Politikë
Studentët mësim online/ Paralajmëron Fuga: Mos u sillni kështu, do e çoni vendin në kolaps
Rritja e numrit të infektimeve në vend çoi në mos-hapjen e dyreve të universiteteve. Ky vendim bëri që studentët do duhet të ndjekin mësimin në distancë përmes platformave online. Akademiku dhe pedagogu i njohur, Artan Fuga tregoi për Euronews Albania për procesin mësimor, i cili vijon që nga fillimi i muajit të bëhet online.
Ai tha se pavarësisht vështirësive për shkak të pandemisë, studentët vijojnë të tregojnë gatishmëri për të ndjekur leksionet.
“Për sa më përket mua, gjithçka shkon normalisht. Studentët e vazhdojnë punën me librin, e dyta askush nuk na pengon të japim video, të cilat janë në web. Mund të stukohen informacionet në rrjetet sociale apo studenti t’i shkarkojë pa qenë i lidhur tërë kohën online. Mënyrat dhe metodat janë të shumta dhe duhen përdorur të tëra, dhe nuk duhet të përdoren në mënyrë të ngurtë. Vihet re një angazhim i studentëve të vitet të parë, që është njëangazhim i jashtëzakonshëm. Sot apo ta zëmë para një jave në vitin e parë nëse janë të regjistruar 105 studentë, 90-95 janë online dhe që lexojnë librat paraprakisht dhe u përgjigjen të gjitha kërkesave”, tha prof. Fuga.
Profesori tha se Ministria e Arsimit nuk ka bërë sa duhet për të përshtatur tekstet dhe ndihmuar mësuesit për vijimin e mësimit online. Ai shtoi se ministria nuk ka mbajtur një qëndrim të kënaqshëm as ndaj studentëve, ku pasi i solli ata në Tiranë i ktheu sërish nëpër rrethe, pas vendimit për mos-hapjen e auditorëve të universiteteve.
“Kombet e mençura e fitojnë kohën dhe nuk e lënë të ikin. Ministria nuk mori asnjë masë për kalimin e teksteve online dhe t’u bënte trajnime mësuesve për mësimin online. Për mësimin online ka shumë vështirësi, të cilat s’mund t’i them, kemi fituar një eksperiencë dhe nuk jemi si gjashtë muaj më parë. Mësimi online jep rezultate të jashtëzakonshme. Nuk mund të luash me studentin, që ai vjen dhe merr shtëpi me qira dhe pastaj i thuaj se nuk mund të rrish këtu. Nuk mund t’i thuash studentit pastaj pas një muaji hajde prapë këtu. Kjo del nga një logjikë e ruajtjes së shëndetit publik. Ky semestër nëse filloi kështu, deri në fund duhet të vijojë kështu”, shtoi Fuga.
Akademiku Fuga i tha gazetares Bruna Çifligu se në këto kushte pandemie, ku infektimet janë të larta, mësimi online është zgjidhje e vetme.
Mes tejrash z. Fuga përcolli një apel drejtuar strukturave shtetërore, ku mes tjerash u shpreh:“Që nga maji i vitit të kaluar i kam rënë alarmit mos u sillni në këtë mënyrë se do ta çoni shoqërinë shqiptare në kolaps dhe do të çoni në vdekje masive. Po e përsëris nga stacioni juaj: mos të shkojmë me idenë të bllokojmë arsimimin, mos ta fusim rininë tonë në kasaphanën e vdekjes, edhe intelektualët dhe pedagogët, të cilët e kanë paguar me jetë. Studentët po na përgjigjen me një entuziazëm të paparë. Ne duhet tejkalojmë të gjithë bashkë këtë gjë, me shpresë që nga pranvera të kalojmë në auditorë, dhe nëse situata nuk është e favorshme, ne nuk mund të rrimë në errësirë dhe pa bërë mësim. Unë konstatoj se në institucionet universitare nuk është bërë asgjë për të kaluar në teknologjinë moderne”, theksoi ai.
Politikë
PD padi në SPAK/ Tabaku thirrje drejtësisë së re: Ngrihuni në nivelin që iu takon
Dy nënkryetarët e Partisë Demokratike, Enkelejd Alibeaj dhe Jorida Tabaku i janë drejtuar sot SPAK, duke depozituar një padi për krizën energjitike, e paralajmëruar nga kryeministri Edi Rama.
Në një prononcim për mediat, deputetja Tabaku hodhi akuza të forta ndaj Qeverisë, të cilën e bëri përgjegjëse për krizën dhe rritjen e çmimeve.
Tabaku i bëri thirrje drejtësisë së re, të ngrihet në nivelin që i takon dhe që përgjegjësit të dalin para drejtësisë.
“Dëmi ekonomik vetem per nje tender është 10 milion euro. Ndërkohë për të gjithë periudhën nëse do të ishte përdorur ajo energji elektrike që shpenzohet nga ne, do i kishim kursyer buxhetit të shtetit 150 milion euro. Këto janë asgjë nga ajo që ka përjetuar ky sektor, me vjedhjet që kanë ndodhur atje, me rritjet e energjisë elektrike dhe rritja që do të bëhet për muajt në vazhdim. Qytetarët shqiptarë po vuajnë krizën e korrupsionit. I bëj thirrje drejtësisë së re të ngrihet në nivelin që takon, të mos lejojë zyrtarët të përdorë pushtetin për t’u mbrojtur. Të marrë vendime që këto fonde të vjedhura të kenë një përgjegjës përpara drejtësisë.”-tha Tabaku.
Ndersa Alibeaj, tha se “Ky është i pari kallëzim që kemi depozituar duke respektuar të gjitha procedurat. Gjendja e rëndë ekonomike, nuk ka të madh e të vogël që nuk e di dhe nuk e ndjen në familjet e tyre. Do mjaftonte veç ajo që është thënë publikisht që nga i madhi i qeverisë që këta prokurorë, kjo zyrë të vepronin në mënyrë energjetike me iniciativë, kryesisht. Nuk e kanë bërë“./CNA.al
Politikë
“Je një minikopje e shëmtuar e Kim Jong-Un”/ Bylykbashi akuza Ramës, si i mashtroi qytetarët
Deputeti i PD, Oerd Bylykbashi ka komentuar deklaratën e kryeministrit Edi Rama, i cili tha dje në Kuvend, se do të hedhë dy satelitë në orbitë.
Në një postim në rrjetet sociale, Bylykbashi e krahason Ramën me diktatorin koreano-verior, Kim Jong-Un.
Sipas Bylykbashit, ndërsa Kim Jong-Un hedh raketa balistike e tremb dynjanë, Rama maksimumi hedh shashka për të tërhequr vëmendjen nga hallet.
Po ashtu ai shkruan se Rama gënjeu qytetarët durrsakë, për të cilët thotë se kanë tre muaj që nuk marrin bonusin e qerasë.
“Kur je një minikopje e shëmtuar e Kim Jong-Un
Do të hedh satelitë në orbitë, thotë Edi Rama!
Diktatori koreano-verior vërtet hedh raketa balistike e tremb dynjanë, por ky autokrati ynë në krye të qeverisë maksimumi shashka për të tërhequr vëmendjen nga hallet hedh.
Një gjë ngjason në delirin e të dyve: në Korenë e Veriut vuajnë urie; në Shqipëri dhjetëra mijëra familje nuk mbyllin muajin.
Kryeministri ynë t’i lejë ëndrrat me satelitë, e të bëjë ndonjë punë për shqiptarët.
Për shembull t’u japë urgjent bonusin e qerasë qytetarëve durrsakë të dëmtuar nga tërmeti i nëntorit 2019 sepse kanë tre muaj pa e marrë.
Kur deshi t’u merrte votat derdhi miliona euro, tani i harroi në mes të hallit.”-shkruan Oerd Bylykbashi./CNA.al
Politikë
Meta uron Berishën/ Numri 77, simbol i përsosmërisë!
Presidenti Ilir Meta ka uruar ish-kryeministrin Sali Berisha, i cili sot feston 77-vjetorin e lindjes.
Në një postim në rrjetet sociale, Meta shkruan se numri 77 sipas Biblës është edhe simbol i përsosmërisë!
“Sot e urova përzemërsisht Prof. Dr. Sali Berishën me rastin e 77-vjetorit të lindjes!
Për më tepër, që numri 77 sipas Biblës është edhe simbol i përsosmërisë!”-shkruan Meta.
Kujtojmë këtu se ky 77-vjetor e gjen Berishën në “terren”, ku vijon takimet me demokratët.
Ndërsa pasditen e sotme, Sali Berisha do të jetë në Korçë, në kuadër të “Foltores” së radhës me demokratët.
Takimi do të mbahet në orën 18:00 në Kinema Milenium të qytetit të Korçës./CNA.al
Berisha feston ditëlindjen në Korçë/ Shpresë për ringritjen e PD
