Shqipëria do të zgjerojë listën e zyrtarëve të lartë dhe familjarëve që do të jenë nën mbikëqyrje për krijimin e pasurive të pajustifikuara dhe rrezikun e pastrimit të parave.

Pas rekomandimeve të Task Forcës Financiare Ndërkombëtare, tashmë do të vëzhgohen edhe transaksionet që kryejnë ambasadorët dhe të ngarkuarit me punë jashtë, ndërsa në pemën e familjarëve janë përfshirë bashkëjetuesit, bashkëshortët e fëmijëve dhe prindërit, pavarësisht nëse ata rezultojnë si familje më vete.

Ministria e Financave dhe Ekonomisë pritet që të dërgojë në Kuvend ndryshimet në ligjin për “Parandalimin e Pastrimit të Parave” ku njësia për kontrollin e transaksioneve financiare tashmë do të mbikëqyrë dhe bashkëpunëtorët e ngushtë të personave të ekspozuar politikish, shkruan tv klan..

Jo vetëm bankat dhe zyrat e pasurive të patundshme, por çdo biznes i cili pranon shkëmbime me para “cash” me vlerë mbi 1 milion Lekë të rinj, duhet të raportojë pranë Drejtorisë së Parandalimit dhe Pastrimit të Parave subjektin, ndërsa institucionet financiare detyrohen të regjistrojnë të dhënat bazë edhe për individë që depozitojnë para në shuma të vogla nën 100 mijë Lekë të rinj.

Kjo është hera e dytë brenda 2 vjetësh që forcohen rregullat për vigjilencën ndaj fenomenit të pastrimit të parave duke përfshirë dhe personat e ekspozuar politikisht. 1 vit më parë njësia europiane Moneyval rifuti Shqipërinë në listën e vendeve gri sa i takon këtij rreziku.

Gjykata e Tiranës ka regjistruar procedimin penal për shpifje ndaj ish deputetes së PD-së, Grida Duma.

Kjo lidhet me deklarata e para dy ditëve më parë, për përgjimet e antimafias italiane, ndërsa tashmë Duma do duhet të provojë përpara gjykatës të gjitha akuzat ndaj kryebashkiakut Veliaj.

Gjatë përballjes gjyqësore, e paditura Duma duhet të vërtetojë me prova dhe fakte të gjitha akuzat ndaj Veliaj.

Veliaj i ka hedhur poshtë akuzat e Dumës, ndërkohë që pritet të dërgojë në gjykatë për shpifje edhe zyrtarë të tjerë të PD.

Komisioni Qendror i Zgjedhjeve zhvilloi pak javë më parë procedurën prokuruese me objekt “Sisteme/pajisje të teknologjisë së informacionit për identifikimin elektronik të votuesve dhe verifikimin e tyre pas zgjedhor”.  Një sistemi i shumë kërkuar nga opozita si garante e procesit.

Në këtë procedurë u ftuan për të marrë pjesë 6 kompani, nga të cilat u paraqit vetëm një kompani. Bëhet fjalë për kompaninë Holandeze Smartmatic International Holding B, me ofertë vlerë : 2,016,354,627.56 (dy miliard e gjashtëmbëdhjetë milion e treqind e pesëdhjetë e katërmijë e gjashtëqind e njëzet e shtatë presje pesëdhjetë e gjashtë) lekë pa TVSH.

“Njoftojme se, kane qenë pjesëmarrës në procedurë këta ofertues me vlerat përkatëse të ofruara: 1. Smartmatic International Holding B. V NL0080.57.734.BO1 Vlera:19.975.774,23 (nëntëmbëdhjetë milion e nëntëqind e shtatëdhjetë e pesëmijë e shtatëqind e shtatëdhjetë e katër presje njëzet e tre) dollar pa T.V.SH. dhe e konvertuar në lekë referuar kursit zyrtar të Bankës së Shqipërisë për datën 23.12.2020 me vlerë: 2,016,354,627.56 (dy miliard e gjashtëmbëdhjetë milion e treqind e pesëdhjetë e katërmijë e gjashtëqind e njëzet e shtatë presje pesëdhjetë e gjashtë) lekë pa TVSH. Janë skualifikuar ofertuesit e mëposhtëm: nuk ka operator të skualifikuar Duke iu referuar procedurës së lartpërmendur, informojmë Smartmatic International Holding B. V, Adresa: gustav Mahlerplein 25C, 1082 MS Amsterdam, Netherlands”.

E gjitha rastësi!

Në Hollandë ka jetuar edhe Lulzim Basha, kjo kompani me qendër në Hollandë punon dhe në Afrikë ku po punon edhe kunati i Bashës.

Vetë Luli ka bashkëshorten dhe fëmijët me shtetësi holandeze.

Të gjitha të rastësishme pasi është firma fituese duhet të kishte aprovimin e PD dhe vetë Bashës.

Me firmë holandeze që punon në Afrikë ku punon kunati dhe me qendër në Holandë ku e ka qendrën edhe Luli. Sa shum rastësi hollandeze dhe Luli aty afër./CNA.al