Ecuria e Çelsit në këtë sezon ka lënë shumë për të dëshiruar. Blutë e nisën mirë sezonin, por ndeshje pas ndeshje erdhën vetëm zhgënjime. Edhe pse klubi investoi plot 220 milionë paund në merkato duke transferuar lojtarë si Verner, Havertz apo Zijek, sërish trajneri Frenk Lampard nuk ia doli të përfitonte.

Kështu, duke qenë se është bërë edhe trajneri me mesataren më të ulët për ndeshje (1.67) që nga koha kur Roman Abramoviç mori klubin në vitin 2003, ish-futbollisti do të mbajë të gjithë përgjegjësitë. Në Angli janë të sigurt se Lampard do të shkarkohet, edhe pse fitoi dje ndaj Luton në FA Cup, ndërsa në vendin e tij do të emërohet Tomas Tuhel.

Gjermani sapo u shkarkua nga PSG, megjithatë londinezët e shohin si njeriun e duhur për të menaxhuar grupin e futbollistëve, teksa mund t’iu marrë patriotëve si Verner dhe Havertz më të mirën.

Çelsi nuk ka vonuar të konfirmojë lajmin se Frenk Lampard nuk do të drejtë më “Blutë”. Në një komunikim të fundit zyrtar, klubi londinez konfirmoi se bordi drejtues i klubit së bashku me presidentin Roman Ambramoviç kanë vendosur të mbyllin sot bashkëpunimin me 42-vjeçarin.  Biznesmeni rus e konsideroi këtë vendim si një nga më të vështirët e jetës së tij.

“Ishte një vendim shumë i vështirë për klubin, sepse kam një raport personal të shkëlqyer me Frenkun. Ai është një njeri me integritet të lartë dhe ka vlerat më të mëdha etike të punës. Sidoqoftë në këto kushte, besojmë se mënyra më e mirë është të ndajmë rrugët”, shprehet presidenti i Çelsit, Roman Ambramoviç për vendimin e shkarkimit të Frenk Lampardit nga posti i trajnerit të “Bluve”.

Në 84 ndeshje në krye të Çelsit, Lampard fitoi 44 takime, barazoi në 17 sfida dhe humbi 23.

Mançester Junajtid ka arritur një tjetër fitore të rëndësishme përballë rivalëve historikë të Liveprulit, duke i eliminuar nga Kupa FA pas një ndeshje spektakolare mes dy skuadrave. Ky ishte nje rezulatat i rëndësishëm, që tashmë bën të qartë se për Liverpulin këtë vit ekziston vetëm kampionati dhe Liga e Kampioneve, me të parin që është komplikuar mjaft për momentin duke qenë jashtë podiumit.

Salah kaloi në avantazh Liverpulin, por talenti Grinud barazoi shpejt shifrat për të mbyllur pjesën e parë me rezultatin 2-1. Rashford ishte më pas ai që shënoi golin e avantazhit në fillimin e pjesë ssë dytë për “djajtë e kuq”, por Salah realizoi dygolëshin personal kur regjistrohej minuta e 59 e kësaj ndeshje e cila prodhoi në vijim raste të shumta nga të dy ekipet dhe një futboll me ritëm të lartë.

Për të zgjidhur duelin mendoi portugezi Buno Fernandes dhe jo me penalltinë e zakonshme. Ai ekzekutoi në mënyrë mjeshtërore një goditje dënimi duke dërguar sferën në rrjetë dhe duke i dhënë avantazhin 3-2 skuadrës së tij, shifra që rezistuan deri në vërshëllimën përfundimtare duke kaluar këtë skuadër në turin tjetër. /vipsport.al/