Kosova & Rajoni
Rëndohet situata nga koronavirusi/ Mali i Zi vendos orën policore
Mal i Zi ka vendosur orën policore. Institucionet shtetërore bëjnë me dije se është ndaluar dalja nga ora 19:00 deri në 05:00 të mëngjesit.
Është vendosur dhe shkurtimi i orëve të punës në njësitë e hotelerisë dhe shërbimeve. Zbatimi i masave do të nisë të mërkurën dhe do zgjasin deri më 8 dhjetor.
“U bëjmë thirrje qytetarëve të respektojnë plotësisht të gjitha masat sepse është mënyra e vetme për të luftuar përhapjen e koronavirusit.
Duke marrë parasysh situatën shëndetësore, vlerësojmë se sistemi ynë shëndetësor, falë planifikimit të mirë është ende në gjendje ta përballojë”, thanë institucionet shëndetësore në Malin e Zi.
Këto masa të reja kanë ardhur në sajë të shifrave alarmante të koronavirusit që po regjistrohen çdo ditë në Mal të Zi. Deri më tani më shumë se 31 mijë persona janë konfirmuar pozitiv me Covid-19./CNA.al
Kosova & Rajoni
Covid-19 në Maqedoninë e Veriut/ Regjistrohen mbi 400 raste të reja
Ministria e Shëndetësisë së Maqedonisë së Veriut bën të ditur se gjatë 24 orëve të fundit janë realizuar 2518 testime.
Nga këto testime, bëhet me dije se 444 persona janë diagnostifkuar me koronavirus.
Konkretisht në Shkup janë regjistruar 209 raste, në Kumanovë 26, në Tetovë 13, në Prilep 5, në Gostivar 12, në Shtip 8, në Manastir 8, në Veles 26, në Ohër 26, në Strumicë 8, në Kavadarc 32, në Strugë 11, në Kërçovë 10, në Sveti Nikollë 1, në Gjevgjeli 3, në Resnjë 1, në Kriva Pallankë 3, në Radovish 5, në Dellçevë 16, në Probishtip 3, në Vinic 3, në Demir Hisar 1, në Makedonski Brod 2, në Bogdanc 2, në Kratovë 3, në Demir Kapi 6 dhe në Pehçevë 1.
Gjithashtu në 24 orët e fundit Instituti i Shëndetit Publik ka regjistruar 894 pacientë të shëruar nga Covid-19, ndërsa 21 pacientë nuk kanë mundur të fitojnë betejën me Covid-19./ CNA.al
Kosova & Rajoni
Zgjedhjet në Kosovë/ Merret vendimi për Albin Kurtin
Paneli Zgjedhor për Ankesa dhe Parashtresa la jashtë zgjedhjeve Albin Kurtin dhe 4 kandidatët e tjerë të LVV Albulena Haxhiu, Liburn Aliu, Bajram Mavriqi dhe Labinot Demi Murtezi për zgjedhjet e 14 shkurtit.
Por kreu i LVV ka dhe një shans, ai është që të ankohet në Gjykatën Supreme. Këtë veprim LVV duhet ta bëjë brenda 24 orëve, dhe vendimi del brenda 3 ditëve.
Kurti bashkë me një sërë kandidatësh për deputetë nuk janë certifikuar pasi në 3 vitet e fundit kanë pasur dënim me vendim të formës së prerë.
Vetëvendosja në listën e saj për deputetë kishte caktuar Kurtin të parin, si dhe kandidat për kryeministër, por duket se ai nuk do të jetë pjesë e listës në rast se nuk bën apel në Gjykatën Supreme./CNA.al
Kosova & Rajoni
Bilanci i 24 orëve në Kosovë/ Bien shifrat e viktimave e të infektuarve me Covid
Gjatë 24 orëve të fundit, në Kosovë janë regjistruar pesë viktima nga koronavirusi.
Instituti Kombëtar i Shëndetësisë Publike (IKSHPK) në raportin ditor thotë se bazuar në testimin e 1.842 mostrave janë shënuar edhe 288 raste me COVID-19. Sëmundjen e kanë mundur edhe 256 pacientë ndërsa raste aktive aktualisht janë 5.879.
Prej 13 marsit 2020, kur janë regjistruar rastet e para me koronavirus në Kosovë, autoritetet shëndetësore kanë raportuar për 58.687 të prekur nga sëmundja COVID-19. Prej tyre 1.471 pacientë kanë humbur jetën ndërsa 51.337 janë shëruar./CNA.al
Lajme të Rekomanduara:
Zgjedhjet në Kosovë/ Merret vendimi për Albin Kurtin
Paneli Zgjedhor për Ankesa dhe Parashtresa la jashtë zgjedhjeve Albin Kurtin dhe 4 kandidatët e tjerë të LVV Albulena Haxhiu, Liburn Aliu, Bajram Mavriqi dhe...
Bilanci i 24 orëve në Kosovë/ Bien shifrat e viktimave e të infektuarve me Covid
Gjatë 24 orëve të fundit, në Kosovë janë regjistruar pesë viktima nga koronavirusi. Instituti Kombëtar i Shëndetësisë Publike (IKSHPK) në raportin ditor thotë se bazuar...
