Dy vite më parë Aleanca e Atlantikut të Veriut miratoi vendimin për të ndërtuar në Shqipëri bazën e parë ajrore të Ballkanit Perëndimor.

Ministri i Mbrojtjes Niko Peleshi tha në emisionin Përballë se projekti i bazës ajrore të Kuçovës po jetësohet dhe do të jetë gati në fund të muajit tetor.

“Baza e Kuçovës është një projekt që tani po jetësohet. Deri në fund të marsit do të përfundojë prokurimi nga njësia prokuruse e NATO-s. Do të kontraktohet kompania apo komapnitë që do të zbatojnë projektin. Është një projekt “projekto dhe ndërto”. Parashikohet që deri nga fundi i tetori të këtij viti ketë përfunduar projekti dhe te nis me shpresë implementimi i tyre. Realizimi i projektit ka si afat të synuar fundin e vitit 2023. Nuk është më një ambicie”, tha Peleshi./ CNA.al

Ministria e mbrojtjes ka angazhuar në terren mbi 400 efektivë të forcave të armatosura për të përballuar emergjencat civile për shkak të motit të keq.

Në emisionin Përballë, ministri i Mbrojtjes Niko Peleshi, tha se angazhimi i ushtrisë në terren gjatë këtyre dtëvë ka qënë i domosdoshëm pasi pushteti vendor nuk ka marrë masat e duhura.

“Tani pse duhët të hyjë gjithmonë që ushtria të hapë rrugët? Le ta themi hapur. Në rast se bashkitë tregohen pak më të zgjuara në mirëmbajtjen e rrugëve. Në rast se nuk pritet sa të bllokohet rruga nga bora edhe pastaj të thërrasim ushtrinë me buldozerë të pastrojë dëborën por i paraprin me kripë dhe më gjithë ato materialet që hidhen në vende fqinje.

Edhe Maqedonia edhe Kosova duhet ta pranojmë janë më mirë se ne mbajtjen hapur të rrugëve ndërsa këtu tek ne presim që të bllokohet rruga që të japim alarmin. Kjo është arsye pse del ushtria në hapjen e rrugës se Thethit. E kemi pak ccështje kulture dhe mentaliteti që i lëmë gjërat për ditën e fundit. Kemi shumë punë për të bërë për ta ndryshuar këtë sjellje, për të planifikuar. Planifikimi është një nga dobësitë tona në institucione në familje dhe në shoqëri”, theksoi Peleshi./ CNA.al

Prej disa ditësh, CNA.al ka paralajmëruar se LSI është drejt shkrirjes dhe kjo po faktohet çdo ditë nga ikjet e njëpasnjëshme drejt Partisë Socialiste.

Këtë gjë treguan edhe sondazhet, të cilat zbuluan se LSI ka humbur mbështetjen e qytetarëve, madje në Berat u shkri dega e Gjerovenit me 140 kandidatë.

Por paravësisht rezultateve të sondazheve dhe largimeve të figurave të njohura të LSI-së, Monika Kryemadhi pretendon se partia që ajo drejton është e vetmja parti në rritje në Shqipëri.

Debati në emisionin “Real Story”:

Murati: Pavarësisht se morët rezultat të lartë në 2017, çfarë ka ndryshuar sot?

Kryemadhi: Asnjë parti politike…, të gjitha kanë pasur luhatje. Vetëm LSI është në rritje, madje dhe në 2017 me të gjitha partitë e mëdha kundra, dhe bandat kundra.

Murati: Programi apo kandidatët më të mirë?

Kryemadhi: Nuk gjykoj se është më i mirë as se 2005, 2009, 2013 apo 2017. Është më i thjeshtë dhe emergjent./ CNA.al

LSI drejt fundit/ Shkrihet dega në Berat, anëtarët kalojnë me PS