Politikë
Lefter Maliqi thirrje mediave/ Censurojeni Ramën, aktron me lot krokodili
Një vit pas tërmetit tragjik të 26 nëntorit që ka marrë 51 jetë njerëzish, deputeti Lefter Maliqi, ka ngritur një sërë akuzash ndaj kryeministrit Edi Rama dhe qeverisë.
Maliqi kujton fjalimin e mbajtur një vit më parë në Kuvend dhe kërkon të censurohet kreu i qeverisë.
Deputeti pretendon se qeveria nuk ka bërë asgjë dhe ata banorë të prekur nga ajo fatkeqësi, të cilët janë akoma në qiell të hapur, pa shtëpi, nëpër çadra, dhe ky është dimri i dytë që kalojnë në kushte të mjerueshme.
Ai deklaron se Rama pa asnjë shqisë humanizmi, ka bërë përditë propagandë me vemjet e tij që e rrethojnë, duke premtuar një vit me radhë rindërtimin e shtëpive.
“1 vit më pas… Banorët e prekur nga tërmeti janë akoma në çadra… në dimrin e dytë…por të fundit! Censurojeni Kryemafiozin që vazhdon të aktrojë me lot krokodili, pa asnjë shqisë humane
Të dashur shqiptarë!
Sot është një ditë e trishtë për të gjithë, një ditë që na kujton fatkeqësinë, për të cilën Shqipëria nuk e ka hequr ende zinë. Një vit më parë, shumë prej familjeve u përgjysmuan, humbën të dashurit e tyre, të afërmit, miqtë, dhe shqiptarët humbën shqiptarët.
Një vit më parë, në ditët e para pas fatkeqësisë dhe tragjedisë së tërmetit të 26 Nëntorit, unë mbajta një fjalë në Parlament; si politikan për ti kërkuar llogari Qeverisë, dhe si njeri e shqiptar si ju, duke mos mundur ta mbaj fjalimin pa lot e nerv që shkaktoi ajo fatkeqësi.
Por, sot, një vit më pas, fatkeqësisht, unë po ripostoj të njëjtin fjalim, duke mos pasur nevojë të flas sërish sot, pasi ato që kam thënë në foltoren e Parlamentit janë të njëjtat që do të thoja edhe sot.
E dini pse?
Sepse, FATKEQËSISHT, sot, një vit më pas, kjo qeveri ç’njerëzore nuk ka bërë asgjë dhe ata banorë të prekur nga ajo fatkeqësi, janë akoma në qiell të hapur, pa shtëpi, nëpër çadra, dhe ky është dimri i dytë që kalojnë në kushte të mjerueshme.
Pa shtëpinë që iu premtoi ky Kryemafioz, që paratë e shtetit, buxhetit, ndihmat e partnerëve tanë në Bruksel, që u ofruan nga e gjithë bota, një ZOT e di ku kanë përfunduar, vetëm te destinacioni në të cilin ishin nisur, nuk kanë shkuar.
Ky Kryemafioz pa asnjë shqisë humanizmi ka bërë përditë propagandë me vemjet e tij që e rrethojnë, duke premtuar një vit me radhë për ato të shkreta shtëpi, që nuk u bënë kurrë, dhe FATKEQËSISHT, as ka për ti bërë kurrë.
Më vjen pështirë ta shoh në ekrane këtë Kryemafioz, sot, një vit më pas, duke aktruar po njësoj, me lot krokodili, pa pikën e turpit dhe humanizmit, shtetarit jo e jo, duke premtuar sërish të njëjtat gjëra, edhe pse ka kaluar një vit…
Boll më me mashtrime ordinere, ç’njerëzore, aktrime, propaganda. Shporrja e këtij Kryemafiozi nuk është më vetëm çështje politike…”, shkruan Maliqi në rrjetet sociale./ CNA.al
Politikë
Kryemadhi flet për betejën me kancerin/ E kam të vështirë të gjej….
Kryetarja e LSI-së, Monika Kryemadhi, ka folur mbrëmjen e sotme për betejën e saj me kancerin në qafën e mitrës.
Kryemadhi tregoi se ajo është e detyruar që një deri dy herë në vit të marrë serum në gjak, ndërsa rrëfeu një problem që e has gjithmonë.
Ajo deklaroi në emisionin “Real Story” se e ka shumë të vështirë të gjejë një infermier që t’i gjejë asaj venën, pasi theksoi se e shpojnë 10 herë.
“Nëse kam erdhur në këtë drejtim. Nuk e kam thënë asnjëherë, po e them këtu sot. Unë jam një person i kategorizuar me kancerin në qafën e mitrës, që jam operuar. 1-2 herë në vit duhet të marr serum në gjak. E kam të vështirë të gjej infermier në Shqipëri, të më çpojë e gjejë venat pa 10 herë.
Është vetëm një djalë, i cili e ka aftësinë për të gjetur. Nëse ky djali ikën Gjermani, unë do përfundoj 1-2 herë në vit do shpohem në damarët e qafës. Imagjinoni qytetarët e tjerë. Sa të vështirë e kanë qytetarët me COVID-19. Sot duhet infermier, nesër elektricist, hidraulik. Duhen inxhiniera, specialistë. Duhen inxhinierë nafte”, tha kryetarja e LSI-së./ CNA.al
Politikë
Platforma e Kryemadhit/ Si mund të bëhen fëmijët të pasur
Kryetarja e LSI, Monika Kryemadhi ka shpjeguar programin nga “Bebja në Bebe”. Ajo tha se në Shqipëri lindin 28 mijë fëmijë në vit dhe 28 milionë euro në vit nuk e rëndojnë buxhetin e shtetit.
Kryemadhi deklaroi se këto para do të futen në fondacione me interesa që fëmija që lind sot kur të bëhet vetë prind të marrë paratë.
Sipas saj, me këtë program fëmija fiton 28 mijë e 800 euro deri në moshën 25-vjeçare.
“Në Shqipëri lindin 28 mijë fëmijë në vit, nga 1000 në vit, bëhen 28 milion euro në vit. Këto 28 milion euro në 10 vjet bëhen 280 milionë euro. Sot kur lind një fëmijë Shqipëria nuk i ofron asgjë këtij fëmije. Ne themi që për këtë fëmijën që lind sot, unë si shtet ngurtësoj në “hedge fund”, përqindjet nuk i kam shpikur unë, i përdor e gjithë Europa Perëndimore, i përdor Amerika, derisa ky fëmijë të riprodhohet. Derisa fëmija i lindur sot, të bëhet me fëmijë nesër. Pra ky fëmijë ditën që bëhet me fëmijë, ka minimumi, po themi në moshën mesatare 25 vjeç, ky fëmijë përfiton 28 mijë e 800 euro.
Ky i merr këto para kur bëhet prind dhe 28 mijë e 800 euro ka nëna, dhe 28 mijë e 800 euro ka babai dhe ky çift i ri blejnë një shtëpi të re dhe jetojnë të lumtur me fëmijën e tyre. Por mos harro, që të gjithë këtë kohë ekonomia shqiptare duke filluar me formalizimin e ekonomisë, çfarë ndodh? Në 20 vjet, 28 mijë fëmijë shqiptarë që lindin, që janë 560 milion euro, që i bie 560 mijë shqiptarë, janë më mirë që ne t’i ngurtësojmë 1 mijë euro çdo fëmije që lind dhe ai kur të jetë 25 vjeç të marrë 28 mijë e 800 euro apo doni që për 10 vjet t’i japim Vilma Nushit 600 milion euro?”, theksoi ajo në emisionin “Real Story”./ CNA.al
Politikë
KQZ nuk lejon kandidimin e Albin Kurtit në zgjedhje/ Abazi: Do ankimojmë në Gjykatën Supreme
Paneli Zgjedhor për Ankesa dhe Parashtresa ka refuzuar të certifikojë Albin Kurtin si kandidat për zgjedhjet e 14 Shkurtit për shkak të problemeve me ligjin, por Lëvizja Vetëvendosje nuk dorëzohet.
Kryetari i Qendrës së VV në Shqipëri, tha në emisionin Përballë se vendimi do të ankimohet në gjykatë.
“Hapi i radhës është ankesa në Gjykatën Supreme. Ju e nisët emisionin me 14 shkurtin që rastis me ditën e zgjedhjeve, po një gjë ka lidhje me dashurinë. Populli e do Lëvizjen Vetvendosje më shumë se kurrë”, tha Abazi.
Sipas Abazit, refuzimi i Albin Kurtit si kandidat për zgjedhjet në Kosovë është manovër për shkak të përkrahjes masive që ka Vetvendosje nga populli.
“Kjo përkthehet edhe në shifra sidomos ato të Diasporës. Ku 40 mijë veta janë regjistruar në zgjedhjet e fundit ato të 2019, ndërkohë mbi 119 mijë janë regjistruar në këto zgjedhje pra mbi trefishi. Për shkak të kësaj përkrahje masive ka një tentativë, po bëjnë manovra nga më të ndryshmet sicc është rasti I vendimit të fundit i institucioneve të kapura në Kosovë”, tha Abazi./ CNA.al
Lajme të Rekomanduara:
Përplasjet/ Çfarë po ndodh me listën e PD në Korçë, kush janë pretendentët
Qarku i Korçës duket se do të jetë një nga më të vështirët në përzgjedhjen që do të bëjë Lulzim Basha. Kështu ishte edhe me...
“Nuk kam votuar prej 1992-shit”/ Dashnor Diko “i futet politikës”, tregon kë mbështet në zgjedhje
Këngëtari i njohur Dashnor Diko, ka rrëfyer sot se që prej marsit të vitit 1992 nuk ka votuar në asnjë zgjedhje. Mirëpo duket se këtë...
