Prej disa ditësh, CNA.al ka paralajmëruar se LSI është drejt shkrirjes dhe kjo po faktohet çdo ditë nga ikjet e njëpasnjëshme  drejt Partisë Socialiste.

Këtë gjë treguan edhe sondazhet, të cilat zbuluan se LSI ka humbur mbështetjen e qytetarëve, madje në Berat  u shkri dega e Gjerovenit me 140 kandidatë.

Por paravësish rezultateve të sondazheve dhe largimeve të figurave të njohura të LSI-së, Monika Kryemadhi pretendon se partia që ajo drejton është e vetmja parti në rritje në Shqipëri

Gjatë një debati me gazetarin Erl Murati në emisionin “Real Story”, Kryemadhi tha se

Debati:

Murati: Pavarësisht se morët rezultat të lartë në 2017, çfarë ka ndryshuar sot?

Kryemadhi: Asnjë parti politike…, të gjitha kanë pasur luhatje. Vetëm LSI është në rritje, madje dhe në 2017 me të gjitha partitë e mëdha kundra, dhe bandat kundra.

Murati: Programi apo kandidatët më të mirë?

Kryemadhi: Nuk gjykoj se është më i mirë as se 2005, 2009, 2013 apo 2017. Është më i thjeshtë dhe emergjent./ CNA.al

LSI drejt fundit/ Shkrihet dega në Berat, anëtarët kalojnë me PS

Kryetarja e LSI, Monika Kryemadhi ka folur mbi 5 prioritetet e programit të LSI të preznatuar të hënën.

Kryemadhi tha se propozimet e LSI janë realiste dhe të realizueshme por duhet vullnet politik të cilin ajo pretendon se partia që ajo drejton e ka.

“Nëse Monika si kryetare e LSI-së do të jetë e qartë, pastër dhe e kthejllët në prezantimin e 5 prioriteteve kryesore të LSI-së, të cilat janë të mundshme, të realizohen jo në 5 muaj, por në 5 ditë mjafton të jetë vullneti politik. Jam e bindur që qytetarë do të jenë shumë komodë për të shprehur qëndrimin e tyre politik në realizimin e këtyre gjërave. Unë mendoj se çdo parti është e detyruar të bëjë detyrat e shtëpisë, që nuk kanë të bëjnë veç me hartime programi, por është respekt për veten tonë dhe kryesorja është detyra për të thënë ato për të cilat angazhohet”, u shpreh ajo në emisionin “Real Story”,ndërsa ngritui një sërë akuzash ndaj qeverisë.

Sipas saj, varfëria ka arritur kulmin dhe nëse vazhdojmë me këtë ritëm, njerëzit do grabisin ushqim në frigorifer.

“Kemi taksim të njerëzve më të ardhura më të pakta, kemi edhe taksim të dyfishtë, mjafton që të pyesim pjesën më të madhe të të rinjve shqiptarë që për shkak të krizës ekonomike janë të dypunësuar, taksohen dy biznese në të njëjtin vend me të njëjtën licencë, taksohen dy herë. Apo një çift pensionistësh që kanë mbaruar shkollim e fëmijëve të tyre, që taksohen për shkollimin, apo për biznese të tjera që taksohen për taksë gjelbërimi, taksë tabele, tavoline, karrige, ajri, uji që kanë shtuar buxhetin e familjeve.  Bizneset që faktikisht dominojnë ekonominë shqiptare dalin me humbje dhe nuk paguajnë asnjë lloj takse. Ne kemi gati 2 vite e gjysëm që diskutojmë për këtë program, e kemi testuar”, nënvizoi Kryemadhi./ CNA.al

Gazetarët Andi Bushati dhe Baton Haxhiu kanë debatua gjatë emisionit “Shock” mbi tezën e hedhur pak ditë më parë nga Ramush Haradinaj ku bëri thirrje për mbajtjen e një referendumi për bashkim e Shqipërisë me Kosovën.

Për Bushatin çështja e bashkimit kombëtar është një tezë që politikanët e të dy vendeve e përdorin për qëllime elektorale dhe për të larguar vëmendjen nga problemet reale.

“Shqiptarët e të gjitha trojeve do të bashkohen nën ombrellën e BE. Kjo do të ishte zgjidhja më e mirë sepse shoqëri si tonat nuk mund të tejkalojnë problemet e përditshme. Tema të mëdha hapen nga paaftësia për të zgjidhur problemet e brendshme. Ndjenjat nacionaliste shpeshherë përdoren nga politikanë të fshehur problemet reale dhe për të gënjyer me një ëndërr të madhe”, tha ai.

Mendim tjetër ka Baton Haxhiu për këtë temë. Ai thotë se teza e bashkimit kombëtar duhet të diskutohet si një mundësi reale pasi nga një anë BE është në krizë zgjerimi dhe nga ana tjetër 5 vende të saj nuk e kanë njohur ende Kosovën.

“Bashkimi i shqiptarëve nuk është se varet nëse kemi shoqëri më shumë apo më pak të korruptuar. Korrupsioni as e ndal dhe as e bashkon një vend. Dy shoqëritë tona nuk vuajnë nga demokracia. 5 shtete të BE nuk e pranojnë Kosovën dhe të mos flasin për faktin se BE është në krizë zgjerimi”, tha ai.

Por sipas Bushatit “nuk ka filozofi për bashkimin kombëtar” dhe se kjo çështje nuk mund të diskutohet në mënyrë “folklorike”. Ndaj ia thotë se fillimisht duhet shëndoshur demokracia në të dy vendet.

Kurse për Haxhiun bashkimin nuk e bëjnë politikanët pasi atyre u intereson ndarja për të ruajtur pushtet. Ndaj bëri thirrje për bashkimi sa më shpejt në mënyrë që të mos krijohen diferenca ekonomike mes dy vendeve.

“Politikanët kanë krijuar atmosferën e ndarjes me dy feudale. Është shumë e zbrazët dhe e padobishme Kosova kështu siç është. Bashkimin nuk e bëjnë politikanët e bëjnë idetë’, përfundoi Baton Haxhiu./ Euronews Albania