Humbja në finalen e Superkupës së Italisë ka krijuar pasoja negative psikologjike te Napoli. Të kaltërit u mposhtën me rezultatin 3-1 nga Verona duke mos arritur të parakalonte Juventusin dhe Atalantën në renditje.

Edhe pse ekipi i Xhenaro Gatuzos e zhbllokoi sfidën për 1 minutë nëpërmjer Irving Lozanos, miqtë verdheblu ditën si ta përmbysnin ndeshjen.

Dimarko barazoi në minutën e 34-rt, ndërsa në pjesën e dytë Barak dhe Zakanji shfrytësuan plogështinë e mbrojtjes napolitane duke shkundur rrjetën dhe dy herë të tjera. Mbrojtësi i Shqipërisë Elseid Hysaj u aktivizua 90 minuta në këtë takim.

Pas javës së 19-të, Napoli renditet në vendin e gjashtë me 34 pikë, 2 më pak se Juventusi dhe Atalanta dhe 3 më pak se Roma në vendin e tretë.

Juventusi ka bërë detyrën në shtëpi në sfidën e orën 12:30, duke triumfuar me rezultatin 2-0 përballë Bolonjës së Sinisha Mihajloviç.

Ishin 2 mesfushorët Artur dhe Mekeni, që me golat e tyre i dhuruar 3 pikë tepër të rëndësishme në kampionat skuadrës së Andrea Pirlos, e cila rikthehet kështu te triumfi pas disfatës ndaj Interit javën e kaluar.

Me këtë fitore Juventusi u ngjit në kuotën e 36 pikëve, teksa ndan vendin e 4-t së bashku me Atalantën. Kujtojmë që kampionat në fuqi të Serisë A kanë 1 ndeshje më pak, teksa aktualisht diferenca me kryesuesit e Milanit është 7 pikë. Sfidën e radhës bardhezinjtë do e luajnë në transfertë ndaj Sampdorias në datën 30 janar.

FT| Juventus-Bolonja 2-0

Artur 15′, Mekeni 71′