Politikë
Do japë dorëheqjen për të krijuar parti?/ Meta flet pa dorashka: Do bëj çdo gjë që kërkon populli
Presidenti Ilir Meta është pyetur mbrëmjen e sotme nëse do të japë dorëheqjen nga posti i Presidentit për të krijuar një parti të re që do të drejtohet nga vetë ai.
Meta tha se për interesin kombëtar do të bëjë çdo gjë. Kreu i Shtetit theksoi se në Abc News se do të bëjë çdo gjë që kërkon populli.
“Ilir Meta për interesin kombëtar do bëjë çdo gjë, edhe atë që nuk e ka menduar askush.
Nëse populli e kërkon, unë do bëj cdo gjë që kërkon populli shqiptar dhe që më thotë bindja ime”, u shpreh ai.
Ndërkohë, pyetjes nëse do të kandidojë në zgjedhjet e 25 prillit, Kreu i Shtetit iu përgjigj duke thënë se kjo nuk ka për të ndodhur.
“Nuk ekziston një mundësi e tillë. Të jenë të gjithë të qartë se deri në 26 prill Ilir Meta do jetë në detyrë dhe nuk do lejojë që në këtë detyrë Edi Rama të vendosë një kukull.
Ilir Meta ikën nga kjo detyrë dhe çdo detyrë kur populli shqiptarë të marrë vetë në dorë fatin e vet”, nënvizoi Presidenti./ CNA.al
Politikë
Politika në zi/ Ndërron jetë ish deputeti i Partisë Demokratike
Ka ndërruar jetë në moshën 78 vjeçare, ish deputeti i Partisë Demokratike Ahmet Osman Osja. Pinjolli i një prej familjeve më në zë të qytetin e Shkodrës, dha kontributin e tij në shumë fusha e kryesisht në ato të shkencës ku filloi punën si lektor në Universitet, diplomacisë dhe mësimdhënies.
U angazhua në proceset demokratike që në fillimet e saj dhe përfaqësoi të djathtët në legjislaturën e viteve 92 -96. U ba zani i fuqishëm të gjithëve atyre që i besuan votën duke e renditur ndër pesë deputetet më të votuar në Parlamentin e atyre viteve. Pati kurajon qytetare që në shumë seanca parlamentare jo vetëm të kërkoj të drejtat e individit por edhe të kërkoj me forcë miratimin e ligjeve per të drejtën e pronësisë, duke nxitur debatin dhe diskutimet e shumta.
Për punën e tij është vlerësuar me një sërë çmimesh si;
Mjeshtër i sportit në vite të Alpinizmit.
Mirënjohja e Qytetit të Shkodrës.
Urdhëri Naim Frashëri i kl. II .
Aktiviteti i tij shkencor u drejtua në fushën e biologjisë kryesisht në studimin e bimëve makrofite në ujërat e Liqenit të Shkodrës, Bimët e rralla, relikte, endemike në Alpet Shqipëtare, Alpet Ilirike dhe të maleve tjera Shqipëtare. Bimët mjaltoredhe mjeksore e aromatike të veriut. Shfaqi interes të veçantë për nyjen Hidrike të Veriut. Studioi ekosistemin ujor, Bunë- Dri – Kir dhe Liqenin e Shkodrës). I veçantë do të vlerësohet studimi i shndërimit të Lumit të Bunës në lum të lundrueshëm.
Është botues i disa librave me karakter shkencor dhe hulumtues si;
Botime librash
Në të fshehtat e Florës Shqipëtare
-Të reja në Floren e Alpeve Ilirike.
-100 lule, 100 bimë në Alpet Ilirike.
-Themelet e një Medreseje, bashkëautorë me Eljaz Krajen
“Bimët mjaltore të Postribës”
Është themeluesi dhe drejtuesi i parë medresesë “Haxhi Sheh Shamija”, ku vuri theksin për drejtimin në profilin shkencor të kësaj shkolle.
Shkodra humbi sot jo vetëm një njeri të dijes por edhe një ndër qytetarët më të denjë të saj./ CNA.al
Politikë
Pas takimit me Ramën/ Grenell “zbarkon” në zyrën e Metës
Presienti Ilir Meta ka takuar ish të dërguarin e SHBA-së për dialogun Kosovë-Serbi, Richard Grenell.
Meta shprehet se mbështet përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon.
Sipas presidentit kjo është e vetmja mënyrë për të garantuar mirëqënien për qytetarët dhe brezin e ri.
“Ishte kënaqësi të takoja këtë mëngjes Ambasadorin Grenell. Mbështes përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon, si e vetmja mënyrë për të garantuar mirëqenie për të gjithë qytetarët tanë dhe veçanërisht brezin e ri.
Përpara vizitës të tij në Jug të vendit i dhurova librin “Albania from the Air”, një botim i veçantë mbi mrekullitë natyrore shqiptare, pasi jam i sigurt se herën tjetër ai do të shpenzojë më shumë kohë për të eksploruar Shqipërinë tonë të bukur. 🇦🇱🤝🇺🇸”, shkruan Meta./ CNA.al
Politikë
Situata e zjarreve në Shqipëri/ Peleshi: Presim që flakët të shuhen brenda disa orëve
Ministri i Mbrojtjes, Niko Peleshi ka vëzhguar nga afër zonat që janë përfshirë nga flakët. Peleshi ka bërë me dije se e vetmja zonë aktive për momentin është ajo e Karaburunit, ndërsa theksoi se Forcat e Armatosura po viojojnë me punën për shuarjen totale të flakëve. Ai tregon se situate është e menaxhuar dhe po punohet në mënyrë intensive.
“Presim të shuajmë zjarret brenda disa orëve. Forcat e Armastosura janë në të gjithë territorin. Situata deri më tani është menaxhuar me sukses. E vetmja vatër zjarri është Karaburuni. Rreziku ende prezent do të vijojmë punën me intensitet. Puna e forcave njerëzore është e pazavendësueshme”, ka thënë Peleshi./ CNA.al
