Connect with Us

Fitorja e Shahtjorit bën “lëmsh” Grupin B, ja pse madrilenët janë të detyruar të fitojnë ndeshjen e fundit

Sport

Fitorja e Shahtjorit bën “lëmsh” Grupin B, ja pse madrilenët janë të detyruar të fitojnë ndeshjen e fundit

Publikuar

-

Triumfi 2-0 i ukrainasve të Shahtjor Donjesk, ka bërë “lëmsh” Grupi B, të Ligës së Kampionëve. Me këtë 3-pikësh të besuarit e trajnerit Kastro, u ngjitën në vendin e dytë, duke ndezur shpresat e kualifikimit dhe duke tronditur ndjeshëm pozitat e madrilenëve të cilët janë futur në “vallen” e eliminimit.

Një rezultat ky që i shkon për shtat edhe zikaltërve të Kontes. Në rast se Interi triumfon në transfertë ndaj Mynshenglabahut, Reali është i dënuar të fitojë ndaj gjermanëve, pasi në të kundërt rrezikon eliminimin nga grupet.

Pasi një barazim në sfidën e fundit që do të luhet në Spanjë dhe një fitore e Shahtjor ndaj Interit në Milano, do të sillte kualifikimin e Mynshenglabah dhe Shahtjor.

Një fitore e Realit në ndeshjen e fundit dhe 2 fitore të Interit ndaj Mynshenglabahut dhe Shahjtorit do të sillnin kualifikimin e 2 skuadrave prestigjioze, Real dhe Inter, duke mos i lënë vend një surprize të mundshme.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Panik tek skuadra e njohur, trajneri dyshohet të ketë infeksion respirator

Publikuar

-

Nga

Ankth për skuadrën e Benfikës, ku trajneri Zhorzh Zhezus është në dyshim të infeksionit të frymëmarrjes.

Klubi nga Lisbona thekson se nuk ka asgjë për tu shqetësuar por ende nuk dihet origjina e kësaj infeksioni.

Këtë lajm e ka publikuar vetë klubi luzitan e cila thekson për këtë infeksion të mundshëm të trajnerit të saj.

Vlen të theksohet se është anuluar dhe konferenca për shtyp e trajnerit në prag të sfidës së Kupës së Portugalisë ndaj Belenenses.

KOMUNIKATA ZYRTARE E BENFIKËS –

“Benfika raporton se trajneri, Zhorzhe Zhezus ka qenë duke kryer teste mjekësore gjatë gjithë ditës.

Ekziston mundësia e një infeksioni të frymëmarrjes, origjina e të cilit aktualisht po shqyrtohet.

Benfika sqaron se situata nuk është serioze, megjithatë, merret vendimi i anulimit të konferencës për shtyp të planifikuar për sot, duke paraparë ndeshjen e çerekfinaleve të Kupës së Portugalisë.”

 

LEXO TE PLOTE

Sport

Kukës prezanton goditjen e radhës në merkato

Publikuar

-

Nga

Numan Kurdic është zyrtarisht futbollist i Kukësit. Mbrojtësi boshnjak, vjen te skuadra verilindore në formë huazimi nga klubi i FK Sarajevos dhe do të jetë pjesë e skuadrës deri në fund të sezonit.

Mbrojtësi 21-vjeçar është aktivizuar së fundmi në kampionatin serb me ekipin e Novi Pazar, ndërkohë që është aktivizuar edhe me Sarajevon.

Kurdic stërvitet prej disa ditësh me skuadrën kuksiane duke u njohur me ambientin dhe futbollistët, por problem ishte dokumentacioni. Së fundmi, klubi ka arritur të zgjidhë problemin dhe Kurdic do të jetë gati për ndeshjen e radhës.

Skeda e Lojtarit:
Emri: Numan Kurdic
Mosha: 21 vjeç
Kombësia : Boshnjak
Pozicioni: Mbrojtës

LEXO TE PLOTE

Sport

Nis aventura e re për Armando Sadikun, sulmuesi shqiptar zbarkon në Bolivi

Publikuar

-

Nga

Armando Sadiku ka zbritur në Bolivi, atje ku do të nisë edhe aventurën e re në karrierën e tij.

Sulmuesi shqiptar bëri një zgjedhje tërësisht të papritur duke shkuar në tokën “e panjohur” për futbollistët kuqezinjë, pas aventurës së dështuar te Erzurumspori.

Në ditën e djeshme Sadiku ka zbritur në qytetin Tarija, duke takuar fillimisht drejtuesit e klubit dhe duke iu bashkuar skuadrën në hotel për t’i njohur më nga afër.

Duke nisur nga dita e sotme futbollisti do të jetë gati nën urdhërat e trajnerit për t’u stërvitur, ndërsa ndeshja e parë miqësore do të zhvillohet në ditën e enjte kundër Tomayopo.

LEXO TE PLOTE