Politikë
Kryemadhi justifikohet për zgjedhjet pa kandidatë në LSI/ Komandanti nuk ndryshohet 6 muaj para
Duke folur për zgjedhjet brenda partisë, kryetarja e LSI, Monika Kryemadhi tha se komandanti i zgjedhjeve nuk ndryshohet 6 muaj para zgjedhjeve.
Kryemadhi pretendon se përveç postit të kryetarit, në LSI kishte një garë të vërtetë për delegatët dhe po ashtu do të ketë për Këshillin Kombëtar Drejtues dhe kryesinë.
Ajo tha në emisionin “Open” se partia nuk është kryetari dhe u shpreh se ajo posedohet nga të rinjtë dhe të rejat dhe se është krenare që të udhëheqë ato drejt fitores.
Teksa u pyet për ndryshimin nga kryeministri Edi Rama, Kryemadhi deklaroi: “Jemi shumë të ndryshëm, sepse LSI ka pasur mbi 1000 e ca kandidatë për 700 delegatë për të zgjedhur. Ja ku vjen e para. Atëherë unë po ju drejtohem, në listën e votimeve online keni shumë persona publikë, anëtarë të LSI, ish-ministra, të cilët kanë votuar. Pyetini ata nëse kanë pasur në procesin e votimit, në Tiranë dhe rrethe kandidatët për delegatë dhe për mua kjo është më e rëndësishmja sesa Monika. Ti do ta presësh deri në 5 dhjetor, sepse do të ketë ndryshime statutore në LSI. Ndryshime programore, përsa i përket funksionit të LSI. Çfarë do të thotë? Do të thotë se do të ketë një parti që ka lider të fortë, ky është mendimi juaj jo i joni. Më gjej një drejtues të një partie politike që ka lejuar të flasë siç u ka dashtë qejfi anëtarëve të kryesisë, siç ka bërë LSI. Kjo është racionalizim.
Unë nuk kam sesi të hyjë në një garë ku është e kot të hysh. E para. E dyta, nuk kam pse të hyj dhe të ndryshoj komandantin e të gjithë ekipit. Nuk është diktaturë, pas datës 25 i bëjmë zgjedhjet prap dhe ju ftoj ju të kandidoni. Nuk e posedoj unë partinë, përkundrazi partia më posedon mua. Më posedojnë të rinjtë e të rejat.”/ CNA.al
Politikë
“Unë e ngre, ti e prish! Si lojë yçi!”/ Fuga: Rrotacioni i pushtetit, na humb kohë duke u kthyer pas
Akademiku i njohur Artan Fuga, ka dalë me një reagim në rrjetet sociale, duke marrë shkas nga situata politike në SHBA, me ardhjen e presidentit të ri në pushtet dhe anullimin e dekreteve të pararendësit të tij.
Sipas Fugës, në këtë aspect demokracia duket sikur vjen rrotull, dhe nëse do merrnim rastin e vbendit, tonë kjo është pikërisht ajo që ndodh, pavarësisht se qytetarët duan ide të reja.
Nevoja për ide të reja !
Presidenti i ri vendit më të madh demokratik të botës u zgjodh! Për të gjithë ata që besojnë te shteti i së drejtës, mbyllja e incidentit të Kapitolit dhe hyrja e procesit në rrugën e natyrshme është e kuptueshme, e pritshme, aspak e habitshme sepse prej një ose dy shekujsh studjuesit më të mirë në politologji kanë shpjeguar qartë se atje shteti nuk është thjesht një ndërtesë apo një pikë e vetme, por e gjithë struktura ligjore e asaj shoqërie ku edhe një gjyqtar i thjeshtë ka fuqi ta vendosi edhe një politikan të paorientuar si duhet me ligjin me shpatulla pas muri.
E bën ta mbledhi veten.
Jemi larg me vite dritë ne! Nejse.
Presidenti i ri sapo hyri në zyrë i kishte gati dekretet e para. Muri me Meksikën ?
Pezullohet!
Ndalimi i hyrjes të shtetasve nga disa vende arabe ose myslimane? Anullohet!
Lëvizja pa maska e nëpunësve të administratës?
Ndalohet.
Ikja nga konferenca e Parisit për klimën? Anullohet, etj.
Sigurisht që presidenti i ri ka arsyet e veta të qendrueshme për të anulluar dekretet e pararendësit dhe rikthimin te vendimet dhe politika e para katër viteve.
As nuk diskutohet.
Dikujt mund t’i duket që në këtë aspekt sikur demokracia vjen rrotull. Rikthehet atje ku ishte katër vite më parë.
Sigurisht kur duhet, kjo gjë edhe ndodh! Nuk kam asnjë kompetencë studimore për të qendruar gjatë këtu.
Por gjithsesi kur është fjala për rastin tonë theksoj se te disa njerëz, jo pa peshë në politikë, rrotacioni i pushtetit në këto dekada është kuptuar si rikthim në pikën e nisjes të disa vitesh përpara. Na humbin kohë duke na u kthyer pas. Atë di, atë përvojë kam, te ajo kthehem.
Do ishte një humbje kohe. Nga taksa e sheshtë te taksa progresive, tani nga taksa progresive te taksa e sheshtë, pastaj nga taksa e sheshtë te taksa progresive, dhe ne që do të vijmë rrotull.
Ti prish mbikalimin, unë të prish pallatin, t’i prish pallatin unë prish xhadenë, ti prish teatrin, unë ngre teatrin, pastaj vjen ti përsëri prish përsëri teatrin, unë e ngre, ti e prish, unë e ngre, ti e prish.
Si lojë yçi!
Nga studentë që pranohen në Universitete nga Ministria e arësimit, pastaj që pranohen nga vetë universitetet, pastaj nga Ministria e arësimit, pastaj nga universitetet. Aman mo nuk keni ide të tjera? Po po vijmë rrotull kështu!
Hiq komuna ver komuna, hiq komuna, vër komuna, hiq…
28 nëndori dita e çlirimit, vjen tjetri, vendos 29 nëndori, ikën ai, vjen tjetri, clirohemi në 28 nëndor., pastaj përsëri në 29, pse 29 po sa? 28! Pse 28 po sa ? 29!
Po ça?
Pse sa?
Po 1 prilli?!
Qytetari dëshëron ide të reja!
Politikë
Meta dhe Veliaj në përgjimet e ‘Ndrangheta-s’/ Artan Hoxha nxjerr fotot: Kush duket si boos-i këtu?
Gazetari Artan Hoxha, ka reaguar sërish në lidhje me daljen e emrit të presidentit Ilir Meta dhe kryebashkiakut Erion Veliaj në përgjimet e antimafias italiane për grupin mafioz ‘Ndrangheta’.
Artan Hoxha, shkruan se një ndër karakteristikat e këtij grupi është përulja që u tregohet drejtuesve të saj, nga anëtarët e organizatës.
Duke bërë një paralelizëm, përmes ironisë, Hoxha ka publikuar dhe disa foto të dy zyrtarëve shqiptarë, Meta dhe Veliaj, ndërsa shton pyetjen se kush është kapo, duke u bazuar nga foto.
Respekte kapo….
Nje nga karakteristikat e NDRAGETA-s, eshte respektimi dhe perulja qe u tregohet drejtuesve te saj, nga anetaret e organizates.
Mjafton te shikosh menyren se si e nderojne shefin gjate takimeve ne publik, per te kuptuar se kush eshte kapo i organizates…
Ngjashmeria me disa foto te meposhteme eshte thjesht nje koiçidence e rastit
Kush duket si BOSS-i ketu???!!!
Politikë
Paralajmëroi se do ta padiste për shpifje/ Grida Duma i përgjigjet Veliajt: Kam fituar dhe gjyqe të tjera me ty
Ish deputetja e PD-së, Grida Duma, ka reaguar ndaj kryebashkiakut të Tiranës Erion Veliaj, pasi ky i fundit tha se do ta padisë për shpifje.
Duma shprehet se kjo padi është një tregues që Veliaj është i “kapur kokë e këmbë” nga mafia, teksa thekson se kjo nuk do e ndal.
“Buratini i Ramës është i kapur kokë e këmbë! Asnjë mjet nuk do më ndalojë mua, Partinë Demokratike të luftojmë për të vërtetën! Askush nuk do të na ndalojë të themi të vërtetën dhe në 25 prill ti japim shqiptarëve një qeveri që kujdeset për ta. Bashkëngjitur shikoni gjyqin të fituar me Veliaj për shpifje, kur denoncuam të tjera shkelje dhe abuzime te tij me taksat e shqiptarëve”, shkruan Duma./CNA.al
Lajme të Rekomanduara:
Agron Gjekmarkaj si Fahri Balliu i III-të
Një analist i ardhur gjatë kohës së opozitës së Partisë Demokratike, fillimisht një kritik i ashpër i Lulzim Bashës, njeri që kishte nxjerrë shpatën dhe...
Katër faktet që tregojnë sondazhet
Dy javët e fundit, mediat janë mbushur me sondazhe të vazhdueshme nga kompani të cilat kanë bërë edhe më parë në Shqipëri të tilla përllogaritje...
