Lindon Selahi është lojtari më i ri i Vilem II në Eredivize në Holandë. Mesfushori është larguar nga Tuente, për të kaluar në formën e huazimit te Vilhemi deri në fund të sezonit.

21-vjeçari e ndoqi nga afër ndeshjen e Vilem II ditën e djeshme ndaj Groningenit, ku u mposhtën me rezultatin 2-3, teksa ditën e sotme iu nënshtrua vizitave mjekësore të cilat i kaloi me sukses.

Selahi luajti thuajse në të gjitha ndeshjet për Tuenten në sezonin e kaluar, por këtë sezon, ka hasur vështirësi të mëdha, pasi trajneri i ri që mori drejtimin e ekipit, e ka lënë në stol. Për këtë arsye, futbollisti i Kombëtares vendosi të ndryshojë ekip, për të kaluar te skuadra e Vilem II.

Nedim Bajrami rrëmbeu skenën në sfidën e Kupës së Italisë ndaj Napolit, duke i shënuar 2 gola skuadrës së Gatuzos. 21 vjeçari ka lindur në Tetovë, por që fëmijë ka emigruar së bashku me familjen në Zvicër.

Ai ka debutuar 17-vjeç në Superligën e Zvicrës me Grashopperin. Bajrami ka kaluar në të gjitha kombëtaret e moshave te Zvicra, ndërsa vitin e kaluar ishte pjesë e helvetëve në kualifikuese e kampionatit Evropian U21 së bashku me Andi Zeqirin e Bastien Tomën.

Tetovari ka menaxher vëllain e Xherdan Shaqirit, Erdinin, teksa është në pronësi të Juventusit dhe luan si i huazuar te Empoli.  Mësohet se Bajrami pak muaj më parë e ka refuzuar ftesën për të përfaqësuar Shqipërinë, teksa dëshiron t’i përkushtohet Zvicrës.

Interes për të ka shfaqur edhe Federata e Futbollit të Kosovës dhe duke qenë se ende nuk ka zhvilluar ndeshje zyrtare me kombëtaren A të Zvicrës, Bajrami ligjërisht mund të ndryshojë ekipin Kombëtar që do të përfaqësojë.

Për sa i përket sfidës së djeshme ndaj Napolit, lojtari më i mirë në fushë, në sfidën e Kupës së Italisë, mes Napolit dhe Empolit u vlerësua pikërisht shqiptari Nedim Bajrami, me notën 7.5:

“Bën gjithçka do mes linjave të mesfushës dhe mbrojtjes së Napolit, duke treguar personalitet dhe një goditje kirurgjikale. Dopietë fantastike me dy goditje balistike, të cilat sigurisht nuk do të kenë mbetur pa tërhequr vëmendjen drejt 21-vjeçarit nga Tetova”.

Lindon Selahi ishte një prej mesfushorëve më të mirë të “Eredivisie” në sezonin e shkuar, atje ku në bazë të statistikave vlerësohej mbi emra të tjerë të njohur në elitën e futbollit holandez. Por me ndryshimin e trajnerit, futbollisti shqiptar është venitur së tepërmi duke përfunduar në stol.

Në merkaton e verës ishte Celtic që u interesua për të marrë shërbimet e Selahit, por nuk do të gjente akordin me klubin holandez. Ndërkohë në këto ditë të para të janarit vijnë shumë interesime nga Belgjika, pikërisht në vendin ku është formuar edhe futbollisti. Përgjigja e parë e Tëentes kanë qenë disi negative pasi sipas tyre Selahi është shumë i mirë dhe stërvitet me shumë seriozitet. Por kur bëhet fjalë për ndeshjet e luajtura në kampionat gjithmonë zgjidhen mesfushorë të tjerë përpara tij.

Tashmë është drejtori teknik i Tëentes, Jan Steuer, i cili është shprehur se nuk do ta pengojnë largimin e Selahit, vetëm se oferta që duhet të vijë, ka kushtin për të plotësuar dëshirat e tyre. Pas largimit të këtij futbollisti Tëente nuk do të hidhet sërish në merkato për futbollistë pasi ka një mbingarkesë sa i përket mesfushorëve në organikë.