Seria A
“Te goli i Uzunit ishte gabim imi”, De Ligt bën “mea culpa”
Pas vërshëllimës finale të Juventus-Ferencvarosh, ku pavarësisht sesi nisi ndeshja, në fund bardhezinjtë arritën që të përmbysin golin e Myrto Uzunit dhe të kualifikohen dy ndeshje përpara fundit të fazës së grupeve, për në 1/8-at e finaleve të Champions-it, Matajs De Ligt kërkon që të bëjë “mea culpa”. Ndonëse dhuroi një tjetër mbrëmje fantastike në qendër të mbrojtjes, holandezi 20-vjeçar, i cili mori edhe komplimentet e trajnerit Andrea Pirlo kërkoi që të pranojë se në aksionin e golit të parë të hungarezëve kishte qenë ai fajtori.
“Nuk e prisnim kurrsesi që Ferencvaroshi do të lëshohej menjëherë me atë vrull në fushën e lojës, ndaj duke arsyetuar gabim ndeshjen, ia komplikuam më shumë se ç’duhej gjërat vetes. Për më tepër, ata mbroheshin shumë mirë, kishin dy linja shumë të ngushta mes reparteve dhe na e bënë të vështirë që të gjenim hapësira mes tyre, për të qarkulluar topin.
Si përfundim, pavarësisht fitores, nuk mendoj se bëmë një paraqitje të mirë, pasi na munguan mjaft gjëra. Pikësëpari shpejtësia në lëvizjen e topit dhe mbi të gjitha na duhej më shumë kurajo. E them këtë sepse në Europë, në Champions, kohë për të rikuperuar nuk ke.
Prandaj, nëse nuk jep maksimumin që në fillim…, – nënvizon De Ligt, i cili merr edhe përgjegjësinë e golit të Uzunit. – Në rastin e golit të Ferenvaroshit ishte një gabim totalisht imi. Dola shumë përpara dhe lashë të zbuluar të gjithë mbrojtjen. Por e vërteta është që kemi gjithsesi një skuadër të madhe dhe me shumë cilësi brenda saj. Ndonëse e ritheksoj, në Champions duhet të qëndrojmë më të lidhur mes reparteve, më kompakt sepse kështu nuk rrezikojmë që të pësojmë”, tha De Ligt.
Seria A
LIVE| Në festë zikaltërit, Lukaku realizon me penallti (VIDEO)
Ka startuar në orën 20:45, derbi i Madoninës, i vlefshme për Kupën e Italisë. Interi dhe Milani kanë histori në Kupën e Italisë. Në fakt, janë dy nga katër formacionet lidere (së bashku me Bolonjën dhe Juventusin) për pjesëmarrje në kompeticion: 73. “Libri i artë” thotë që kuqezinjtë e kanë fituar 5 herë, ndërsa zikaltrit janë të tretët e të gjitha kohërave me 7 triumfe.
Megjithatë, për dy milanezet fitorja mungon prej shumë kohësh: Interi nga edicioni 2010-’11, ndërsa Milani nga akoma më shumë (2002-’03).
Do të jetë derbi numër 25 në Kupë. Në të kaluarën numërohen 7 fitore të zikaltërve, 10 të kuqezinjve dhe 7 barazime; me 22 gola të zikaltërve kundrejt 33 të kuqezinjve. Më në përgjithësi, do të jetë derbi numër 227 mes gjithë kompeticioneve: Interi drejton klasifikimin me 82 fitore kundër 77, ndërsa barazimet janë 67. Të dy trajnerët kanë bërë publike edhe formacionet zyrtare, ku nuk mungojnë surprizat:
LIVE: INTER-MILAN 1-1
Lukaku 72′ (p) / Ibrahimoviç 32′
Seria A
Derbi i Milanos, publikohen formacionet zyrtare të ndeshjes Inter-Milan
Do të startojë në orën 20:45, derbi i Madoninës, i vlefshme për Kupën e Italisë. Interi dhe Milani kanë histori në Kupën e Italisë.
Në fakt, janë dy nga katër formacionet lidere (së bashku me Bolonjën dhe Juventusin) për pjesëmarrje në kompeticion: 73. “Libri i artë” thotë që kuqezinjtë e kanë fituar 5 herë, ndërsa zikaltrit janë të tretët e të gjitha kohërave me 7 triumfe.
Megjithatë, për dy milanezet fitorja mungon prej shumë kohësh: Interi nga edicioni 2010-’11, ndërsa Milani nga akoma më shumë (2002-’03).
Do të jetë derbi numër 25 në Kupë. Në të kaluarën numërohen 7 fitore të zikaltërve, 10 të kuqezinjve dhe 7 barazime; me 22 gola të zikaltërve kundrejt 33 të kuqezinjve. Më në përgjithësi, do të jetë derbi numër 227 mes gjithë kompeticioneve:
Interi drejton klasifikimin me 82 fitore kundër 77, ndërsa barazimet janë 67. Të dy trajnerët kanë bërë publike edhe formacionet zyrtare, ku nuk mungojnë surprizat:
FORMACIONET ZYRTARE:
INTER (3-5-2): Handanoviç; Shrinjar, De Vraj, Kolarov; Darmian, Vidal, Brozoviç, Barela, Perisiç; Lukaku, Sançez.
MILAN (4-2-3-1): Tatarushanu; Dalot, Kjaer, Romanjoli, Hernandez; Meite, Kesi, Selemekers, Brahim Diaz, Leao, Ibrahimoviç.
Seria A
Disiplina nuk e fal Konte: Inter pa trajner për dy ndeshjet e ardhshme
Gjykatësi sportiv i Serie A, Gerardo Mastrandrea, ka vendosur dënimin e dy ndeshjeve efektive skualifikim për Antonio Konten, për frazat drejtuar arbitrit Maresca në fund të Udinese-Inter. Trajneri i zikaltërve gjithashtu u gjobit me njëzet mijë euro. Një ndeshje skualifikim, ndërkohë, për Lele Orialin.
Masa u vendos sepse ish-trajneri i Italisë “në minutën e 45 të pjesës së dytë, vazhdoi të protestonte ashpër, pas paralajmërimit, duke artikuluar me zë të lartë fraza mosrespektimi ndaj arbitrit, që vazhduan edhe pas masës së përjashtimit, përpara se të largohej nga fusha e lojës; gjithashtu për shkak se, në fund të ndeshjes, u përball vetë me gjyqtarin me një mënyrë kërcënuese, në tunelin që të çon në dhomat e zhveshjes, duke i ulëritur një shprehje të rëndë ofenduese”.
Një ndeshje skualifikim dhe një gjobë prej 5 mijë eurosh edhe për menaxherin e ekipit të Interit, Lele Oriali, i cili gjithashtu u përjashtua në fund të ndeshjes kundër Udineses. Oriali u skualifikua “sepse në fund të ndeshjes, ka përsëritur protestat edhe pas paralajmërimit, duke arritur tek gjyqtari në mes të fushës me tone të larta e fjalë të parespektueshme”.
Lajme të Rekomanduara:
Hap i rëndësishëm në karrierë, Selmani transferohet te klubi i Superligës turke
Portieri i Shqipërisë Gentian Selmani pritet të ndryshojë skuadër, por jo shtet. Gardiani i Menemensporit raportohet se ka arritur akordin me klubin e Superligës të...
E BUJSHME/ Arrihet marrëveshja, Allegri ulet në stolin e ekipit të njohur
Massimiliano Allegri pritet të ulet në stolin e Romës teksa raportohet se tashmë është arritur marrveshje me një kontratë rreth 5 milionë euro në sezon....
