Connect with Us

Privatizimi i ish-klubit Partizani/ Tre gënjeshtrat pse padia e Taulant Ballës nuk qëndron

Aktualitet

Privatizimi i ish-klubit Partizani/ Tre gënjeshtrat pse padia e Taulant Ballës nuk qëndron

Publikuar

-

Privatization of the former Partizani Club/Three lies why the lawsuit of Taulant Balla is wrong

Ish-kryeministri Sali Berisha, dhëndri i tij Jamarbër Malltezi, ish-ministri i Mbrojtjes Arben Imami dhe zyrtarë të tjerë gjatë qeverisjes “Berisha”, janë kallëzuar penalisht në SPAK, për privatizimin e pronës shtetërore ish-Klubit Partizani, një sipërfaqe rreth 10 mijë m2, në qendër të Tiranës, ku sot janë ndërtuar 17 kulla. Kallëzimi është referuar nga kryetari i grupit parlamentar socialist, Taulant Balla, i cili akuzon ish-zyrtarët e lartë për shpërdorim detyre, ndikime të paligjshme, falsifikim dokumentesh, pastrim të produkteve të veprës penale dhe korrupsion.

Së pari, duket që kjo padi është një gënjeshtër dhe ka ka shumë të pavërteta.

Personi përfitues me të njejtën procedurë, por në një pronë tjetër është edhe  deputeti i PS dhe Rilindjes Xhemal Qefalia dhe kjo është një ndër dhjetra pronat që i kanë marrë ish pronarët me të drejtë parablerje të objekteve duke qenë pronarë të truallit. Pra ka një ligj shteti shqiptar, të qartë, të shkruar të zezë mbi të bardhë që favorizon ish pronarët në parablerje të objekteve kur këta janë pronarë të truallit. Pse nuk e con Taulanti pronën e Xhemail Qefalisë në SPAK?

Ish klubi sportiv “Partizani”

Nga ana tjetër, pretendohet që kjo pronë dhe ky truall nuk duhet tu privatizohej ish pronarëve pasi ata ishin shpronësuar në vitin 1940 nga italianët. Por ka një fakt tjetër.

Ish pronarët gëzojnë një vendim gjykate dhe një vendim të Komisionit të Kthimit të Pronave. Pra gjykata dhe Komisioni i Pronave, pavarësisht se këta mund të kenë marrë paratë nga italianët, ja u njeh këtyre si pronë. Institucionet zbatojnë ligjin, zbatojnë vendimet e gjykatave, vendimet e Komisionit të Pronave.

Nuk është Ministria e Mbrojtjes apo Ministria e Ekonomisë ajo që zgjidh pikëpyetjen e madhe është apo nuk është pronar, por është gjykata. Pronarët kanë shkuar në gjykatë, kanë fituar pronësinë në gjykatë dhe kanë kërkuar të drejtat e parablerjes së pronës.

Prandaj e gjithë skema e ngritur nga Taulant Balla duket se është një vendim qesharak ndaj sistemit të drejtësisë dhe është kundër pronarëve dhe kundër deputetëve socialistë. Kundër pronarëve sepse iu thotë atyre që ju nuk keni të drejtë të parablini, ju thotë atyre që vendimet e gjykatave nuk duhet të zbatohen. E në rast se vendimi i gjykatës për kthimin e kësaj prone është i padrejtë duhet të shkohet në Gjykatë të Lartë, e në rast se Gjykata e Lartë ja u kalon pronarëve, duhet të zbatohet sepse nuk jemi në diktaturë.

Deputeti i PS Xhemal Qefalia

Në rast se ka korrupsion në vendimin e gjykatës, atëherë duhet të hetohet gjykatësi. Çështja ka rrugë ligjore që zgjidhet. Nuk e zgjidh dot asnjë ministri, as ministritë e Edi Ramës, sepse janë të detyruara të zbatojnë ligjin. Pra objektet që nxirren në shitje, prioritet kanë ish pronarët e truallit. Kjo është ajo çfarë ka ndodhur, asgjë më shumë.

Çfarë kanë çuar në SPAK Taulant Balla dhe çuant e Rilindjes? Një hiç, po bëjnë një show, po tallen me institucionet e drejtësisë, siç është SPAK, sepse po e kthejnë në leckë për të fshirë çimentot dhe jo në një institucion të vërtetë drejtësie. Faktet tregojnë që gjithçka që pretendohet është një gënjeshtër. As institucionet shtetërore dhe zyrtarët nuk kanë përgjegjësi, të paktën ministritë as edhe ish pronarët. Balla nëse është i shqetësuar për Ministrinë e Mbrojtjes le të çojë në SPAK edhe Mimi Kodhelin që fiku radarët, duke favorizuar trafiqet siç e tha edhe vetë Saimir Tahiri. Megjithse ministrin që ka firmosur privatizimin, Gazmend Oketën e ka pasur aleat.

LEXO EDHE:  Asambleja e PS/Balla jep lajmin e rëndësishëm për qytetarët: Deputeti çdo javë ...!

Ish pronarët kanë marrë tokën, kanë shkuar kanë paguar paratë dhe kanë blerë objektin që është ndërtuar mbo truallin e tyre. Siç e theksuam ehde më lartë, në rast se ka falsifikime t’i hetojnë strukturat e prokurorisë dhe të gjendet nëse është shitur apo jo dhe kush i ka falsifikuar dokumentet pronarët apo gjykatësi është korruptuar. Por jo të akuzosh institucionet e shtetit që në fakt në këtë rast kanë zbatuar katërcipërisht ligjin, pra u ka dhënë të drejtën e parablerjes pronarëve.

Pra janë institucionet e drejtësisë ato që duhet të hetojnë se kush e ka përfituar këtë prona. Duhet të kuptohet se çfarë ka ndodhur sepse nuk është kjo e vetmja që nuk është privatizuar nga ish pronarët? Si i marrin ish pronarët këto prona? Sepse nuk mund të shkojë një njeri nga rruga në një ministri dhe të thotë që këtë pronë do ta ble unë se kam qejf. Nuk mu

Gazmend Oketa ne fushate per Rilindjen
Gazmend Oketa ne fushate per Rilindjen

ndet, sepse ligji e përcakton që kanë drejtën e parablerjes ish pronarët pastaj nës

e ata nuk e blejnë del ankandi që kush është shifra më e lartë.

Si njihen ish pronarët? Dikur ka qenë Komisioni i Vlerësimit dhe Kompensimit të Pronave në bazë të dokumentave ose me vendim gjykate. Tani ish pronarët kanë edhe vendim të Kthimit të Pronave edhe vendim gjykate. Por pse ministria e asaj kohe nuk duhet tja u njihte të drejtën e parablerjes? Nëse ministria nuk ja u njihte të drejtën e parablerjes këtyre personave dhe ja u blinte dikush tjetër, pra po dilte në ankand, ose nuk pranonte ministria tja u jeprte me parablerje ish pronarëve zyrtarët duhet të merrnin përgjegjësi penale pasi kishin shkelur ligjin.

Ligji thotë që të drejtën e parablerjes e kanë ish pronarët, të cilët njihen përmes vendimit të gjykatës dhe Komisionit të Pronave, atëherë nëse ka korrupsion në të gjithë procedurën e njohjes së pronës atëherë është prokuroria që e zgjidh, pra heton si është marrë kjo pronë edhe ato të deputetit të PS Xhemal Qefalia. Ky është thelbi, por jo si është privatizuar nga shteti nëpërmjet ligjit dhe duke zbatuar çdo vendim qeverie dhe çdo normë juridike. Nëse Xhemal Qefalia dhe bashkëpronarët e tjerë kanë falsifikuar vendimin e pronës të shkojnë ata pas hekurave dhe të mbajnë përgjegjësinë./CNA.al.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Ushtronin aktivitet pa licencë në liqenin e Komanit/ Ndëshkohen 7 pronarët e mjeteve lundruese

Publikuar

-

Nga

Ushtronin aktivitet tregtar pa licencë në liqenin e Komanit, ndëshkohen më masë administrative 7 pronarë të mjeteve lundruese.

4 prej tyre procedohen penalisht, iu bllokohen edhe mjetet lundruese që kishin në përdorim.

Nga strukturat e Seksionit për Hetimin e Krimit Ekonomiko-Financiar, në bashkëpunim me shërbimet e Drejtorisë Vendore të Kufirit dhe Migracionit, në zbatim të planit të masave “Për regjistrimin, mënyrën e përdorimit dhe kontrollin e mjeteve lundruese, turistike dhe të argëtimit” janë ushtruar kontrolle në liqenin e Komanit.

Gjatë kontrollit të ushtruar në digën e liqenit të Komanit janë evidentuar 7 shtetas që ushtronin aktivitetin me mjete lundruese, për të cilat nuk dispononin dokumentacionin përkatës për ushtrimin e aktivitetit. Për secilin prej pronarëve të mjeteve lundruese është vendosur masa administrative 10.000 lekë.

LEXO EDHE:  Emrat-Aktivitete kriminale në Hollandë/ SPAK kërkon sekuestrimin e pasurive të gjashtë personave

LEXO EDHE:  “Urim i vonuar për SPAK-un”/ Ironizon Patozi: Kaq gëzim nuk ka pasur as në kohën e Enverit, kur vinte dita e rrogave

Në vijim të veprimeve u proceduan penalisht në gjendje të lirë, 4 prej tyre, shtetasit: M. K., 29 vjeç banues në Vau i Dejës, N. M., 22 vjeç banues në Vau i Dejës, A. M., 27 vjeç, banues në Durrës dhe E. Q. 46 vjeç banues në lagjen “10 Korriku”, Shkodër, për veprat penale ”Punësim i paligjshëm”, “Fshehja e të ardhurave“ dhe “Ushtrimi i aktivitetit tregtar të paligjshëm“. Gjithashtu, këtyre shtetase iu bllokun edhe mjetet lundruese që kishin në përdorim.

Materialet iu referuan Prokurorisë së Rrethit Gjyqësor Shkodër, për veprime të mëtejshme./ CNA.al

LEXO TE PLOTE

Politikë

Firmosja e marrëveshjeve në Shkup/ Arben Malaj: Hap pozitiv, shpresoj të mos jetë skenografi

Publikuar

-

Nga

Arben Malaj ngre “alarmin”/ Ekonomia shqiptare ka gropa të thella korrupsioni

Ish ministri i Ekonomisë dhe Financave Arben Malaj ka komentuar mbi marrëveshjet e firmosur ditën e sotme në Forumin Eknomik Rajonal në Shkup.

I ftuar në News 24, Malaj është shprehur se hapi është pozitiv por shpreson që marrëveshjet të mos përdoren vetëm për marketing por të zbatohen.

“Çdo hapur i hedhur në këtë drejtim është pozitiv, por në historinë e e BE ky më duket më shumë marketing, se sa orientimi drejt një paqeje të qëndrueshme. Ne vuajmë nga inflacioni i marrëveshjeve, jemi bazuar më shumë tek marketingu sesa implementimi. I mbani mend takimet e bujshme me skenografi Shqipëri-Kosovë, me numër kontratash, marrëveshjesh, do ju japim portin”, është shprehur Malaj.

Gjithashtu Malaj është pyetur se cilat janë përfitimet ekonomike që vijnë nga këto marrëveshje.

“Energjia është e para. Serbia bllokoi për disa vite lidhjen Shqipëri-Kosovë. Serbia nuk ka treguar një vullnet për të hapur Ballkanin, ka ruajtur interesat e veta. Mezi u zgjidh megjithato ndërhyrje. E dyta hekurudha. Nuk e di që studimet e fizibilitetit të argumentojnë se hekurudhat do të ndihmojnë vendet e Ballkanit. Ne kemi lehtësuar bashkëpunimin, hekurudhat deri në pikën limit të Shqipërisë është rindërtuar disa vite më parë nëpërmjet ushtrisë italiane. Hekurudha e Shkodrës patjetër të lidhet me atë të Malit të Zi, të Beogradit. Por a do financohet, deri tani edhe pse u lodh Merkel për ti bindur liderët e Ballkanit të gjenin projekte me impakte më shumë se në dy vende, e dimë që rezultatet janë minimale.

LEXO EDHE:  Operacioni i OFL-së/ SPAK i vendos sekuestro pasurisë së “bosit” të drogës

LEXO EDHE:  Emrat-Aktivitete kriminale në Hollandë/ SPAK kërkon sekuestrimin e pasurive të gjashtë personave

Dixhitalizimi edhe tani pas pandemisë, janë mbledhur gjithë ekspertët më të mirë të botës, mirë pandeminë do e kalojmë, po çfarë ekonomie do ndërtojmë. E para ekonomia e gjelbër, më pas dixhitalizimi. Lehtësohet komunikimi i një tregu më të madh. E treta besoj hekurudha. Por dueht bashkëpunim.

Duhet ta njihni historinë. Janë firmosur marrëveshjet. Por luftërat tregtare më të shpeshta kanë qenë mes shqiptarëve dhe Kosovës, se përdoren barrierat, pagesat. Në historinë e BE nga 4 liritë themelore e fundit është hapur tregu i punës. Shpresojmë për më shumë realitete se sa skenografi”, vijon më tej Malaj. / CNA.al

LEXO TE PLOTE

Aktualitet

Nga Klodiana Lala/ Policia e Ard Veliut, që nuk duam

Publikuar

-

Nga

https://www.cna.al/2021/06/17/operacioni-i-madh-anti-droge-klodiana-lala-zbardh-detajet/

Mbase unë do ta harroj një ditë imazhin e oficerit të policisë që m’u hakërrye e më shtyu, teksa po filmoja ndalimin e padrejtë të kolegut Ergys Gjencaj, por jam e bindur se vajzat e mia jo. Mbase do ta harroj dhe imazhin e oficerit të dytë që më kapi prej krahu e më largoi disa metra tutje, si të isha një “kriminele” e po iu vija jetën në rrezik djemve muskulozë e të armatosur gjer më dhëmbë. Por e bindur jam se vajzat e mia s’do ta harrojnë. E them këtë sepse me ra si “bombë” pyetja e vajzës së madhe, e cila ende nuk ka mbushur 9 vjec: “O ma, përse të shtynë ata burrat?

U gjenda krejt rastësisht, bashkë me kolegun në një aksion policie mesditën e 27 korrikut te Varri i Bamit në Tiranë, teksa po udhëtonim nga Gjykata e Posaçme ku sapo kisha përfunduar raportimin live për ish-ministrin e Mbrojtjes, Fatmir Mediu që SPAK kërkonte rihapjen e saj duke e konsideruar atë si një nga përgjegjësit e tragjedisë së Gërdecit.

Nuk kisha shumë që kisha biseduar me Zamira Durdën, nënën e Edisonit 7-vjeçar që humbi jetën nga shpërthimi tragjik i fabrikës së demontimit të armëve.

Të them të vërtetën, biseda me të më trishtoi. Ajo priste e pret drejtësi. Ndjehesha pak “bosh”. Po shpejtonim për në redaksi, sic ne bëjmë çdo ditë, në kërkim të lajmit të fundit. Duke u përpjekur të jem në krah të të vërtetës, krah të pamundurve dhe në shërbim të publikut.

Mbuloj çështjet e krimit prej gati 2 dekadash. Ka kaluar kohë e gjatë, që kur kapërceva pragun e një redaksie dhe nisa rrugëtimin në gazetari. Prej atëherë kanë rrjedhur shumë ujëra, por një gjë ka mbetur e pandryshuar. PASIONI IM për gazetarinë.

Më tërhoqën vëmendjen thirrjet e dy civilëve: “Policia, hap derën”, “hap derën b..q…”. I njoha “djemtë” e Antidrogës. Pranë tyre erdhi një efektiv i forcave speciale. Po vinin dhe të tjerë. drejtuesi i mjetit refuzonte ti bindej policisë. Ai i dha gaz makinës dhe iku. Skena amatoreske dhe operacioni i dështuar u filmua nga kolegu Gjencaj. Të dy dolëm nga makina dhe ndërsa ai filmonte, unë informova redaksinë. Por, të irrituar nga dështimi, policët iu hodhën në fyt Ergysit. E shtrinë përtokë. Pa asnjë shpjegim. Pa asnjë arsye. Me arrogancë. Çfarë duhet të bëja unë? Punën e gazetarit. Filmova skenën e ndalimit të kolegut. Por arroganca vijoi.

Njëri prej tyre mu sul. Më pengoi të bëja punën time. Në ndihmë i erdhi edhe kolegu. Më larguan. Për asnjë moment nuk i kundërshtova. I informova se po mbanin të ndaluar një koleg gazetar. E së duhet të ndërprisnin çdo veprim arbitrar, sepse ai nuk kishte shkelur asnjw ligj.

LEXO EDHE:  “Largimi i Ramës, vetëm një dëshirë e Bashës”/ Balla: PS i fiton edhe zgjedhjet e parakohshme

LEXO EDHE:  “Urim i vonuar për SPAK-un”/ Ironizon Patozi: Kaq gëzim nuk ka pasur as në kohën e Enverit, kur vinte dita e rrogave

E rrëfeva gjatë këtë histori, sepse sot më shumë se kurrë, i jap të drejtë vetes për çdo kritikw ndaj zyrtarëve të policies tw bwrw ndwr vite. Një kastë policie që shënon si “sukses” kanabizimin e vendit dhe shoqërimin me makinë të të shumëkërkuarit Kelmend Balili. Një Drejtor i Përgjithshëm Policie që rëndom e thërrasin Gambale, për të cilin thonë se “trafikon” informacion në TV, si propagandë për sukseset e tij imagjinare. Një kryepolic, që vartësit i arrestohen si të përfshirë në trafik droge, e del e rri kokëulur në konferencë për shtyp, se i thonë të jetë aty. Një kryepolic që bashkë me shpurën e tij u përpoq të fshihte provat për vrasjen pas shpinës të Klodian Rashës. Një kryepolic që në rastin më të mirë, mund të konsiderohet i paaftë, e në atë më të keqin …. (nuk dua të bëj etiketime).

Ndër vite kam mbuluar ngjarje të rënda kriminale dhe e kam të qartë sesi një polic ndihet kur aksioni nuk shkon mirë. Por, rasti i fundit me tregoi fytyrën e një policie, që nuk dua. Fytyrën e policëve arrogantë e të papërgjegjshëm, të lidhur me krimin, se siç thuhet edhe në operacionin e fundit iu iku nga duart një i shumëkërkuar. Po mos u zhdukën dhe ca para? Të kujt ishin? Përse kishte irritim? Ndalimi i gazetarit dhe pengimi që më bënë për të pasqyruar të vërtetën, është shenjë dështimi. Një përpjekje për të tërhequr vëmendjen.

Sot, unë nuk jam vetëm Klodiana gazetare, por jam edhe vajzë, partnere dhe nënë. Sot isha unë dhe kolegu, por nesër mund të jetë gruaja juaj, vajza apo djali juaj. Nuk është kjo policia që dua, që duam. Respektoj çdo punonjës policie. Kam njohur ndër vite, shumë djem e vajza të përkushtuar në radhët e policisë së Shtetit. nderoj ata që kanë rënë në krye të detyrës. Por refuzoj çdo respect për policët që e ndyjnë uniformën. Ndjesa e tyre nuk më vlen. Më vlen të më lënë të bëj detyrën. Mbase unë mund t’i harroj të gjitha. Por, vajzat e mia JO./CNA.al

LEXO TE PLOTE