Shëndeti
Këshilla për parandalimin e përhapjes së koronavirusit tek familjarët
Mbajtja hapur e dritareve ul rrezikun nga infektimi me koronavirus, sepse ajri i freskët në hapësira të mbyllura mund të ulë rrezikun nga infeksioni për më shumë se 70 për qind.
Ekspertët u rekomandojnë njerëzve që rregullisht të hapin dritaret së paku 10 deri në 15 minuta gjatë ditës apo vazhdimisht gjatë natës t’i lënë dritaret të hapura. Pa ventilim të rregullt, grimcat e virusit me orë të tëra mund të qëndrojnë të përhapura në ajër dhe me kalimin e kohës të grumbullohen. Prandaj, ajrosja e hapësirave të mbyllura rekomandohet posaçërisht kur një dhomë në shtëpi është e infektuar.
Kur personi nuk ka ajër të pastër dhe atje ku njerëzit krijojnë sasi të mëdha aerosolësh me aktivitetet siç janë këndimi apo biseda me zë të lartë, aty me siguri edhe do të transmetojnë coronavirusin. Ajri i freskët patjetër duhet të vijë nga jashtë në mënyrë që grimcat të mos sillen nëpër hapësirë, thekson profesoresha Catherine Haëks i Universitetit të Leeds. Ajo thekson edhe që sistemet e ventilimit gjithsesi mund të ndihmojnë.
Aspiratorët ose çdo sistem shtëpiak që përdor ajrin e jashtëm mund të jetë po aq efektiv sa hapja e dritareve ose e dyerve, për sa kohë që ato kufizojnë riciklimin të të njëjtit ajër/CNA.al
Shëndeti
‘Moderna’ funksionon ndaj varianteve të reja, vaksina amerikane ka efektshmëri edhe mbi mutacionet e COVID-19
Vaksina e kompanisë amerikane ‘Moderna’ duket se funksionon kundër varianteve të reja të coronavirusit, të zbuluara në Mbretërinë e Bashkuar dhe në Afrikën e Jugut.
Sipas shkencëtarëve, testet e hershme laboratorike sugjerojnë se antitrupat që nxit vaksina mund t’i njohin dhe luftojnë variantet e reja.
Megjithatë, shkencëtarët thonë se për ta konfirmuar këtë, duhet të bëhen më shumë studime. Ekspertët besojnë se varianti i Mbretërisë së Bashkuar, i cili është shfaqur në shtator, mund të jetë deri në 70% më i transmetueshëm.
Vaksinat aktuale janë krijuar rreth varianteve të mëparshme, por shkencëtarët besojnë se ato duhet të funksionojnë edhe kundër varianteve të reja./euronews
Shëndeti
“Janë të paaftë apo po e sabotojnë me qëllim”/ Erion Dasho del me reagimin e fortë
Eksperti i Shëndetit Publik, Erion Dasho ka dalë me një reagim të fortë në rrjetet sociale, ku sulmon Komitetin Teknik të Ekspertëve.
Sipas Dashos nga 100 mijë testet e shpejta që erdhën në dhjetor, janë përdorur vetëm 55 mijë prej tyrë, ndonëse nevoja ka qenë për të paktën 200 mijë.
“Në dhjetor erdhën 100 mijë teste të shpejta. Sot në fund të janarit, raportohet se janë përdorur 55 mijë prej tyre. Ndërkohë nevoja gjatë kësaj periudhe ka qenë për të paktën 200 mijë teste (pozitiviteti i personave të testuar ka qenë rregullisht mbi 20%).
Specialistët e ministrisë dhe ekspertët e komitetit duhet të sqarojnë “Janë të paaftë apo po e sabotojnë me qëllim përgjigjen shqiptare ndaj COVID-it??!!”
Shëndeti
Rritja e numrit të të infektuarve/ Alimehmeti: Pasojat e fundvitit dhe ditëve të ftohta
Janari është shoqëruar me rritje të rasteve të reja me Covid.
Për epidemiologët kjo situatë ka ardhur si pasojë e ftohjes së motit dhe shkeljes së masave mbrojtëse, veçanërisht gjatë periudhës së ndërrimit të viteve.
Por pavarësisht, rritjes së infektimeve, epidemiologu Ilir Alimehmeti tregon se këtë periudhë janë ulur shtrimet në spital dhe humbjet e jetës.
Sipas tij, kjo ka lidhje me infektimet e moshave të reja dhe mungesën e shenjave klinike te kjo kategori.
“Pra nëse shkon infeksioni drejt moshave të reja normale dhe për spitalin do të ketë më pak nevojë. Fakti është që edhe pse shifrat janë konsistente, shifrat në spital janë të buta”, shtoi mjeku.
Alimehmeti kritikoi gjithashtu vendimin e Komitetit Teknik për të mbajtur mbyllur shkollat e larta në të gjithë vendin.
Sipas epidemiologut, të rinjtë nuk shkojnë në auditore, por mund ta përhapin virusin kur mblidhen së bashku në bare dhe lokale./CNA.al
Lajme të Rekomanduara:
Shifrat nuk njohin ulje/ Konfirmohen 786 raste të reja dhe 7 humbje jete
Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën në zbatimin e rregullave antiCOVID; Vendosni maskën mbrojtëse në çdo...
Kush janë personat që kundërindikohen nga vaksina e Covid-19?
Nga Dr. Blerta Brati, mjeke mikrobiologe pranë ISHP Ekspertët rikonfirmojnë se të qenit alergjik nuk është kundërindikacion për vaksinimin kundër infeksionit, në kundërshtim me atë...
