Connect with Us

Covid në shkolla/ Vokshi: Rama po kërcënon mësuesit, nuk po përballojnë dot kurat e shtrenjta

Politikë

Covid në shkolla/ Vokshi: Rama po kërcënon mësuesit, nuk po përballojnë dot kurat e shtrenjta

Publikuar

-

Covid në shkolla/ Vokshi: Rama po kërcënon mësuesit, nuk po përballojnë dot kurat e shtrenjta

Ish deputetja e Partisë Demokratike Albana Vokshi ka akuzuar kryeministrin Edi Rama sa i takon situatës së koronavirusit në shkollat e vendit.

Vokshi akuzoi kryeministrin se po sulmon dhe shantazhon mësuesit që guxuan të tregonin realitetin, duke shtuar se reagimi qytetar është diçka që i ka munguar Shqipërisë.

Sipas ish deputetes demokrate pjesa më e madhe e mësuesve të prekur po e kalojnë në shtëpi dhe nuk po përballojnë dot kurat e shtrenjta.

“Reagimi qytetar është diçka që ka munguar në Shqipëri vitet e fundit por kjo  për shkak të presionit nga ana e drejtuesve politik të shkollave, drejtorive,  ministrisë, kryeministrisë.  Kryeministri akuzoi, fyeu, shantazhoi mësuesit që kanë guxuar të flasin. Kanë ardhur në takim me Kryetarin  e Partisë Demokratike jo për të bërë politikë por për të thënë problemet e tyre për çdo vështirësi që ata kanë në një ditë mësimore, për përhapjen e Covidi-t  në shkolla ku niveli i përhapjes ka kapur shifrat 30-50%. Pjesa më e madhe e mësuesve gjenden në shtëpi të sëmurë, nuk përballojnë dot as kurat e shtrenjta”, tha Vokshi.

Vokshi thotë se mësuesit po shantazhohen dhe kush rebelohet kërcënohet me transferim në shkolla të largëta ose pushohen nga puna.

LEXO EDHE:  Bino thirrje qytetarëve/ Personat që kanë kaluar Covid nuk kanë imunitet, të vaksinohen

“Një pjesë rebelohen por ato shantazhohen, largohen dhe degdisen në skaje të largëta ku e kanë të pamundur të shkojnë për arsyet e tyre. Ose mund dhe të pushohen nga puna. Pjesa më e madhe e mësuese janë të rebeluar së brendshmi, denoncojnë, na shkruajnë përditë por shantazhohen nga drejtuesit politik ne shkolla sepse në vend të kemi arsim të depolitizuar  kemi arsim të politizuar”, tha ndër të tjera ish-deputetja e PD për “Dita jonë”./CNA.al.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Situata nga përmbytjet/ Meta: Gjendja e rënduar, nevojitet urgjentisht ndërhyrja e shtetit

Publikuar

-

Nga

Situata nga përmbytjet/ Meta: Gjendja e rënduar, nevojitet urgjentisht ndërhyrja e shtetit

Presidenti Ilir Meta ka reaguar për situatën e përmbytjeve në vend sipasojë e reshjeve të ditëve të fundit.

Meta shprehet se dhjetëra shtëpi, biznese dhe sipërfaqe të konsiderueshme toke, pronë private e publike, nga Veriu në Jug, janë gdhirë nën ujë.

Kreu i Shtetit thotë se edhe pse toka ndodhet nën ujë mungon ndihma e strukturave shtetërore për banorët.

Meta i bën thirrje Ministisë së Mbrojtjes, Ministrisë së Buqësisë që tu vijnë në ndihmë qytetarëve.

SHTETI T’I GARANTOJË NDIHMËN ÇDO QYTETARI NË ZONAT E PËRMBYTURA!

Vështirë të gjesh sot një rajon në Shqipëri, pa probleme nga reshjet e ditëve të fundit.

Dhjetëra shtëpi, biznese dhe sipërfaqe të konsiderueshme toke, pronë private e publike, nga Veriu në Jug, janë gdhirë nën ujë, por ndihma e strukturave shtetërore për banorët mungon.

Mbi 10 banesa në Shijak dhe mbi 70 në Sukth 2 e Vadardhë kanë prezencë uji deri në 30 cm.

E njëjta situatë rezulton në Berat ndërsa paralajmërohet një përkeqësim i mundshëm i gjendjes në Qarkun e Fierit dhe të Korçës.

Raportet paraprake flasin për mbi 1500 hektarë tokë të përmbytur në NënShkodër dhe nga shkarkimet e detyrueshme në hidrocentrale situata do të rëndohet.

Sipas IGJEUM priten prurje masive edhe nga Vjosa, që mund të dalë nga shtrati në pjesën fundore duke shkaktuar përmbytje.

LEXO EDHE:  Anëtarja e kryesisë së PD/ Disa pyetje për Lulzim Bashën, kryetarin pa parti  

LEXO EDHE:  Kulmi i pandemisë ka kaluar në shkurt/ Mjeku Gëzim Xhepa i jep fund aludimeve

Në këtë gjendje të rënduar, nevojitet urgjentisht angazhimi i të gjitha strukturave qendrore e vendore për minimizimin e pasojave në prona dhe shmangien e çdo rreziku për shëndetin dhe jetën e qytetarëve.

Strukturat operacionale të Mbrojtjes Civile, Grupet e Kërkim-Shpëtimit e Evakuimit dhe Shërbimet Zjarrfikëse duhet të jenë 24/24 orë në terren pranë qytetarëve në nevojë.

Ministria e Mbrojtjes dhe Rezervat e Shtetit, pa vonesë, duhet të përgatisin ndihmat ushqimore për familjet, që u janë përmbytur shtëpitë.

Ministria e Bujqësisë, menjëherë të dërgojë pranë banorëve në nevojë, bazën aq të nevojshme ushqimore dhe koncentratet për bagëtitë.

Ministrat përgjegjes për Mbrojtjen Civile të vendosin komunikimin konstant me strukturat vendore dhe publikun për parapërgatitje e reagim, për prioritetin absolut: sa më pak dëme në prona e bagëti dhe padiskutim mbrojtje të çdo jete njerëzore.

Të garantohet funksionimi me kapacitet të plotë i hidrovoreve dhe Autoriteti Rrugor Shqiptar të monitorojë situatën në të gjitha akset, ku ka potencial rrezikshmërie për rrëshqitjen e tokës, me qëllim shmangien e aksidenteve, si dhe të marrë masa urgjente për hapjen e çdo segmenti të bllokuar nga dëbora.

Të raportohet periodikisht për situatën dhe të vlerësohen me shumë seriozitet paralajmërimet e Institutit të Gjeoshkencës, Energjisë, Ujit dhe Mjedisit, si i vetmi organ, që meriton vlerësime për përmbushjen me përgjegjësi të detyrës./CNA.al

 

LEXO TE PLOTE

Politikë

“Vendi me borxhin me të lartë publik”/ Tabaku tregon kusuret e qeverisjes Rama

Publikuar

-

Nga

“Inceneratorët, afera më korruptive”/ Tabaku: Tani është radha e SPAK

“Shqipëria vendi me borxhin me të lartë publik”/ Tabaku tregon kusuret e qeverisjes Rama:

Ish deputetja e PD, Jorida Tabaku ka ngritur shqetësimin lidhur me borxhin pubkik. Ajo thekson se asnjë lekë nga borxhi nuk ka shkuar për shqiptarët por për njerëzit pranë Ramës.

Sipas saj, vendi do pësojë një rënie ekonomike 7.5% të PBB dhe këto janë kusuret e një vjedhje 8 vjeçare

“Kusuret e qeverisjes Rama:
– Shqipëria vendi me borxhin me të lartë publik, thuajse 80% të PBB vetëm për 9 mujorin 2020. Asnjë lek nga borxhi nuk ka shkuar për shqiptarët por për njerëzit pranë Ramës. Shqiptarët paguajnë borxhin bizneset e Ramës mbushin xhepin.
– Vendi me ndihmën më të ulët ekonomike në kohë pandemie, vetëm 0.86% të PBB për bizneset dhe të punësuarit në kohën e flamës. Mbi 100 mijë shqiptarë të papunë në pak muaj, mbi 60 biznese në ditë të falimentuara. Buxheti në shërbim të okigarkisë Rama.
– Vendi do pësojë një rënie ekonomike 7.5% të PBB. Më të varfër, me borxhin me të lartë në rajon dhe me mbështetjen me të ulët për frymë.
Këto janë kusuret e një vjedhje 8 vjeçare. Ta largojmë sa nuk është vonë! Ta largojmë për të fituar kohën dhe të ardhmen. Në 25 prill do ti tregojmë vendin atyre që zhytën familjet tona në varfëri dhe mjerim”, shkruan Tabaku./CNA.al

LEXO TE PLOTE

Politikë

Vendi nën ujë/ Rama: Përmbytjet janë minimale për momentin

Publikuar

-

Nga

Kryeministri Edi Rama në konferencën për mediat është pyetur dhe për situatën e krijuar nga përmbytjet në vend.

I pyetur për bilancin, Rama tha theksoi se është bërë bilanci i fazës më kritike dhe do të publikohet në fund të kësaj situate përmbytjesh.

Por sipas tij, sa i përket përmbytjeve të tokave, ato janë minimale.

“Kemi bërë bilancin për fazën më kritike, tani jemi në një fazë më pak kritike. Po e ndjekim me shumë vëmendje, por është krejtësisht në nivele të arsyeshme, duke pasur parasysh intensitetin e madh të reshjeve. Problem janë rrëshqitjet në disa akse, pas reshjeve të shumta. Sa i përket përmbytjeve të tokave, ato janë minimale për momentin. Në fund të kësaj faze do të bëjmë edhe bilancin publik, pasi e kemi”, u shpreh Rama.

LEXO TE PLOTE