Connect with Us

Olsi Rama: Dajës ia rinovoj kontratën kur të dojë

Sport

Olsi Rama: Dajës ia rinovoj kontratën kur të dojë

Publikuar

-

Drejtori i Përgjithshëm i Partizanit, Olsi Rama, ka prekur shumë tema rreth klubit të kuq. Fillimisht, Rama i uroi shërim të shpejtë ish-trajnerit Skënder Gega e më pas, u ndalua te ndeshja kundër Apolonisë, trajneri Ilir Daja dhe te çështja “Çinari” që është në KAS.

GEGA – “Kam qenë në kontakt këto ditë. I uroj shërim të shpejtë. Shpresoj dhe besoj të behet mirë sa më shpejt”.

LOJTARËT – “Idrizajn e urova për golin. Solomon nuk shënon por dha dy asiste. Bardhi gjithashtu po luan shumë mirë dhe Kote po bën siç duhet detyrat që i jep trajneri. Përshëndes shumë tifozët që erdhën edhe në Fier dhe na ndiqnin nga një tarracë. Kordeiro po kthehet me ngadalë. Nuk i eci me dëmtimet në fillim, por po e merr veten. Asani ka filluar stërvitjen, por ende nuk është gati. Edhe Braun po ashtu”.

DAJA – “Do ta blija përsëri nga e para. Jam gati t’i zgjas kontratën Ilir Dajës kur të dojë…”, tha fillimisht Rama në “Rubrika Sportive”.

KAS – “Jam shumë i bindur në pafajësinë e klubit tonë. Kemi dy studio ligjore prestigjioze që na përfaqësojnë dhe më kanë dhënë garanci që kemi të drejtë. Prandaj në 15 dhjetor kemi shumë shpresa”.

MERKATO – “Nuk dua të vendosim ‘karrocën para kuajve’… Presim një herë vendimin, pastaj do lëvizim. Kemi folur patjetër edhe me trajnerin edhe me presidentin. Më vjen mirë që Daja i ka idetë e qarta edhe për ata që do të afrojmë (nëse fitojmë). Por periudha e janarit është pak e vështirë për të bërë merkaton e duhur. Më ka çuditur ashpërsia e vendimit të FIFA-s që nuk na lejonte të bënim merkato as te moshat, por vetëm të formonim ekipin e femrave në futboll. Por do të kërkojmë patjetër një dëmshpërblim financiar nëse dalim të pafajshëm sepse dëmi është bërë dhe është i madh”.

RIVALËT – “Kategoria Superiore është një kampionat me 10 skuadra që luajnë 4 herë me njëra tjetrën. Është shumë shpejt të flasim për favoritë. Vllaznia ka vepruar saktë dhe bukur sidomos në merkato dhe në fillim. Për ta parë në fushë e kam ndjekur vetëm 45 minuta dhe aq sa e kam parë, më ka pëlqyer shumë në fushë. Ndoshta edhe prania e sponsorit ka sjellë qetësi, por edhe trajneri”.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

E bujshme/ Armando Sadiku arrin akordin me klubin nga Bolivia

Publikuar

-

Nga

Sulmuesi i Shqipërisë Armando Sadiku do të transferohet në Bolivinë e largët. Futbollisti i Erzurumsporit do të transferohet te klubi i Bolivarit në Amerikën e Jugut.

Lajmi konfirmohet nga presidenti i klubit amerikanolatin, Marselo Klaur në “Twitter”, i cili ka pranuar se ka arritur akordin me Sadikun.

“Mirëserdhe, Armado Sadiku! Sulmuesi i fuqishëm 29-vjeçar, i cili ka shkëlyer në ligat kryesore të Europës ka shënuar më shumë se 100 gola në Spanjë, Zvicër, Poloni dhe Turqi.  Është i pari shqiptar që vjen në Bolivi! Përgatitemi për 100 vjetorin e FK Bolivarit!”, shkruan presidenti i Bolivarit, Marselo Klaur rreth afrimit të Armando Sadikut.

LEXO TE PLOTE

Sport

VIDEO/ Brdariç mbush 46-vjeç! Shikoni festën speciale të trajnerit të Vllaznisë

Publikuar

-

Nga

Thomas Brdariç është padyshim një nga njerëzit më të dashur të momentit në qytetin e Shkodrës. Kjo falë ecurisë dhe rezultateve fantastike që po arrin me skuadrën e Vllaznisë, teksa po i rikthen lavdinë e munguar prej afro 20-vitesh.

Tekniku gjerman, festoi mbrëmjen e sotme, 46-vjetorin e lindjes. Festë speciale për teknikun e Vllaznisë, i cili mbante kishte vendosur një qeleshe në kokë, si dhe mbante në dorë një çifteli, simbole këto shumë të vyera për shqiptarët.

Brdariç e ka festuar këtë ditë speciale në një prej lokaleve në Shkodër, së bashku me lojtarët dhe stafin. Për më tepër shikoni videon e mëposhtme:

LEXO TE PLOTE

Seria A

Humbja turpëruese ndaj Atalantës, Ibra i surprizon të gjithë me deklaratën

Publikuar

-

Nga

Sulmuesi i Milanit, Zllatan Ibrahimoviç, analizoi disfatën 0-3 në shtëpi ndaj Atalantës. Në prononcimin pas ndeshjes për mikrofonin e “Sky Sport”, suedezi deklaroi:

“Sot kanë munguar shumë gjëra. Tani është e rëndësishme të rikuperojmë dhe të presim ndeshjen e ardhshme. Skuadra është pak e brishtë sepse mungojnë 4-5 titullarë dhe luajnë lojtarë që nuk kanë shumë eksperiencë dhe shumë ndeshje në Serinë A. Por ky nuk mund të jetë një justifikim, jemi të parët”.

Jeni kampionë dimri.

“Nuk vlen për asgjë”.

 Si do t’ia përmirësoni humorin skuadrës?

“Kemi një ndeshje tjetër pas disa ditësh dhe kemi mundësinë të bëjmë më mirë se sot, sigurisht. Tani duhet të përgatitemi mirë”.

Do të pëlqente të luaje me Iliçiç?

“Kur i jep kohën, ai e ka shumë të lehtë të luajë. Sot kishte shumë kohë me topin në këmbë dhe ka bërë një ndeshje të madhe, mund të kishte bërë më shumë gola, ka qenë më i sjellshëm se duhet”.

Çfarë i ke thënë Manxukiçit?

“Nuk është një njeri që flet shumë, duket. Kam provuar t’i jap mirëseardhjen në sllavisht, italisht, por kur Pioli e ka ftuar t’i thotë diçka skuadrës, ai ka refuzuar. Është një person shumë serioz, i përqendruar, dhe do hapësirën e tij”.

Një përshëndetje për Konten?

“Përshëndetje Antonio. Shihemi të martën”.

LEXO TE PLOTE