Sport
Champions League/ Interi triumfon mes drithërimave, kampionët e Bajernit nuk humbasin as me rezervat. Ja rezultatet (VIDEO)
U luajtën mbrëmjen e sotme 6 sfidat e vlefshme për grupet e Ligës së Kampionëve ku u regjistruan në total 13 gola. Padyshim që vëmendja më e madhe ishte në Gjermani në përballjen Borusia Mynshenglabah-Interit.
Zikaltërit e Kontes, arritën një fitore dramatike 2-3, falë edhe ndihmës së VAR-it. 5 minuta nga fundi gjermanët barazuan shifrat me sulmuesin Plea, por goli u anulua me VAR për pozicion jashtë loje. Ky ishte triumfi i parë në Champions për Interin këtë sezon. Gjithsesi Interit do t’i duhet ende punë për t’u kualifikuar. Përveç se janë të detyruar të fitojnë ndaj Shahtjorit ndeshjen e fundit, Interi do të jetë me “veshët” nga Spanja, ku do të luhet njëkohësisht sfida mes Realit dhe Mynshenglabahut. Një barazim në këtë përballje do të “digjte” zikaltërit.
Ndërkohë për sa i përket sfidave të tjera të zhvilluara mbrëmjen e sotme, Liverpuli dhe Marseja triumfuan në shtëpi. Ndërkohë ka zhgënjyer në shtëpi Atalanta e Gjimshitit, që nuk ka shkuar më shumë se barazimi 1-1 ndaj danezëve të Midtjulland . Në barazim u mbyllën edhe 2 sfidat e tjera, Atletiko-Bajern dhe Porto-Siti. Vlen të theksohet fakti se Bajerni në përballjen e sotme nuk kishte thuajse 70% të formacionit, duke iu dhënë shansin rezervave dhe futbollistëve të rinj.
REZULTATET:
Atletiko Madrid – Bajern Mynih 1-1
Zhoao Feliks 26′ / Myler 86′
Mynshengladbah – Inter 2-3
Plea 45+1′ , 76′ / Darmian 17′ , Lukaku 64′ , 73′
Liverpul – Ajaks 1-0
Xhones 58′
Marsejë – Olimpiakos 2-1
Pajet 55′ (p), 75′ (p) / Kamara 33′
Porto – Mançester Siti 0-0
Atalanta – Midtjulland 1-1
Romero 79′ / Sholc 14′
Seria A
LIVE| Milani me 10 lojtarë, Ibra ndëshkohet me karton të kuq (VIDEO)
Ka startuar në orën 20:45, derbi i Madoninës, i vlefshme për Kupën e Italisë. Interi dhe Milani kanë histori në Kupën e Italisë. Në fakt, janë dy nga katër formacionet lidere (së bashku me Bolonjën dhe Juventusin) për pjesëmarrje në kompeticion: 73. “Libri i artë” thotë që kuqezinjtë e kanë fituar 5 herë, ndërsa zikaltrit janë të tretët e të gjitha kohërave me 7 triumfe.
Megjithatë, për dy milanezet fitorja mungon prej shumë kohësh: Interi nga edicioni 2010-’11, ndërsa Milani nga akoma më shumë (2002-’03).
Do të jetë derbi numër 25 në Kupë. Në të kaluarën numërohen 7 fitore të zikaltërve, 10 të kuqezinjve dhe 7 barazime; me 22 gola të zikaltërve kundrejt 33 të kuqezinjve. Më në përgjithësi, do të jetë derbi numër 227 mes gjithë kompeticioneve: Interi drejton klasifikimin me 82 fitore kundër 77, ndërsa barazimet janë 67. Të dy trajnerët kanë bërë publike edhe formacionet zyrtare, ku nuk mungojnë surprizat:
LIVE: INTER-MILAN 0-1
Ibrahimoviç 32′
Sport
Vllaznia nuk ndalet në merkato, arrin akordin me një lojtar cilësor
Pas dështimit me Klodian Gjinon, kryesuesit e Vllaznisë kanë gjetur mesfushorë në Malin e Zi. Bëhet fjalë për futbollistin Milosh Kaleziç, i cili së fundmi ishte pjesë e OFK Titograd në kampionatin malazez, ku numëron 17 paraqitje, dhe 1 gol të shënuar.
Mësohet se palët kanë arritur akordin, teksa prezantimi pritet të vijë ditën e nesërme. Gjatë karrierës së tij, 27-vjeçari është aktivizuar edhe me Buduçnost, Mogren, Grbalj, Samorin, Iskra, Sloboda Tuzla dhe Petrovaç. Me afrimin e Kaleziç mesfusha e shkodranëve duke e kompletuar.
Kombëtare
E BUJSHME/ Mesfushori i Kombëtares transferohet te Shkëndija e Tetovës
Shkëndija e Tetovës, i ka surprizuar të gjithë me goditjen e fundit në merkato, teksa ka prezantuar mesfushorin e Kombëtres Shqiptare, Kamer Qaka, i cili ka firmosur për 1 vit e gjysëm me kuqezinjtë.
Lajmi është bërë publik nga vetë klubi nëpërmjet një njoftimi në faqen zyrtare, ku Qaka shihet duke pozuar me fanellën e Shkëndijës.
PRONONCIMI I PARË I QAKËS SI FUTBOLLIST I SKUADRËS TETOVARE:
“Është shumë ndjenjë e mirë të jem pjesë e Shkëndijës. Kam dëgjuar shumë gjëra të mira për këtë klub, se është skuadër serioze. Mezi pres të luaj për ekipin për të treguar edhe potencialin tim.
“E dij se Shkëndija është shumë e fortë në kampionat aq sa kam pa unë, por edhe në Europë kam ndjek disa ndeshje shumë të mira dhe janë përballur me skuadra të njohura. Shpresoj që edhe unë do të mund të ndihmoj skuadrën për të arritur edhe më shumë.
“Kam dëgjuar se Shkëndija luan futboll shumë ofenziv, ashtu si kam qejf edhe unë me shku përpara gjithmonë. Serioziteti i klubit më bëri të pranoj ofertën.
“Mendoj se më me rëndësi është të paraqitem mirë për klubin, pastaj të shofim. Gjithë futbollistët duan të luajnë për kombëtaren, jam shqiptar dhe gjëja më e madhe është të luaj për kombëtaren.
“Nuk kam qejf të flas shumë për veten, më shumë dua të flas në terren. Shpresoj përfundon kjo puna e pandemisë, të kthehen ‘Ballistët’ të na shohin dhe të na përkrahin dhe besoj se bashkë do të ecim mirë”.
Lajme të Rekomanduara:
E dhimbshme/ Trajneri i njohur shqiptar humb bashkëshorten
Trajneri i Lushnjës, Ilir Gjyla është duke u përballur me një dhimbje të madhe, pasi ditën e sotme ka ndërruar jetë bashkëshortja e tij, Ardita....
VIDEO/ Kukësi fundos Bylisin, Skënderbeu zhgënjen në shtëpi ndaj Apolonisë
Kukësi ka marr fitoren e dytë radhazi, kundër Bylisit me rezultatin 2-1, kurse Skënderbeu e Apolonia u ndanë në barazim 1-1. Verilindorët e drejtuar nga...
