Seria A
Zërat e merkatos, Paratici zbulon të ardhmen e Ronaldos
Pavarësisht zërave të ditëve të fundit për një transferim te Paris Saint Germain apo rikthim te Reali i Madridit, Cristiano Ronaldo do të vijojë të jetë pjesë e Juventusit deri në verën e 2022-shit dhe madje mund të rinovojë edhe më tej bashkëpunimin.
Ka qenë drejtuesi i bardhezinjve, Fabio Paratici ai që ka hedhur poshtë zërat e merkatos dhe ka theksuar se në klub besojnë shumë te portugezi, i cili nuk ka zhgënjyer asnjëherë në fushën e lojës dhe shpesh ka udhëhequr skuadrën drejt sukseseve.
Me Pirlon në pankinë Juventusi ka nisur një proces rinovimi, pasi janë bërë pjesë e ekipit shumë emra të rinj, që garantojnë cilësi për shumë vite në vazhdim, por njëkohësisht edhe frymëmarrje për arkat e klubit, pasi fitojnë më pak se emra të tjerë që kanë lënë Torinon së fundi.
Megjithatë, ndonëse Ronaldo do të mbushë 36 vjeç në shkurt, duke parë formën e mirë të portugezit dhe atë që Ibra po bën me Milanin ndonëse me 39 vite mbi supe, drejtuesit e Juves nuk kanë ndërmend të heqin dorë nga CR7.
Përkundrazi, tani i mbetet detyrë Andrea Pirlos që të ndërtojë një formacion ku portugezi të marrë pjesë shumë më pak në fazën mbrojtëse të lojës, në mënyrë që të jetë më efektiv dhe i fortë në aksionet sulmuese.
Seria A
E BUJSHME/ Arrihet marrëveshja, Allegri ulet në stolin e ekipit të njohur
Massimiliano Allegri pritet të ulet në stolin e Romës teksa raportohet se tashmë është arritur marrveshje me një kontratë rreth 5 milionë euro në sezon.
Allegri njihet si një trajner që luan lojë sulmuese dhe sipas asaj që raporton Calciomercato, ai ishte kontaktuar nga Chelsea dhe Napoli.
Trajneri italian i ka kthyer mbrapa që të dyja klubet, duke u thënë se ai tashmë ka një marrëveshje me Romën dhe se brenda disa ditësh do të jetë trajner i Romës.
Seria A
Interi tentoi Dzekon, ja reagimi i Romes
Sa herë që dalin lajmet se Edin Xheko mendon “divorcin” me Romën është Antonio Konte trajneri i parë në listë për të pasur nën urdhrat e tij boshnjakun.
Ndaj, pas krisjes së 34- vjeçarit me teknikun Fonseka, Interi provoi menjëherë të gjente një akord me kryeqytetasit, duke ofruar në shkëmbim Kristian Eriksenin.
Por, fakti që mesfushori danez fiton gati 8 milionë euro neto në sezon, shtyu Romën të refuzonte.
Seria A
Hap i rëndësishëm në karrierë, Selmani transferohet te klubi i Superligës turke
Portieri i Shqipërisë Gentian Selmani pritet të ndryshojë skuadër, por jo shtet. Gardiani i Menemensporit raportohet se ka arritur akordin me klubin e Superligës të Turqisë, Malatiaspor.
Lajmi raportohet në mediat vendase ku thuhet se për shkak të dëmtimit të portierit Ertaç Ozbir dhe mosbesimit ndaj gardianit rezervë Abdulsamed, Malatiaspori po negocion me ish-portierin e Laçit, i cili ka kënaqur drejtuesit me paraqitjet e tij.
Duke parë situatën në të cilën ndodhet, Malatiaspori nuk dëshiron të rrezikojë sezonin dhe është gati të bëjë një “sforco” financiare për Selmanin. Po sipas mediave turke, zyrtarizimi i Selmanit si lojtari më i ri i Malatiasporit do të realizohet në një kohë të shkurtër.
Pas 4 viteve te Laçi, Gentian Selmani u transferua në verën e 2019-ës tëe Menemenspori. Ai ka zhvilluar deri tani 49 ndeshje me fanelën verdheblu. Gjatë verës, u shtua interesi nga klubet e Superligës së Turqisë dhe jashtë vendit.
Lajme të Rekomanduara:
Etrit Berisha drejt rikthimit në Serinë A, gardiani shqiptar merr ofertë nga…
Etrit Berisha është një portier për Serinë A. Për këtë janë të bindur jo vetëm te SPAL, por edhe në klubet e elitës, të cilët...
Hap i rëndësishëm në karrierë, Selmani transferohet te klubi i Superligës turke
Portieri i Shqipërisë Gentian Selmani pritet të ndryshojë skuadër, por jo shtet. Gardiani i Menemensporit raportohet se ka arritur akordin me klubin e Superligës të...
