Real Madrid përmes një komunikate për shtyp ka njoftuar se Zinedine Zidane është infektuar me COVID-19.

Një ditë përpara ndeshjes ndaj Alaves të vlefshme për La Liga, ka njoftuar se do të jenë pa trajnerin e tyre.

Ndihmës trajneri i Los Blancos, Bettoni, ka dal në konferencën për media që ishte paraparë të mbahej sot nga Zidane.

Ai njoftoi se Zidane është në vet-izolim dhe është duke u ndjerë mirë.

Marselo dhe Isko kanë qenë prej kohësh në qendër të kritikave të tifozëve të Realit dhe të mediave spanjolle për ecurinë e tyre me skuadrën e Zidanit, por duket sikur me eliminimin nga Kupa e Mbretit e mbyllën aventurën e tyre me këtë skuadër.

Kamerat e “El Chiringuito”-s kanë kapur momentin kur dy lojtarët kanë shkëmbyer batuta dhe kanë qeshur me njëri-tjetrin në një situatë që, në fakt, nuk ishte aspak për humor dhe ekipi i Realit po rrëshqiste drejt greminës.

Ata të dy janë senatorët e këtij klubi dhe duhet që të merrnin përsipër fatet e skuadrës, por nuk ia dolën që të ndryshonin ndeshjen dhe dështuan si gjithë të tjerët. Marselo gjithashtu ka akuzuar Viniciusin në momentin e golit të pësuar, por në fakt të gjithë ishin të papërqendruar në ato momente.

Keidi Bares i kanë mjaftuar pak muaj në radhët e Espanjol për t’u kthyer në një nga emrat më të lakuar të klubit katalanas. Pas një fillimi të vështirë, ai është kthyer në një element kyç për mesfushën e kësaj skuadre që duket në rrugën e duhur për tu kthyer në La Liga.

Por mediat katalanase raportojnë se sido që të shkojnë gjërat, për Baren ky ndoshta është viti i fundit që luan në kategorinë e dytë, pasi ka interes konkret nga klubet elitare, në Spanjë dhe Itali. Disa skuadra e kishin kërkuar që në verë futbollistin, kur Espanjol pagoi 2 milionë euro për ta blerë nga Malaga.

Edhe pse ishte blerja më e shtrenjtë e verës, numri i madh i lojtarëve në përbërje nuk e lejonte në bazë të rregulloreve ta regjistronin mesfushorin përfaqësues dhe disa ekipe, si Parma, Specia e Piza në Itali, kërkuan të huazonin me të drejtë blerje futbollistin e përfaqësueses shqiptare. Oferta të ngjashme erdhën edhe nga klube spanjolle.

Sipas “La Grada”, gazetë e cila shkruan vetëm për Espanjol, klubi refuzoi këto kërkesa, pasi ishte I sigurt se mund të regjistronte futbollistin, ashtu siç ndodhi. Një bast i fituar pasi tani Bare është i palëvizshëm në radhët e kësaj skuadre. Por kjo nuk ka zbehur interesin për të, përkundrazi. I njëjti burim sqaron se kontaktet mes palëve vazhdojnë, edhe pse nuk është bërë asnjë ofertë zyrtare. Megjithatë, tani Espanjol e di mirë se çfarë ka në dorë dhe i ka vendosur Bares një çmim shumë të lartë si klauzolë largimi, 10 milionë euro, duke bërë të qartë se nuk e shet poshtë kësaj shume.