LEXO PA REKLAMA!

SHKARKO APP

Çoi pas hekurave djalin e deputetit socialist/ Prokurorja në kabinetin e Artur Metanit

24 Nëntor 2020, 09:58, Vetingu CNA
Çoi pas hekurave djalin e deputetit socialist/ Prokurorja në

Në Qershor të këtij viti, Komisioni i Pavarur i Kualifikimit njoftoi se ka nisur hetimet për prokuroren e Krujës, Mirela Kapo.

Kjo e fundit është dekretuar si prokurore në Krujë në vitin 2015, ku ka hetuar disa prej dosjeve të grupeve kriminale në atë zonë. Në mars të këtij viti, prokurorja e Krujës, Mirela Kapo, me anë të një vendimi të KLP, është emëruar si ndihmës-magjistrate pranë Inspektoratit të Lartë të Drejtësisë me kryetar Artur Metanin për një periudhë 5- vjeçare.

Kapo është një emër i lakuar nga media, pasi ishte prokurorja që kërkoi arrestimin e Rexhep Rrajës, djalit të deputetit socialist, Rahman Rraja, i cili ushtroi dhunë ndaj të dashurës Xh. M. Kjo çështja, në vitin 2018, trazoi politikën, pasi denoncimi i saj u zbulua rreth tre muaj më pas, kur ish-oficeri i Fushë Krujës, Emiljano Nuhu nga arratia, akuzoi publikisht se ishte kërcënuar me jetë për të liruar djalin e deputetit.

Në media u raportua se Nuhu, nuk kishte kryer disa prej detyra bazike të lëna nga prokurorja Kapo në rastin e ndalimit të Rexhep Rrajës.
Ish-oficeri, u tha se kishte injoruar shtatë nga 11 detyrat që prokurorja ia kishte deleguar atij për t’i trajtuar, ndërsa më pas është detyruar t’i kryejë vetë me oficerët e saj. Por, nga ana tjetër ish-oficeri pretendonte se ishte kërcënuar.

Por, pavarësisht akuzave dhe kundërakuzave ku u përfshi edhe politika, prokurorja Kapo e dërgoi pas hekurave djalin e deputetit socialist.
Sa i përket pasurisë, rezulton se të ardhurat prokurorja nga paga e saj dhe bashkëshorti, i cili është prokuror, në shkallën e parë Tiranë.
Pasuri të patundshme, prokurorja deklaron një apartament të blerë në vitin 2013 me sipërfaqe 128.6 m2, për të cilin thotë se 85 000 euro ia kishte dhënë dhuratë babai.

Ndërsa si pasuri të luajtshme përveç llogarive financiare, ajo deklaron një automjet, që ka kushtuar 15 500 euro, blerë nga bashkëshorti, prokurori Etien Kapo.

Më poshtë po sjellim formularët e deklarimit të pasurisë së prokurores Mirela Kapo.

Viti 2015 (Deklarata fillestare)
Blerë banesë me sip 128.6 m2, në Tiranë, në vitin 2013 me vlerë. Si burim të ardhurash ka shërbyer 85 000 euro dhuratë nga babai i subjektit deklarues.
Shitur automjeti 400 000 lekë.
Hapur llogari bankare në emër të subjektit deklarues, 2 932 euro.
Të ardhura nga paga e subjektit deklarues si oficere e policisë gjyqësore përgjatë viteve 2008-2014, në shumën 4 726 170 lekë.
Hapur llogari bankare në emër të subjektit deklarues, 100 000 lekë.
Të ardhura nga pga e subjektit deklarues si pedagoge në një universitet privat, 315 231 lekë.
Hapur llogari bankare në emër të subjektit deklarues, 300 dollarë.
Kursime 400 000 lekë.
Të ardhura nga puna e bashkëshortit si prokuror në Tiranë, 1 068 201 lekë.
Të ardhura nga paga e subjektit deklarues si oficere e policisë gjyqësore tek Krimet e Rënda, 835 097 lekë.
Automjet në emër të bashkëshortit me vlerë 15 150 euro.
Depozitë bankare e bashkëshortit, 4 000 dollarë.

Viti 2015 (Deklarata vjetore)
Gjendje llogarie e subjektit deklarues, 149 97 lekë dhe 736 90 lekë.
Të ardhura nga paga e subjektit deklarues si oficere e policisë gjyqësore tek Krimet e Rënda, 835 097 lekë.
Të ardhura nga paga e subjektit deklarues si prokurore në Krujë, 72 249 lekë.
Të ardhura nga puna e bashkëshortit si prokuror në Tiranë, 1 279 226 lekë.
Gjendje e llogarisë së bashkëshortit, 549 66 lekë.

Viti 2016
Të ardhura nga paga e subjektit deklarues si prokurore në Krujë, 1 027 344 lekë.
Të ardhura nga puna e bashkëshortit si prokuror në Tiranë, 1 260 773 lekë.
Kredi bankare në shumën 3 250 000 lekë. Pa shlyer 2 879 861 02 lekë.

Viti 2017
Kursime 100 000 lekë.
Të ardhura nga paga e subjektit deklarues si prokurore në Krujë, 1 296 456 lekë.
Të ardhura nga puna e bashkëshortit si prokuror në Tiranë, 988 712 lekë.
Kredi bankare në shumën 3 250 000 lekë. Pa shlyer 2 771 527 66 lekë.

Viti 2018
Të ardhura nga paga e subjektit deklarues si prokurore në Krujë, 1 035 300 lekë.
Të ardhura nga puna e bashkëshortit si prokuror në Tiranë, 1 314 340 lekë.
Kredi bankare në shumën 3 250 000 lekë. Pa shlyer 2 663 200 lekë./CNA.al

Lajmet e fundit nga