Armando Sadiku po pret të zyrtarizohet te FC Bolivar në Bolivi, pas largimit nga Erezumspor në Turqi. Elbasanasi tanimë është prezantuar në rrjetet sociale nga presidenti i klubit, teksa do jetë lojtari i parë me origjinë shqiptare që luan në vendin e Amerikës Latine.

FC Bolivar është skuadra me e madhe në Bolivi, teksa ka fituar 20 nga 49 titujt qëkur Federata e re e futbollit u krijua. Skuadra ka si qytet La Paz, kryeqytetin e vendit që gjendet në lartësinë 3500 metra mbi nivelin e detit.

Shpeshherë, lojtarët që nuk kanë lindur në Bolivi kanë probleme me frymëmarrjen në këtë lartësi. Jo më kot, Federata e Futbollit i zhvendos ndeshjet kryesore të Kombëatres së Bolivisë në atë stadium, për të qenë një pengesë me shumë për kundërshtarët. Edhe Messi ka vjedhë në duelin Bolivi – Argjentinë, duke mos u mbushur me oksigjen.

Stadiumi ka një kapacitet prej 41 mijë e 143 vendesh dhe mban emrin Hernando Siles Reyes, presidentit të 31-të të Bolivisë. Skuadra stërvitet në një kompleks modern me 5 000 vende për tifozët, ndërsa muajt e fundit ka lindur ideja për të ndërtuar aty edhe një stadium të ri.

Bolivar dhe presidenti i saj Marcelo Claure kanë një marrëveshje bashkepunimi me Etihad dhe City Football, teksa Sadiku mund të ketë një shans të lëvizë edhe në Miami te Inter, ekip që ka si president Beckham dhe bën pjesë në këtë shoqëri futbolli.

Mançester Junajtid ka arritur një tjetër fitore të rëndësishme përballë rivalëve historikë të Liveprulit, duke i eliminuar nga Kupa FA pas një ndeshje spektakolare mes dy skuadrave. Ky ishte nje rezulatat i rëndësishëm, që tashmë bën të qartë se për Liverpulin këtë vit ekziston vetëm kampionati dhe Liga e Kampioneve, me të parin që është komplikuar mjaft për momentin duke qenë jashtë podiumit.

Salah kaloi në avantazh Liverpulin, por talenti Grinud barazoi shpejt shifrat për të mbyllur pjesën e parë me rezultatin 2-1. Rashford ishte më pas ai që shënoi golin e avantazhit në fillimin e pjesë ssë dytë për “djajtë e kuq”, por Salah realizoi dygolëshin personal kur regjistrohej minuta e 59 e kësaj ndeshje e cila prodhoi në vijim raste të shumta nga të dy ekipet dhe një futboll me ritëm të lartë.

Për të zgjidhur duelin mendoi portugezi Buno Fernandes dhe jo me penalltinë e zakonshme. Ai ekzekutoi në mënyrë mjeshtërore një goditje dënimi duke dërguar sferën në rrjetë dhe duke i dhënë avantazhin 3-2 skuadrës së tij, shifra që rezistuan deri në vërshëllimën përfundimtare duke kaluar këtë skuadër në turin tjetër. /vipsport.al/

Trajneri i Vllaznisë, Tomas Brdariç analizoi barazimin e skuadrës së tij 1-1 ndaj Kastriotit. Për emisionin “Gol pas goli” të “Supersport”, tekniku kroato-gjerman nuk e bëri dramën barazimin me krutanët duke kujtuar se shkodranët mbeten 7 pikë para në renditje nga rivalët.

“Përse nuk fitoi Vllaznia – Nuk jemi ekip klasi europian, duhet të punojmë, duhet të përfitojmë nga java në javë. Nuk është e thënë të fitojmë gjithmonë.

Mungesa e golit – Është e vëshirë me këtë terren dhe shi. Ishte e pamundur të shënonim, ishte ndeshje shumë e vështirë.

Meritë e kundërstharit apo ekipi ishte në ditë jo të mirë – Kemi patur shanse më tepër, dominuam më tepër, por nuk e gjetëm goli. Jemi prapë 7 pikë para. Duhet të luajmë më mirë. Të përmirësojmë gabimet, gjykimi ka pasur problemet e veta. Por, mbetet një ndeshje.

Përse nuk e bëri ritualin në fushë – Ishte faji i shiut. Ajo ndeshje shkoi barazim.

Dunga, problem për Vllazninë që ka ikur – Kemi pasur mundësi ta fitojmë ndeshjen. Nuk komentoj për lojtarët që nuk ishin sot në fushë.

Duhet ta pranojmë rezultatin dhe të jemi me këmbë në tokë. Të mësojmë dhe të kemi parasysh ndeshjet e tjera”, përfundoi trajneri i Vllaznisë, Tomas Brdariç.