Connect with Us

Studiuesit: 90% efektshmëri me vaksinën e AstraZenecas, të Universitetit të Oksfordit

Bota

Studiuesit: 90% efektshmëri me vaksinën e AstraZenecas, të Universitetit të Oksfordit

Publikuar

-

Shkencëtarët e kompanisë farmaceutike AstraZeneca dhe Universitetit të Oksfordit shprehen shumë entuziastë për vaksinën e tyre kandidate. Sipas studiuesve, vaksina e tyre ofron jo vetëm efektshmëri të lartë në parandalimin e sëmundjes, por gjithashtu prodhohet me kosto më të ulët dhe mund të transportohet më lehtë se vaksina konkurrente e kompanisë Pfizer:

Grupi i punës i Universitetit të Oksfordit dhe kompanisë AstraZeneca njoftoi të hënën se vaksina është jo vetëm e efektshme kundër përhapjes së infeksionit, por gjithashtu nuk ka pasoja anësore shqetësuese.

Faza e tretë e provave tregoi se vaksina është 90% e efektshme nëse bëhet me gjysmë doze fillimisht dhe pasohet me një injeksion të dytë me një dozë të plotë.

“Ajo që është interesante, në provat tona doli me një efektshmëri prej 70%, por kur i analizuam të dhënat më me kujdes pas administrimit të dy dozave të ndryshme me vaksinë, del se njëra metodë që përdor fillimisht një gjysmë doze, ka një efektshëri prej 90% përkundrejt efektshmërisë prej 62% nëse përdorim dy doza të plota. Metoda me gjysmë doze fillestare në fakt tolerohet edhe më mirë nga organizmi. Nga analiza duket se vaksina ka ndikim edhe tek të infektuarit që nuk shfaqin simptoma, pra ndikon tek transmetimi i virusit,” thotë Andrew Pollard, drejtor i grupit të punës për vaksinën në Universitetin e Oksfordit.

Vaksina e Universitetit të Oksfordit do të kishte efektshmëri edhe më të lartë nëse maten vetëm ritmet e suksesit për të parandaluar shtrimet në spital apo rastet e rënda të sëmundjes.

Hapi tjetër do të jetë rishikimi i të dhënave që kanë ofruar studiuesit dhe procesi i autorizimit:

“Pritet të jepet një lloj autorizimi për përdorim emergjent, gjë që nënkupton se ata që vaksinohen do të mbahen nën mbikqyrje të kujdesshme për një periudhë kohe, për të parë se mos ka efekte anësore,” thotë David Nabarro, zyrtar në Organizatën Botërore të Shëndetësisë.

Ndërkaq, grupi i punës në Universitetin e Oksfordit thotë se vaksina prodhohet me kosto më të ulët se vaksinat e tjera konkurrente.

LEXO EDHE:  Kompania “Eli Lilly” ndërpret provat klinike për ilaçin kundër COVID-19

“Qeveritë do ta blejnë vaksinën dhe do t’ua ofrojnë popullatave të tyre, por edhe Aleanca Globale për Vaksina do të marrë vaksina për t’ua ofruar vendeve me të ardhura të ulëta. Vaksina prodhohet me një kosto jo shumë të lartë,” thotë Sarah Gilbert, kryesuese e studimit për vaksinën në Universitetin e Oksfordit.

Sarah Gilbert, kryesuese e studimit për vaksinën në Universitetin e Oksfordit thotë se gjatë periudhës së pandemisë grupet që punuan për prodhimin e saj nuk do të sigurojnë fitime, gjë që do të mundësojë një çmim të ulët për vaksinën.

Sipas studiuesve, kompanitë prodhuese kanë tashmë gati sasi të mëdha për ta hedhur në përdorim të gjerë.

Besojmë se kjo do të jetë vaksina më e lirë që do të hidhet në përdorim. Po ashtu kemi arritur diçka mjaft të rëndësishme, ritme të prodhimit jo prej milionash, apo dhjetëra milionash, por prej qindra milionash. Një nga kompanitë prodhuese ka aktualisht 100 milionë doza gati për përdorim dhe sasia do të vazhdojë të shtohet,” thotë Adrian Hill me Institutin Jenner të Universitetit të Oksfordit.

Studiuesi Andrew Pollard thotë se nuk e kanë ende të qartë nëse virusi do të shfaqë mutacione dhe mund të bëjë të domosdoshme vaksinimin çdo vit, duke shtuar se nevojiten studime të mëtejshme për kohëzgjatjen e efektit mbrojtës të vaksinës./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Situatë shqetësuese në shtetin fqinj/ Regjistrohen 347 raste të reja, shkon në 2800 numri i viktimave

Publikuar

-

Nga

Maqedonia e Veriut ka regjistruar të shtunën 11 viktima nga koronavirusi i ri, që shkakton sëmundjen COVID-19, duke e çuar numrin e përgjithshëm të viktimave në 2,799.

Shumica e viktimave janë regjistruar në Shkup.

Viktima e reja janë, pesë në Shkup (35,65,74,75,81 vjeç) ndërsa nga një viktimë është regjistruar në qytetet e Shtipit (80), Velesit (82), Strumicës (78), Kavadarit (55) dhe Pehçevës (93).

Të dhënat e publikuara nga Ministria e Shëndetësisë njoftojnë edhe për 347 raste të reja të të infektuarve si dhe për 378 të shëruar, numri më i madh i të cilëve është në qytetin e Shkupit.

Raporti i Ministrisë i referohet testimit të 2,013 mostrave në laboratorët shtetërorë dhe privatë të këtij vendi.

Që nga paraqitja e rastit të parë të infektimit me koronavirus në Maqedoninë e Veriut, me COVID-19 janë diagnostikuar 90,471 persona.

Prej tyre 11,269 raste janë ende aktive ndërsa 76,423 persona janë shëruar.

LEXO EDHE:  “Vaksina gati në shtator”/ OBSH i kërkon Rusisë të respektojë udhëzimet për prodhimin e saj

LEXO EDHE:  Dy të infektuar në Shkodër/ Infermieri dhe efektivi i FNSH-së konfirmohen me koronavirus

Ulja e numrit të të sëmurëve me COVID-19 ka bërë që qeveria të vazhdojë me masat lehtësuese, përfshirë edhe punën e administratës, e cila nga 1 shkurti do t’i rikthehet normalitetit, përkatësisht të gjithë punonjësit e saj do të kthehen në vendet e punës.

“Duke qenë se numri i të infektuarve ka rënë, nga 1 shkurt 2021 të gjithë punonjësit e administratës do të kthehen në vendet e tyre të punës, me orar të plotë”, thuhet në njoftimin e qeverisë, e cila kërkon mendim nga Komisioni i Sëmundjeve Infektive nëse nga ky vendim mund të lirohen kategoritë e rrezikuara, të sëmurët kronikë dhe të moshuarit.

Në kuadër të masave lehtësuese, objektet e gastronomisë, restorantet e objektet tjera shërbyese kanë zgjatur orarin e punës deri në orën 21:00 ndërsa nga 28 janari ato do të mund të punojnë deri në orën 23:00.

LEXO TE PLOTE

Kosova & Rajoni

Mos-certifikimi i listave të kandidatëve/ Vjosa Osmani: Pati presione, vendim i paprecedentë

Publikuar

-

Nga

Mos-certifikimi i listave të kandidatëve, Vjosa Osmani: Pati presione, vendim i paprecedentë

Presidentja në detyrë e Kosovës, Vjosa Osmani komentoi të shtunën përmes një video-mesazhi në Facebook vendimin e Komisionit Qendror të Zgjedhjeve për të mos-certifikuar listat e kandidatëve për deputetë të disa prej partive kryesore të vendit.

Teksa u bëri thirrje qytetarëve për të ruajtur qetësinë, Osmani foli për “agjenda partiake” nga ana e anëtarëve të KQZ-së dhe u kërkoi këtyre të fundit “të mos abuzojnë” me Komisionin pasi në të kundërtën do të detyrohet të ndërmarrë masa.

“Në rast se përballemi me situata të tilla ku abuzohet me KQZ-në për të shtyrë përpara agjenda partiake nga ana e anëtarëve të KQZ-së do të detyrohem që të ndërmarr të gjitha masat për integritetin e KQZ-së dhe procesit zgjedhor,” – tha Osmani gjatë konferencës, ku në tërësi vëmendjen kryesore e pati për punën vjetore të prokurorëve.

Presidentja në detyrë e Kosovës e konsideroi të papranueshme vendimin e KQZ-së për të mos-certifikuar disa prej listave të kandidatëve duke shtuar se paralelisht ka pasur presione politike.

LEXO EDHE:  Një vaksinë e re mund të ulë nivelin e kolesterolit në gjak

LEXO EDHE:  Konfirmohen katër raste të reja me koronavirus në Durrës

“Ajo çfarë kemi parë dje në KQZ ka qene paprecedentë, e pahijshme dhe e papranueshme për një institucion që duhet të bëj çmos që ta mbrojë integritetin. Në transmetime të drejtpërdrejte u bë presion marramendës nga Drejtorit të Zyrës për Certifikimin e Subjekte Politike si dhe u tolerua dhe u ushtrua presion ndaj drejtorit të kësaj zyre,”  – u shpreh Osmani duke kujtuar se anëtarët e KQZ-së janë betuar të kryejnë detyrat në mënyrë të paanshme.

KQZ vendosi të premten të mos miratonte listat zgjedhore të Vetëvendosjes, Nismës Socialdemokrate dhe Aleancës për Ardhmërinë e Kosovës kjo me argumentin se në to përfshiheshin persona të dënuar me vendim të prerë tre vitet e fundit./euronews

LEXO TE PLOTE

Bota

Situata nga Covid/ Afër 100 milionë raste me koronavirus në shkallë globale

Publikuar

-

Nga

OBSH bën bilancin “e errët”/ Shkon mbi 61 milionë numri i të infektuarve

Bota po i afrohet shifrës prej 100 milionë rastesh të diagnostikuara me koronavirus. Universiteti Johns Hopkins njoftoi sot se numri i të infektuarve i ka kaluar 98 milionë vetë dhe se COVID-i ka shkaktuar mbi 2 milionë vdekje.

“Për momentin, virusi ende e kontrollon lojën, por kemi futur dy lojtarë të mirë: vaksinën dhe stinën e pranverës që afron,” tha një zyrtare belge duke folur për situatën në vendin e saj.

Ekspertët shpresojnë se me ngrohjen e motit në hemisferën veriore, do të ulet vala e infeksioneve. Belgjika ka afro 690,000 raste të konfirmuara dhe mbi 20,000 viktima nga COVID-i. Autoritetet kineze kanë mbyllur pjesërisht një lagje në Hong Kong. Zyrtarët thonë se po testojnë çdo individ në lagjen Jordan në një nga zonat më të populluara të Hong Kongut. Deri tani në këtë territor janë regjistruar më pak se 10,000 raste.

Në Gjermani zyrtarët thanë të premten se megjithëse numri i viktimave kapërceu 50,000 vetë, ritmet e përhapjes së infeksionit janë në rënie. Po të premten, vendet evropiane u tronditën nga njoftimi i kompanisë farmaceutike AstraZeneca se nuk do të arrinte të përmbushte premtimet për dërgimin e sasisë fillestare të vaksinave.

Kompania njoftoi përmes një deklarate se si rezultat i problemeve në sistemin e furnizimeve, nuk ka arritur të prodhojë ende sasinë e parashikuar. Edhe kompanitë Pfizer dhe BioNTech kanë njoftuar vonesa në përmbushjen e dërgesave të premtuara gjë që po ngadalëson ritmet e vaksinimit. Në Shtetet e Bashkuara, Presidenti Joe Biden ka nënshkruar urdhra të rinj ekzekutivë për të ndihmuar amerikanët e goditur rëndë ekonomikisht nga pandemia.

LEXO EDHE:  Një vaksinë e re mund të ulë nivelin e kolesterolit në gjak

LEXO EDHE:  Një vaksinë e re mund të ulë nivelin e kolesterolit në gjak

Ndërkaq të premten, gjigandi i shitjeve me pakicë Walmart tha se po përgatitet të zgjerojë operacionet e tij për vaksinim. Walmarti ka një rrjet të gjerë farmacish përmes dyqaneve të tij në të gjithë vendin. Kjo kompani deri tani ka ofruar vaksinime për punonjësit e shëndetësisë në shtetet Nju Meksiko dhe Arkansa dhe planifikon t’i zgjerojë vaksinimet edhe në të paktën shtatë shtete të tjera.

Fushata e vaksinimeve në SHBA ka hasur në disa probleme përfshirë në infrastrukturën e shpërndarjes, dështime institucionale si dhe mungesa në furnizimet me vaksina duke anuluar planet për imunizim të shumë amerikanëve./VOA

LEXO TE PLOTE