Një tjetër grabitje me armë zjarri ka ndodhur në Tiranë! Mësohet se ngjarja ka ndodhur në një farmaci pas shkollës “Sami Frashëri” shumë pranë qendrës.

Me kërcënimin e armës së zjarrit autorët kanë marrë xhiron e ditore dhe më pas janë larguar me shpejtësi nga vendi i ngjarjes.

Patrulla të shumta të policisë kanë shkuar në vendin e ngjarjes ku po mbledhin prova dhr dëshmi për të bërë të mundur identifikimin dhe kapjen e autorëve.

“Tiranë/Informacion paraprak

Më datë 26.01.2021, rreth orës 20:13, në rrugën “Bardhok Biba”, një person ende i paidentifikuar dyshohet se nën kërcenimin e armës ka vjedhur në një farmaci.

​Sherbimet e Policisë menjeherë kanë ngritur pika kontrolli dhe po bëhet krehja e zonës në afërsi të vendit të ngjarjes me sherbime të shtuara.

Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit”, thuhet në njoftimin e policisë./CNA.al

Një javë më parë emisioni “Stop” transmetoi rastin e grabitjes së një pacienti të intubuar në spitalin infektiv “Covid 1”, të cilit iu vodhën para nga portofoli dhe karta e bankës.

Ditën e sotme u bë i ditur lajmi se forcat e komisariatit numër 4 në bashkëpunim me Prokurorinë e Tiranës kanë bërë të mundur identifikimin dhe arrestimin e infermieres që ka kryer këtë akt të rëndë. Ajo është 30-vjeçarja Ronida Hysa.

Emisioni “Stop” ka siguruar pamjet e momentit të 30-vjeçares teksa shoqërohet në polici e lidhur në pranga.  Nga ana tjetër, Urdhri i Infermierit vendosi bllokimin e lejes së ushtrimit të profesionit deri në vendimin përfundimtar të gjykatës për infermieren Hysa.

Në përfundim të procesit gjyqësor, do të merret vendimi përfundimtar për heqjen me ose pa afat të licencës së zonjës Ronida Hysa. Infermierja ka qenë përfaqësuese në grupin e dytë ku Shqipëria ka çuar një ndihmë me infermierë dhe doktorë drejt Italisë.

Djali i pacientit të ndjerë, që gjeti kurajon të denonconte në “Stop”, shprehet mirënjohës për ndjekjen dhe zgjidhjen e problemit të tij.

“Jam falënderues ndaj emisionit “Stop” për punën e bërë që është gjetur personi që ka marrë portofolin e babait tim se pa emisionin “Stop” nuk do kishte dalë personi. S’kam fjalë. U jam mirënjohës edhe për ju kam fjalët më të mira”, tha ai. /tvklan.al

Zbulohet emri i 23-vjeçares e cila humbi jetën mbrëmjen e sotme në aksidentin në aksin Vlorë-Levan.

Ajo është shtetasja Anxhela Çapo, ndërkohë që ka mbetur e plagosur dhe bashkëudhëtarja e saj 22-vjeçarja Silvana Muho, e cila është transportuar në spitalin e Vlorës në gjendje kritike për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

Njoftimi i plotë i policisë:

Vlorë/Informacion paraprak

Më datë 26.01.2021, rreth orës 19:25, në  autostradën Vlorë- Fier, mjeti me drejtuese shtetasen A.Ç., dhe pasagjere shtetasen S. M., 22 vjeçe, ka humbur kontrollin dhe ka dalë nga rruga.

Si pasojë e daljes nga rruga ka ndërruar jetë në vendngjarje drejtuesja e mjetit shtetasja A. Ç, dhe  është dërguar në spitalin e Vlorës, në gjëndje të rëndë shëndetësore pasagjerja e mjetit shtetasja S.M.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit./CNA.al