Bota
Trump “dorëzohet”/ Fillon tranzicioni i pushteteve në Shtëpinë e Bardhë
Donald Trump më në fund ka urdhëruar zyrtarisht kalimin e kompetencave presidenciale.
Trump i hapi rrugë procesit duke lejuar që Biden dhe ekipi i tij të kenë qasje në fonde dhe njoftime të klasifikuara.
Presidenti në largim, Trump njoftoi në Twitter se i kishte dhënë leje kreut të GSA, Emily Murphy të punonte me ekipin e tranzicionit të Joe Biden.
“Unë dua të falënderoj Emily Murphy për përkushtimin në GSA, për përkushtimin e saj të palëkundur dhe besnikërinë ndaj vendit tone.
Ajo është ngacmuar, kërcënuar dhe abuzuar, dhe unë nuk dua ta shoh që kjo të ndodhë me të, familjen e saj ose punonjësit e GSA.
Çështja jonë vazhdon fuqishëm, ne do të vazhdojmë me luftën tonë dhe unë besojmë se do t’ia dalim. Megjithatë, në të mirë të vendit tonë unë rekomandoj që Emily dhe Skuadra e GSA të bëjnë atë që duhet bërë në lidhje me protokollet fillestare dhe i kam kërkuar edhe skuadrës time të bëjë të njëjtën gjë”, shkroi në Twitter presidenti në largim .
Ekipi i tranzicionit i Z. Biden u informua nëpërmjet një letre nga Murphy, se Shtëpia e Bardhë ishte e gatshme të fillonte procesin.
Murphy ka deklaruar se ky vendim erdhi në mënyrë të pavarur dhe nënvizoi se nuk ka qenë kurrë nën presionin indirekt të njërës palë apo tjetrës.
“Ju lutem të jeni të bindur se erdha në këtë vendim në mënyrë të pavarur, duke u bazuar në ligjin e vendit tim dhe në fakte. Nuk kam qenë kurrë nën presionin direkt apo indirekt të asnjë palë, qofshin administrata në Shtëpinë e Bardhë apo zyrtarët në GSA. Të jemi të qartë unë nuk kam marrë asnjë direktivë për të vonuar vendimin tim”, tha Murphy.
Lëvizja nga Shtëpia e Bardhë erdhi vetëm disa orë pasi Michigan vërtetoi zyrtarisht rezultatet e saj të zgjedhjeve dhe disa ditë pasi Georgia bëri të njëjtën gjë.
Pensilvania pritet të vërtetojë së shpejti rezultatet e saj, duke i dhënë fitoren dhe votat e kolegjit elektoral të shtetit të tij Z. Biden.
Në ditët e fundit një varg senatorësh republikanë, përfshirë Lisa Murkowski të Alaskës dhe Rob Portman të Ohajos, i janë drejtuar z. Trump dhe kanë bërë thirrje që tranzicioni të fillojë për të siguruar një dorëzim të qetë te Z. Biden.
Ekipi i Z. Biden mirëpriti njohjen nga qeveria të fitores së tij në zgjedhje.
“Administratori i GSA ka konstatuar presidentin e zgjedhur Joe Biden dhe nënkryetaren e zgjedhur Kamala Harris si fituesit e dukshëm të zgjedhjeve, duke siguruar administratën e ardhshme me burimet dhe mbështetjen e nevojshme për të kryer një transferim të qetë dhe paqësor të pushtetit,” tha Biden./Përshtatur nga CNA.al
Kosova & Rajoni
Covid-19 në Maqedoninë e Veriut/ Regjistrohen mbi 400 raste të reja
Ministria e Shëndetësisë së Maqedonisë së Veriut bën të ditur se gjatë 24 orëve të fundit janë realizuar 2518 testime.
Nga këto testime, bëhet me dije se 444 persona janë diagnostifkuar me koronavirus.
Konkretisht në Shkup janë regjistruar 209 raste, në Kumanovë 26, në Tetovë 13, në Prilep 5, në Gostivar 12, në Shtip 8, në Manastir 8, në Veles 26, në Ohër 26, në Strumicë 8, në Kavadarc 32, në Strugë 11, në Kërçovë 10, në Sveti Nikollë 1, në Gjevgjeli 3, në Resnjë 1, në Kriva Pallankë 3, në Radovish 5, në Dellçevë 16, në Probishtip 3, në Vinic 3, në Demir Hisar 1, në Makedonski Brod 2, në Bogdanc 2, në Kratovë 3, në Demir Kapi 6 dhe në Pehçevë 1.
Gjithashtu në 24 orët e fundit Instituti i Shëndetit Publik ka regjistruar 894 pacientë të shëruar nga Covid-19, ndërsa 21 pacientë nuk kanë mundur të fitojnë betejën me Covid-19./ CNA.al
Bota
Merret vendimi/ Gjykimi në Senat ndaj ish-Presidentit Trump më 9 shkurt
Ligjvënësit e Dhomës së Përfaqësuesve depozituan në Senat akuzën ndaj ish-Presidentin Donald Trump për nxitje të sulmit të dhunshëm ndaj Kapitolit, gjatë fjalimit para mbështetësve të tij më 6 janar.
Nëntë demokratë të Dhomës së Përfaqësuesve, të cilët do të shërbejnë si prokurorë në procesin gjyqësor që do të zhvillohet në Senat, dorëzuan akuzën e shkruar duke përshkruar fillimisht të njëjtën rrugë që ndoqi turma e mbështetësve të zotit Trump ndërsa përleshej me policinë.
“Me sjelljen e tij ndërsa ishte President i Shteteve të Bashkuara, në shkelje të betimit të bërë ndaj Kushtetutës për besnikëri në zbatimin e detyrës së Presidentit, si dhe për mbrojtjen dhe garantimin e Kushtetutës së Shteteve të Bashkuara, Donald John Trump u përfshi në shkelje të rënda ligjore e kundërvajtje duke nxitur dhunë kundër qeverisë së Shteteve të Bashkuara“, tha Jamie Raskin, ligjvënësi demokrat i cili kryeson grupin e ligjvënësve që do të shërbejnë si prokurorë të çështjes së ngritur ndaj ish-Presidentit.
Senati pritet ta nisë gjykimin më 9 shkurt. Udhëheqësit e Senatit ranë dakord ta shtyjnë fillimin e procesit gjyqësor ndaj zotit Trump, duke i dhënë kësaj dhome më shumë kohë për t’u përqëndruar tek axhenda legjislative e Presidentit Joe Biden si dhe miratimi i anëtarëve të Kabinetit të tij përpara se të shndërrohet në një arenë debati politik rreth ish-presidentit. Ekipi mbrojtës i zotit Trump do të paraqesë një përgjigje me shkrim ndaj akuzës më 2 shkurt.
100 senatorët do të shërbejnë si anëtarë të jurisë gjatë një procesi që mund të rezultojnë në skualifikimin e zotit Trump nga çdo mundësi për të kandiduar sërisht për postin e presidentit. Gjatë votimit për ngritjen e zyrtarisht të akuzës ndaj zotit Trump më 13 janar, demokratëve iu bashkuan edhe dhjetë republikanë të Dhomës së Përfaqësuesve. Ngritja e akuzave nxiti reagimin e republikanëve që mbështesin zotin Trump.
“Denoncova dhunën politike që vjen nga çdo kah i politikës. Por mos gaboni, e majta në Amerikë ka nxitur shumë më shumë dhunë politike sesa e djathta. Për muaj me radhë, qytetet tona u dogjën, stacionet e policisë u dogjën, bizneset tona u shkatërruan dhe demokratët nuk thanë asgjë! Tashmë disa kanë permendur metaforën se ishte presidenti që ndezi dhunën. Por demokratët e lanë flakën dhe zjarrin të digjej…!, tha ligjvënësi republikan i Floridës Matt Gaetz.
Që Senati të marrë një vendim për fajësimin e ish-presidentit Trump, do të duhen votat e 2/3 së anëtarëve të Senatit, thënë ndryshe demokratët do të kenë nevojë për mbështetjen e 17 republikanëve të kësaj dhome, një gjë që duket e vështirë duke pasur parasysh besnikërinë e vazhdueshme ndaj zotit Trump mes bazës konservatore të votuesve të Partisë Republikane.
Zakonisht seancat gjyqësore në Senat drejtohen nga kryetari i Gjykatës së Lartë. Por nisur nga fakti se procesi do të zhvillohet ndaj një ish-Presidenti, gjykimi në Senat pritet të udhëhiqet nga anëtari më jetëgjatë i kësaj dhome të Kongresit dhe ai është demokrati Patrick Leahy.
Zoti Trump është i vetmi president ndaj të cilit janë ngritur dy herë akuza për shkarkim nga Dhoma e Përfaqësuesve. Tashmë ai do të jetë gjithashtu i pari që do të përballet me një gjykim në Senat pas largimit nga detyra më 20 janar. Sipas gjetjeve të një sondazhi të agjencisë Reuters dhe kompanisë Ipsos publikuar të premten një shumicë e vogël amerikanësh besojnë se zoti Trump duhet të fajësohet e të ndalohet të mbajë funksione publike. Përgjigjet ishin pothuajse tërësisht në linja partiake, me nëntë në 10 demokratë që ishin pro fajësimit të zotit Trump të dënuar dhe me më pak se dy në 10 republikanë që ishin në të njëjtën linjë. Zoti Trump ka thënë se ai mund të rikandidojë në zgjedhjet presidenciale të 2024. Por fati i tij mund të varet nga kreu u republikanëve në Senat Mitch McConnell, pozicioni i të cilit ka të ngjarë të ndikojë tek republikanët e tjerë. Këtë javë zoti McConnell tha se turma që sulmoi Kapitolin ishte “ushqyer me gënjeshtra” dhe se ishte “provokuar nga presidenti e njerëz të tjerë të fuqishëm”./ VOA
Bota
Posti i sekretarit të Shtetit/ Senati konfirmon Antony Blinken
Senati i Shteteve të Bashkuara votoi të martën dhe konfirmoi zotit Antony Blinken për postin e sekretarit të ri Shtetit. Pro emërimit të tij në këtë detyrë votuan 78 senatorë ndërsa 22, votuan kundër.
Gjatë një seance dëgjimore javën e kaluar, zoti Blinken tha se është i gatshëm të përballet me sfidat e ngritura nga Kina, Irani, Rusia dhe Koreja e Veriut. Ai tha se Kina “përfaqëson sfidën më domethënëse” ndaj interesave kombëtare të Shteteve të Bashkuara, ndërsa vuri në dukje se ekziston edhe hapësira për bashkëpunim.
“Ka përplasje në rritje në këtë marrëdhënie; sigurisht konkurruese dhe megjithatë disa edhe bashkëpunuese, kur është në interesin tonë të përbashkët”, shtoi ai.
Zoti Blinken gjithashtu u zotua të ngrejë sërish moralin në Departamentin e Shtetit dhe trupin diplomatik. Zoti Blinken tha se ai e percepton pozitën amerikane jashtë vendit si një vend-udhëheqës që mbështetet tek “modestia dhe vetëbesimi”.
Zoti Blinken ka qenë zëvendës sekretar shteti gjatë administratës Obama dhe ka lidhje të ngushta me Presidentin Joe Biden. Ai ishte drejtor i stafit për Komisionin e Marrëdhënieve me Jashtë të Senatit, në periudhën kur zoti Biden kryesonte këtë panel, dhe më vonë u bë këshilltar i sigurisë kombëtare për ish-Nënpresidentin Biden.
Komisioni i Marrëdhënieve me Jashtë e miratoi kandidaturën e zotit Blinken me 15 vota pro dhe 3 kundër, duke e dërguar kështu për miratimin përfundimtar në Senatin e plotë./ VOA
Lajme të Rekomanduara:
Koronavirusi/ Gjermania vendi i parë në BE që blen ilaçin e antitrupave
Ka disa vaksina kundër Coronës, por shumë pak ilaçe efektive për të sëmurët. Ministri gjerman i Shëndetësisë vendosi tani për blerjen e 200.000 dozave të...
Spitali gjerman në karantinë/ 20 pacientë dhe personeli të infektuar me variantin e ri të COVID
Një spital në Gjermani është vendosur në karantinë pasi 20 pacientë dhe personeli mjekësor kanë rezultuar pozitiv me variantin e ri të Covid-19. Karantimi i...
