Sport
Avokati zbulon fjalët e fundit të Maradonës dhe denoncon: Kjo ishte kriminale
Diego Armando Maradona ka ndërruar jetë dhe futbolli është zgjuar me një legjendë më pak në ditën e sotme. E gjithë bota flet për këtë ngjarje të trishtë, ndërsa ylli i përjetshëm i Argjentinës, ndërroi jetë në shtëpinë e tij pas një ataku kardiak që pësoi në shtëpinë e tij në “Buenos Aires”.
Kur pa momentet e vështira që po i vinin, Maradona ka telefonuar ambulancën: “Ndihem keq”. Por një vonesë e madhe ishte nga bluzat e bardha që kërkuan më tepër se 30 minuta për të shkuar te argjentinasi dhe e gjetën të pajetë.
Ky rast nuk mund të kalojë kaq lehtë dhe do të jetë avokati i Diegos, Matias Morla, që do ta ndjeki deri në fund. “E pashpjegueshme që për 12 orë shoku im nuk ka pasur vëmendje apo kontroll nga personeli shëndetësor i dedikuar për këto qëllime.
Ambulancës iu desh më shumë se gjysmë ore për të mbërritur, e cila ishte një idiotësi kriminale. Ky fakt nuk duhet të neglizhohet dhe unë do të kërkoj që pasojat të hetohen deri në fund. Ndërsa Diego më tha: “ti je ushtari im, vepro pa mëshirë ”, shkruan Morla.
Seria A
Ibrahimovic rikthehet me dopietë, Milani mposht Cagliarin
Milani kalon edhe pengesën Kaljari! Kuqezinjtë e Stefano Piolit, triumfuan në transfertë me rezultatin 0-2, falë dopietës së Zllatan Ibrahimoviç. Rikthim i frikshëm i sulmuesit suedez, i cili e nisi ndeshjen si titullar, duke shënuar 2 herë dhe duke i dhuruar 3 pikë të arta skuadrës së tij, që kryeson kampionatin e vetme me 43 pikë në 18 ndeshje.
Edhe pse pa shumë titullarë si Teo Hernandez, Çalhanoglu, Rebiç si dhe Benaser, 7 herë fituesit e Championsit arritën të bindnin. I vetmi “pishman” në këtë sfidë ishte dalja me karton të kuq e Selemekers.
I rikthyer nga dëmtimi, belgu u aktivizua në minutën e 66-të të sfidës, duke zënë vendin e Hauge. Futbollisti i Milanit qëndroi vetëm 8 minuta në fushë, teksa u ndëshkua 2 herë me kartonë të verdhë në minutat 68 dhe 74, duke lënë skuadrën e Piolit me 10 lojtarë për afro 20 minuta.
Pavarësisht inferioritetit numerik, kryesuesit e Serisë A, arritën ta menaxhonin mjaft mirë rezultatin, duke mos e vënë për asnjë moment në dyshim suksesin. Sfidën e radhës Milani do e luajë më datën 23 janar ndaj Atalantës në shtëpi. Ndërkohë për Kaljarin kjo ishte humbja e 5-të radhazi në kampionat.
Seria A
Barazoi në ndeshjen e fundit, ish-trajnerin e Milanit e shkarkojnë nga klubi i Serisë A
Tashmë është zyrtare. Marko Xhampaolo nuk do të jetë më në stolin e Torinos. Lajmi është konfirmuar nga vetë klubi “granata” nëpërmjet një komunikate për shtyp të publikuar në faqet zyrtare në rrjetet sociale.
53-vjeçari është liruar nga detyra, për shkak të rezultateve negative. Shkarkimi erdhi pas barazimit 0-0 në shtëpi ndaj Specias. Edhe pse skuadra kundërshtare luajti me 10 lojtarë për shumë minuta, Torino nuk arriti të triumfonte.
Skuadra ku aktivizohet mbrojtësi i Kosovës, Vojvoda, gjatë këtij sezoni ka zhvilluar 18 ndeshje, ku ka grumbulluar vetëm 13 pikë dhe gjendet në zonën e rrezikshme, duke mbajtur pozitën e 18-të.
Sport
Ish-sulmuesi i Kukësit bashkohet me Apoloninë e Kamaratës
Sulmuesi brazilian që pak ditë më parë është bërë pjesë e skuadrës së Apolonisë vijon provën, pasi ende nuk ka një përgjigje për të. Ndërkohë që në Fier së fundmi është bashkuar me skuadrën e trajenrit italian Kamarata edhe MarkoVanbasten Çema.
Ky i fundit që ka qenë pjesë e skuadrave të Partizanit, e më pas te Kukësi dhe Erzeni në pjesën e parë të këtij sezoni synon që të bëhet pjesë e skuadrës së Apolonisë. Por, që është në provë dhe do të vendoset për të pas pak ditësh.
Apolonia pas fitores me Laçin luan në fushën e vet me Kukësin, një ndeshje tjetër mjaft delikate për skuadrën e trajnerit Fabrizio Kamarata që ka marrë 4 pikë në krye të skuadrës bardhjeshile.
Lajme të Rekomanduara:
VIDEO/ Partizani leksion “ujqërve” në dëborë, triumfojnë dhe Apolonia e Tirana
Kanë përfunduar 3 sfidat e javës së 14-të të Kategorisë Superiore ku nuk munguan surprizat. Apolonia shtangu në shtëpi Laçin, duke u rikthyer te rezultatet...
Ngjarje e rëndë/ Zhduket në Shqipëri ish-gjyqtari i Serisë A, gjendet makina e djegur
Një ish-gjyqtar italian, i cili ka qenë pjesë edhe e Serisë A gjatë karrierës së tij, është zhdukur ditët e fundit në Shqipëri pa lënë...
