Koordinatori i Bindja Demokratike, Astrit Patozi, është përfshirë në një debat me analistin Agron Gjekmarkaj.

I ftuar në ABC neës, Patozi tha se Basha kullon nga korrupsioni dhe  se opozitën e ka të korruptuar.

Patozi: Të gjithë këta janë të korruptuar, ne duam të heqim Ramën dhe të bëhet kryeministër dikush që nuk është si ai, që nuk i ka bërë dëme Shqipërisë.

Gjekmarkaj: Lulzim Basha i ka bërë më pak dëme Shqipërisë, është më i mirë se Rama, dhe ku e keni parë ju korrupsionin e Bashës?

Patozi: Basha kullon nga korrupsioni se opozitën e ka të korruptuar. Nëse Rama është i korruptuar i aftë, Basha është i paaftë.

Gjekmarkaj: Pse s’dolët të thoshit kjo është opozitë e korruptuar në 2013-2017?

Patozi: Po flet me njeriun e gabuar. Unë jam ai që kurrë nuk kam heshtur. Basha nëse e bëri këtë sepse ishte mërzitur nga heshja ime, i lumtë krahu. Në këtë krasitjen që na bëri ne. Çfarë jam unë tani djal i urtë, apo zevzeg? Çfarë më do ti mua? Idenë timë nëse duan ta ndjekin janë të mirëseardhur.

Gjekmarkaj: Pse nuk the opozitë e korruptuar në 2013-2017?

Patozi: E kam denoncuar unë gjithmonë. Unë jam krenar për koherencën time. Koherencën time e kam të shenjtë dhe i dal zot çdo gjëje që kam bërë në politikë.

Lulzim Basha është simboli i një njeriu që ka mundur të shumfishojë pasurinë e tijë gjatë kohës që është në krye të opozitës.

Dy vila në kompleksin e Agron Papulit dhe dy të tjera në bregdet duket se nuk i mjaftojnë kryetarit të PD-së, dhe kërkon dhe një tjetër.

Ish-kryeparlamentarja Jozefina Topalli, në një intervistë për ABC tha se Basha nuk ka bërë transparente asgjë, për mënyrën se si është pasuruar.

“Ka një kryetar që në dy vite ka marrë dy vila, në zona luksoze dhe dy të tjera tek bregdeti, dhe na del se nuk i mjaftojnë këto dhe do dhe të tjera, në popullin më të varfër.

Nuk ka bërë transparencë për asgjë. Nuk jam kundër pasurimit të njerëzve, por politikanët duhet të bëjnë transparencë dhe me shumë burime”, tha Topalli./CNA.al

Rikthimi i Astrit Patozit dhe Jozefina Topallit në skenën politike, ka sjellë një sërë sulmesh dhe akuzash ndaj tyre.

Pikërisht për këto sulme ka folur mbërmjen e sotme edhe koordinatori i Bindjes Demokratike, i cili tha se nuk e kupton pse njerëzit ankohen duke thënë se ai dhe Topalli janë të vjetër në politikë.

Patozi deklaroi në emisionin “Log” se Sali Berisha dhe Ilir Meta që akoma kërkon të mbajë poste, janë shumë të vjetër në politikë dhe askush nuk ankohet për ta.

“Ne nuk kemi dal për vete apo për familjet tona. Ne dalim sepse kemi ide, politika është idea, jo personi. Njerëzit ankohen se Patozi dhe Topalli janë të vjetër në politikë, nuk do sjellin gjë të re, por këta njerëz nuk ankohen për Sali Berishën që ka 30 vjet aty, apo për Ilir Metën që nuk e di se çfarë posti kërkon më nga politika”, theksoi ai./ CNA.al