Connect with Us

Nga Belind Këlliçi/ Si fillon e si mbaron, voton për ndryshim, del Erion

Opinione

Nga Belind Këlliçi/ Si fillon e si mbaron, voton për ndryshim, del Erion

Publikuar

-

Belind Këlliçi: Prilli nuk është ditë votimi, është ditë ndryshimi

Peza ka qenë rezidenca e Ramës në kohën kur, si kryebashkiak, e mbushi Tiranën me pallate kuturu, ca jeshilë e ca çiklaminë, pa respektuar asnjë distancë, plan urbanistik e hapësirë rrethuese.

I vetëdijshëm se betonizimi i Tiranës po sillte ndotje e kaos, kryebashkiaku i atëhershëm Rama zgjodhi gjelbërimin e Pezës për arsyen e thjeshtë se në Tiranë mungonte. I vetmi kryebashkiak, rast unikal, që nuk banoi në qytetin që e zgjodhi në krye.

Betonin për ju, gjelbërimin për vete.

Me urdhër të Sekretarit të I-rë të PPP-artisë, shokut Edi, Peza bëhet nuse një herë në vit. Festa e shtatorit rishfaq pionerët e rinj shallekuq të Enverit, ku me qofte tymi e arka birrash, i këndohet epopesë së lavdishme të tollonit, furnelave të vajgurit dhe radhëve të qumështit. Festohet tejkalimi i rendimentit në konçensione dhe realizimi i pllanit 4-vjeçar që e rendit Shqipërinë krahas Nigerisë, Republikës Domenikane dhe Sirisë, në “dëshirën dëshpërimisht të madhe për të emigruar”. Arritje këto që Bashkimi Europian refuzon t’i shohë përderisa negociatat me Shqipërinë ende nuk janë hapur.

Tradita vazhdon me kryebashkiakun aktual Veliaj.

Shoku Eri, që dje organizonte protesta kundër qeverisë socialiste Nano, sot shfaqet ultra-socialist. Ai që në vitin 2009, me partiçkën e tij G-99 kërkonte votën e të rinjve, se sipas tij “socialistët ishin shumë demode”, sot është më socialist se Lenini.

Erioni që akuzonte politikën e vjetër për lidership arkaik, me t’iu dhënë mundësia, e vendosi veten në krye të listave të G-99 në të 12 qarqet e vendit, pa respektuar asnjë normë demokratike të konkurimit brenda-partiak. Kaq i dashur ishte Veliaj për shqiptarët sa që mori veçse 0,6% të votave në rang kombëtar.

I bindur se me siglën “Erion Veliaj” nuk hynte as në oborrin e parlamentit, Veliaj mendoi t’i bashkohej PS-së, duke ndjekur të njëjtat makinacione makiaveliste si sponsori i tij politik Rama, që hynte e dilte nga selia e PS-së si “i pavarur”.

LEXO EDHE:  "Mashtrues, plehrë, i ndyrë"/ Qytetarët i tregojnë vendin Erion Veliajt

Gdhihu Mjaftist, ngrysu Socialist.

Për dyfytyrëshin Veliaj, Peza është “rroftë sebepi” që socialistët të shohin tek ai udhëheqësin e ri të partisë. I vetëdijshëm për rrotacionin e 25 prillit, Veliaj i ka vendosur energjitë e tij në luftën e brendshme për të zëvendësuar Edi Ramën. Të dy shfaqen përkrah njëri-tjetrit, qeshin e përqafohen, porsi byroistët e djeshëm kur Shqipëria kishte marrë tatëpjetën.

Ndërkaq Veliaj vijon të shtojë radhët e rrogëtarëve fiktivë në Bashkinë Tiranë, i dijshëm se bashkia do të mbetet kështjella e tij edhe 2 vjet pas kalimit të PS-së në opozitë më 25 prill. Do të mjaftonte vetëm një javë pa rrjete sociale dhe filmime 3D, që makineria e propagandës Veliaj të shkërmoqej njëherë e përgjithmonë.

Ndërkohë që Shqipëria lufton me Covid-19, Veliaj evokon ndjenjat revolucionare të pseudo-veteranëve që, edhe pse të lindur pas lufte, vazhdojnë të përfitojnë para nga taksa-paguesit, falë statusit të veteranit.

Me morgun plot, borxhin në majë, dhe numrin e testimeve më të ulët në Europë, vendi ynë po prek fundin. 25 prilli është një mundësi e artë për të ngritur Shqipërinë dhe për të dënuar betono-maninë./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Andi BUSHATI/Mos dëgjoni përgjimet, besoni sondazhet

Publikuar

-

Nga

Andi Bushati nuk përmbahet/ “Deputetët e opozitës janë sharlatanë, letër higjenike e Ramës”

Ky mandat i dytë i rilindjes po mbyllet ashtu sikurse filloi: me përgjime që vërtetojnë atë që në fakt dihet botërisht.

Skandali i lidhjes së Saimir Tahirit me grupin trafikant të Habilajve shërbeu vetëm për të na dhënë provën se kultivimi dhe eksportimi i hashashit ishte kthyer në një biznes qeveritar.

Publikimi nga Bild, i dëshmive të grabitjes së votave në Durrës dhe Dibër, na shpjegoi se si arriti Edi Rama ta mbajë i vetëm tepsinë në duar.

Po kështu, edhe përgjimet e fundit të eksponentëve të Ndraghetas italiane nxorën në dritën e diellit pastrimin e parave të mafias me kullat që po ngrihen në qendër të kryeqytetit, 20 përqindshin që merret për çdo leje të re ndërtimi, shumat që duhen për të korruptuar një ministër apo një kryepolic, etj.

Natyrisht edhe në këtë rast, avokatia e mbrojtësve të qeverisë do të jetë e ngjshme me teknologjinë që kanë përdorur më parë, se përgjimet nuk përbëjnë prova, se besueshmëria e fjalëve të mafiozëve nuk duhet marrë për bazë, se këto janë goditje nën brez, në prag të një fushate elektorale.

Por, po të dëgjohen me vëmendje bisedat e ndraghetisëve ato duken qartë se nuk janë aq në ajër. Ata përmendin një biznesmen real, i cili siç po vërtetohet përditë e më shumë ka lidhje të forta me pushtetin dhe ka marrë shumë para publike pa garë prej tij. Pra, mafiozët kalabrezë nuk flasin dhe aq kot, ata e dinë gjendjen e lejeve të ndërtimit, tregun real të tyre, kostot dhe çmimet e shitjes, madje e kanë gjetur edhe çelsin për të depërtuar në botën e nëndheshme të vendimmarrjes shqiptare.

Në këtë këndvështrim edhe përgjimet e fundit italiane na përplasin para syve fabulën që e përshkruan më mirë se çdo gjë tjetër aventurën e rilindjes në pushtet: shkeljen e ligjit për të grabitur dhe pastaj grabitjen e zgjedhjeve për ti shpëtuar ligjit.

Por, puna është se rilindasit po lëvizin ç’do gur për të mos u identifikuar më këtë imazh ulëritës për këdo që ka veshtë të dëgjojë. Ata nuk duan të pranojnë se ky tetëvjeçar ka qenë një dështim katastrofal: Se gënjyen me gjithçka që premtuan në 2013, qoftë për papunsinë, qoftë për reduktimin e pabarazisë, qoftë për sjelljen e investimeve të huaja, qoftë me buxhetin për arsimin, qoftë me hapjen e negociatave. Ata refuzojnë të pohojnë se qenë të paaftë të absorbonin 1 miliardshin e donacioneve dhe kredive për rindërtimin, që e shitën si sukses faraonik. Ata nuk janë në gjendje të ndërgjegjësohen se jemi vendi i fundit i rajonit që dhamë ndihmën më të vogël ekonomike për frymë dhe s’qemë në gjendje të ofrojmë kurrë paketën e tretë, për ata që u rrënuan ekonomikisht nga efektet e pandemisë.

I gjithë ky bilanc asgjesues, i ndërthurur edhe me skandale kriminale apo financiare, është i pa përballueshëm në një debat publik normal, ku duhet të diskutohen në mënyrë racionale të arriturat dhe mosrealizimet e forcës politike që ka qeverisur vendin.

LEXO EDHE:  Tahiri “zhvishet” nga mandati i deputetit/ Këlliçi:U legjitimuan akuzat e Opozitës

LEXO EDHE:  Marrëveshja për Teatrin Kombëtar/ "Shpërthen" Neritan Liçaj

Pikërisht për ti shpëtuar kësaj përballjeje socialistët kanë shpikur në prag të kësaj fushate një truk të ri: përmbytjen e opinionin me sondazhe të reme.

Në këtë kuptim, testimet e opinionit nga “kompanitë e mëdha”, që kanë mbirë si kërpudhat pas shiut në të gjitha TV Shqiptare, janë një kopje e keqe e taktikës që Rama përdori në 2017, për të bërë fushatë me dajre dhe çitjane. Qëllimi i tyre është që të shmangin bilancin real, për tu marrë me mirazhin e diçkaje që nuk ekziston. Synimi i tyre është që ti pengojnë qytetarët të gjykojnë për atë që kanë ndjerë mbi kuriz, për atë që kanë parë me sy, duke i bërë të joshen nga të qenit pjesë e një shumice inekzistente që ekziston vetëm në propagandën rilindase.

Se si po ndodh kjo në praktikë është e lehtë të tregohet. Disa TV janë treguar të gatshme të publikojnë sondazhe që i vijnë direkt e nga zyra e shtypit e kryeministrit. Disa të tjerë, me më shumë skrupuj, e fshehin goditjet ndaj pushtetit përmes manipulimit të numrit të të pavendosurve dhe të atyre që refuzojnë të përgjigjen. Ndonjë i tretë pranon dhe ta anullojë fare rezultatin që ka paralajmëruar prej kohësh.

Po ti shtosh këtyre truqeve edhe dilemen mbi vërtetësisë së sondazheve në një mjedis aspak demokratik, ku njerëzit e paguajnë me vendin e punës bindjen e tyre politike apo kritikën ndaj qeverisë, është e lehtë të kuptohet çorba që po gatuhet.

Por, në këtë pikë rilindasve aq i bën. Ata po i shohin sondazhet si të vetmen mundësi për të mbuluar me një mjegullnajë imagjinare realitetin e trishtë me të cilin njerëzit po përballen përditë.

Ata duan të ngulin në kokën e gjithkujt, jo vetëm të atyre që i kanë ndjerë mbi shpinë mëkatet dhe gjëmat e pushtetit, por edhe të të tjetëve që i kanë parë me zë dhe më figurë skandalet e tij, se ata gabohen pasi në këtë vend janë pakicë.

Pikërisht, si rezultat i kësaj strategjie, ne do të gjendemi deri në 25 prill në një situatë paradoksale, ku sa më keq të shkojnë punët e qeverisjes, aq më lart do na shfaqen kuotat e Ramës në ekranet televizive. Qëllimi është i thjeshtë, që asksuh të mos reflektojë me mendje të ftohtë për atë që dëgjon në përgjime, por të ushqehet me realitetin virtual që fabrikojnë milionat e personazheve që i kemi dëgjuar të ndajnë paratë me Habilajt, Avdylajt apo Nraghetën./LAPSI

LEXO TE PLOTE

Opinione

Nga Kastriot Myftaraj/Boll më! Votoni Monën dhe Lulin

Publikuar

-

Nga

Ne zgjedhjet e 25 Prillit qytetareve shqiptare, i duhen dhene nga Opozita zgjidhje politike e ndryshime te thella ne qeverisjen e ardhshme dhe jo vetem nje rotacion pushteti por shprese per një te ardhme me te mire, per nje politike te drejte ne sherbim te njerezve, per mireqenien e tyre dhe te familjeve, por mbi te gjitha populli ka nevoje per Shpresë, shkruan Kastriot Myftaraj në rrjetet sociale.

 

Më tej gazetari i trafikantit të drogës Xhemail Pasmaçiu i njohur si Ylli Ndroqi thekson,  Sekti i Rilindjes se krimit dhe korrupsionit, ortaket e Ndraghetas dhe mafies rajonale, qeverise me te keqe dhe antikombetare qe kemi pasur ndonjehere duhet tu vije fundi sa me shpejt dhe me nje vote masive te qytetareve kunder tyre, keto jane e keqja e madhe dhe shkaterrimi i ekonomise, drejtesise, shendetesise dhe simboli i propagandes me suksese imagjinare dhe me lugen bosh ne familjet shqiptare.

Rilindja e shkaterrimit ekonomik dhe social, e arrogances dhe perbuzjes ndaj njerezve dhe kritikeve te politikave te demshme per shtetin e vendin do marrë nje pergjigje spektakolare nga populli shqiptar.

Boll më!

 

Më tej duke debatuar me komentuesit, Myftaraj shkruan: jo, te rrije Enveri, Edi e Taulanti…krimi e korrupsioni, varferia.

 

LEXO EDHE:  Bie maska e “lali Erit”/ PD zbardh skemën mashtruese të kryebashkiakut të Tiranës

LEXO EDHE:  "Mashtrues, plehrë, i ndyrë"/ Qytetarët i tregojnë vendin Erion Veliajt

Vazhdoni me saliun ju mbas 8 vjetesh, te vije opozita dhe rinia dhe te votohet Opozita e bashkuar me shumice per te hequr kancerin e tmershem qe po perhapet perdite nga Sekti i hajduteve, mafias, korrupsionit dhe krimit te organizaur qe perfaqesohet nga enveri, Edi, Erioni i Ndranghetas dhe taulanti.

Keto jane te marre fund se popullit ja kane sjell aty ku nuk mban me.

Votat kunder Rilindjes nga gjithe shqiptaret.

LEXO TE PLOTE

Opinione

A mund ta ndalim degradimin e demokracisë shqiptare?!

Publikuar

-

Nga

A mund ta ndalim degradimin e demokracisë shqiptare?!?

Nga: Bislim Ahmetaj

Në vitin 91 pati votime të drejta por jo të ndershme dhe fitoj frika.

Në vitin ’92 ka pas votime të drejta dhe demokratike dhe ka fituar e drejta.

Në vitin 96 kishte votime të rregullta por pa kundërshtarë dhe s’fitoj askush.

Në vitin 97 votimet u banë më grykën e pushkës njëlloj  si në 44-46-n dhe fitoj vdekja.

Nga viti 2001 dhe deri sot votimet janë kthye në biznes dhe zgjedhjet  i fiton ai që jep ma shumë, dhe i humb ai që blihet ma lirë.

Ka ardhë koha për një revizionim dhe vlerësim të votës dhe demokracisë.

Përndrysh “demokracia dhe vota  do të mbeten kafshatë që s’kapërdihet ma për shqiptarin”.

Koha është tani, nëqoftëse lëshojmë pe dhe shitemi e blihemi si të ishim gica Pashkësh apo kingja Bajrami edhe në këto zgjedhje të jeni të sigurtë që në Shqipëri do të lulëzoj demokracia  putino-erdokaniste.

E kam seriozisht, po ama shumë seriozisht.

Nuk është në pyetje kush i fiton zgjedhjet, është në pyetje sistemi demokratik dhe vota e lirë.

I  pabesueshëm  për shëndetin mendor të njerëzve normal është fakti që sipas shumë sondazheve  parti e parë vazhdon të jetë Partia e Punës së Shqipërisë.

LEXO EDHE:  Fakti/ Saimir Tahiri paralajmëroi ‘dorën e zezë’ të Ilir Metës

LEXO EDHE:  "Mashtrues, plehrë, i ndyrë"/ Qytetarët i tregojnë vendin Erion Veliajt

Kjo mund të jetë e vërtetë vetëm në rastin kur vota shndrrohet në mallë tregu.

Nuk është argument të mbështesësh një qeveri që ka shëmbur dhe rrënuar çdo kod moral dhe demokratik se s’kemi kujt tja japim votën.

Kemi kujt t’ja japim votën, të gjitha partitë që janë kundër Partisë së Punës së Rindërtuar janë njëqind herë më të mira se ajo .

Ndaj duhet të merrni frymë thellë para se të vendosni të shiteni apo të bliheni për një gic apo qingj.

Varfëria në asnjë kohë nuk e ka përcaktuar karakterin  e familjes shqiptare edhe pse ka qënë prezent historikisht në këtë vend. Shqiptari ka mbet i varfër edhe për arësyen që nuk është shitë e  ble si mall pazari.

Vota është karakter, vota është vlerë morale.

Vota është pushteti i vetëm e njeriut të ndershëm ndaj duhet ti japim vlerë asaj,  në mënyrë të veçantë kësaj rradhe që të mos të humbim edhe demokracinë edhe lirinë./CNA.al

LEXO TE PLOTE