të garantuar vaksinën, ndërkohë që ka dhe një paqartësi të madhe për si qysh, tek. ne jemi të angazhuar me kontakte në të gjitha nivelet për të mos mbetur mbrapa. nuk ka një kontratë të nënshkruar, jemi përfshirë në ato sisteme që janë ngritur në këmbë për ta blerë vaksinën dhe kemi dedikuar dhe ne një fond por në momentin që flasim nuk ka asnjë kontratë apo një afat të fiksuar.
Përpjekja jonë është një orë e më parë bashkë me të tjerët të kemi mundësinë për të vaksinuar njerëzit”, tha Rama./CNA.al.
Aktualitet
Kapshtica qëndron e mbyllur/ Greqia shtyn masat me Shqipërinë deri në datën 24 maj
Edhe pse situata nga koronavirus në vend është drejt normalizimit Greqia ka shtyrë masat me Shqipërinë deri në datë 24 Maj.
Mësohet se pika kufitare e Kapshticës nuk ka për të qenë e hapur, pasi nuk lejohet hyrja. Ndërsa, pika kufitare e Kakavijës do do të qëndrojë hapur nga ora 07:00 deri në orën 19:00.
Për 400 persona lejohet kalimi në Kakavijë. Sipas rregullit, në Kakavijë, lejohet kalimi për shtetas grekë ose me leje qëndrimi./ CNA.al
Bota
Së paku 12 vetë të vrarë nga sulmi në një xhami në Afganistan
Së paku 12 vetë u vranë nga një shpërthim në xhami, në kryeqytetin e Afganistanit, Kabul.
Sulmi ndodhi në ditën e dytë të armëpushimit të deklaruar nga Qeveria afgane dhe militantët talibanë, me rastin e Festës së Bajramit.
Zëdhënësi i policisë në Kabul, Ferdaws Framurz, tha se sulmi ndodhi gjatë faljes së Xhumasë në një xhami të qarkut Shakar Darah.
Sipas tij, 15 vetë të tjerë u plagosën, ndërsa imami i xhamisë, Mofti Naiman, është në mesin e të vrarëve.
Përgjegjësinë për sulmin nuk e ka marrë ende asnjë grup.
Zëdhënësi i talibanëve, Zabihullah Mujahid, tha se grupi i tij nuk qëndron pas sulmit.
Përkundër armëpushimit të shpallur treditor, disa sulme me bomba ndodhën edhe të enjten në Afganistan, duke lënë së paku 11 njerëz të vrarë.
Në fillim të këtij muaji, Shtetet e Bashkuara kanë nisur t’i tërheqin trupat e veta nga Afganistani, pas 20 vjetësh luftë.
Deri më 11 shtator pritet të tërhiqen të gjitha trupat amerikane, ashtu si edhe forcat e tjera të NATO-s, të pranishme në Afganistan.
Kjo ka rritur shqetësimet e vëzhguesve nëse Qeveria afgane mund t’ia dalë e vetme në luftën kundër talibanëve dhe grupeve të tjera militante.REL
Aktualitet
Vrasja e Everest Çakës/ I iku policisë me pranga në duar, flet i arratisuri
Disa ditë më parë një ngjarje e rëndë tronditi Elbasanin ku mbeti i vrarë Everest Çaka. Shumë persona u shoqëruan në polici sit ë dyshuar. Një ndër ta ka qenë edhe Mirjan Dedja, 37 vjeç.
Dedja u shoqërua nga policia e Elbasanit teksa po qëndronte në banesën e tij për dyshimet se mund të ishte i implikuar për vrasjen e Everest Cakës. Ai u mbajt më tepër se 36 orë në komisariat dhe ndonëse dha deklaratë ku tregon të gjithë alibinë dhe i tregon policisë së Elbasanit të gjithë itinerarin e asaj dite për të cilën 37-vjeçari këmbëngul se ka kamera sigurie që vërtetojnë të gjithë agjendën e tij gjatë kësaj dite. Në përfundim të më se 36 orëve u arratis nga policia e Elbasanit.
Në një intervistë për gazetaren Anila Hoxha ai i jep apel policisë së Shtetit, Prokurorisë dhe çdo autoriteti të drejtësisë që të angazhohen seriozisht për të zbardhur ngjarjen pasi sipas tij kishte miqësi me Everest Ibrahim Cakën dhe ka ardhur nga Spanja për të ndihmuar vëllain e tij të ekstraduar dhe anëtarët e familjes.
“E kam pasur shok Everestin dhe kaq. Më kanë mbajtur 36 orë në polici. Ia kam thënë me detaje se ku kam qenë, kam qenë tek burgu se më është ekstraduar vëllai nga Italia. I thashë kam qenë në Myslym Shyr dhe nga aty kam qenë në Elbasan, nga Elbasani në Tiranë dhe aty jam takuar me një shokun tim. Nuk kam lidhje me asnjë grup kriminal. I kam të gjithë shokë. Njerëzit që kanë konflikte me njëri-tjetrin nuk dua t’ia di fare se çfarë bëhet në Elbasan. Kam ardhur nga Spanja vetëm për vëllain tim sepse ka të drejtë t’i ulet dënimi me ligjin shqiptar sepse unë interesohem për familjen time. Vetëdorëzohem me kusht që të lirohem prap”, tha Mirjan Dedja./ CNA.al
