Sport
Të martën hidhet shorti, një tjetër kompeticion zyrtar gati
Federata Shqiptare e Futbollit do të organizojë të martën në Tiranë hedhjen e shortit për edicionin e parë të “Kampionatit Kombëtar i Futbollit 5×5”, për herë të parë në këtë format në futbollin shqiptar. Shorti do të zhvillohet më 24 nëntor, ora 11:00, në sallën e konferencave të stadiumit “Air Abania”.
Siç edhe bënë me dije FSHF që është edhe organizatore e kompeticionit, në këtë edicion të parë do të marrin pjesë 120 skuadra, që janë regjistruar tashmë, ndërsa kampionati do të shtrihet në të gjithë vendin.
Skuadrat e regjistruara kanë të garantuara fushën e lojës, uniformat, topat e lojës, teksa ndeshjet do të gjykohen nga arbitra profesionistë, do të ketë mjekë e siguri si edhe trofe e premio financiare, që sigurohen të gjitha nga FSHF.
Sa i përket bonuseve, skuadra që shpallet kampione e Kampionatit Kombëtar të Futbollit 5×5 do të përfitojë një shpërblim prej 300,000 lekësh, kurse vendi i dytë fiton 100.000 lekë, kurse skuadra e renditur e para në kampionatin rajonal merr si shpërblim 75.000 lekë dhe 5 topa, ndërkohë që vendi i dytë i kampionatit rajonal fiton 25.000 lekë dhe 5 topa.
Kombëtare
VIDEO/ Shpërthejnë shqiptarët! Gjimshiti dhe Muriqi tundin rrjetën
Luhet në këto momente ndeshja mes Atalantës dhe Lacios, e vlefshme për çerekfinalen e Kupës së Italisë.
Mbrojtësi i Kombëtares, Berat Gjimshiti ka gjetur golin e parë sezonal, teksa ka shënuar dhe ka kaluar Atalantën në avantazh në minutën e 7’.
Megjithatë ky avantazh zgjati vetëm 10 minuta, teksa në minutën e 17’, një tjetër shqiptar vendosi baraspeshën. Vedat Muriqi, pas një krosimi perfekt të marrë nga e majta nga Açeri, gjuan bukur me kokë dhe e ndal topin në fundin e rrjetës.
Sport
Skënderbeu turpërohet në miqësore, e mposht edhe Maliqi
Si të mos mjaftonte vendi i fundit në kampionat, Skënderbeu zhgënjen edhe në takimet miqësore. Korçarët e Juljan Ahmatajt u mposhtë ditën e sotme nga skuadra e Maliqit që militon në Kategorinë e Dytë në takimin e zhvilluar në qytetin e Korçës.
Pavarësisht se trajneri i skuadrës korçare, la pushim një pjesë të titullarëve, kjo humbje nuk i shkon fare përshtat një klubi të madh si Skënderbeu që disa vite më parë bënte krenar gjithë shqiptarët me paraqitjet në Ligën e Europës, ndërsa tashmë e mposht Maliqi.
Kujtojmë se në fundjavë Skënderbeu luan në kampionat me skuadrën e Kukësit në shtëpi. Një tjetër rezultat negativ në këtë takim do ti fundoste më tepër bardhekuqtë.
SKENDERBEU-MALIQI 0-1
FORMACIONET:
Skënderbeu: Rexhepi, Qaqi, Vitija, Tapi, Kacanolli, Kaso, Vangjeli, Zhan Viktor, Rrapaj, Shabani, Tereziu.
Maliqi: Lamellari, Ndoci, Çelniku, Isufi, Rezhda, Jaupllari, Muçollari, Avdillari, Tako, Kame, Demollari.
Sport
Panik tek skuadra e njohur, trajneri dyshohet të ketë infeksion respirator
Ankth për skuadrën e Benfikës, ku trajneri Zhorzh Zhezus është në dyshim të infeksionit të frymëmarrjes.
Klubi nga Lisbona thekson se nuk ka asgjë për tu shqetësuar por ende nuk dihet origjina e kësaj infeksioni.
Këtë lajm e ka publikuar vetë klubi luzitan e cila thekson për këtë infeksion të mundshëm të trajnerit të saj.
Vlen të theksohet se është anuluar dhe konferenca për shtyp e trajnerit në prag të sfidës së Kupës së Portugalisë ndaj Belenenses.
KOMUNIKATA ZYRTARE E BENFIKËS –
“Benfika raporton se trajneri, Zhorzhe Zhezus ka qenë duke kryer teste mjekësore gjatë gjithë ditës.
Ekziston mundësia e një infeksioni të frymëmarrjes, origjina e të cilit aktualisht po shqyrtohet.
Benfika sqaron se situata nuk është serioze, megjithatë, merret vendimi i anulimit të konferencës për shtyp të planifikuar për sot, duke paraparë ndeshjen e çerekfinaleve të Kupës së Portugalisë.”
Lajme të Rekomanduara:
E dhimbshme/ Trajneri i njohur shqiptar humb bashkëshorten
Trajneri i Lushnjës, Ilir Gjyla është duke u përballur me një dhimbje të madhe, pasi ditën e sotme ka ndërruar jetë bashkëshortja e tij, Ardita....
Kalendar ferri për Skënderbeun, shikoni me kë luajnë korçarët në 3 ndeshjet e ardhshme
Skënderbeu barazoi dje 1-1 me Apoloninë, në një 90 minutësh që mund ta fitonte. Gjithsesi, gjërat nuk shkuan mirë, e kështu duhet të kënaqen me...
