Connect with Us

Diaspora Flet 2020 sjell së bashku emra të mirënjohur

Sociale

Diaspora Flet 2020 sjell së bashku emra të mirënjohur

Publikuar

-

Diaspora Flet 2020 sjell së bashku emra të mirënjohur

Germin organizoi edhe këtë vit konferencën Diaspora Flet, e cila për shkak të pandemisë u zhvillua online përmes një platforme teknologjike. Konferenca synon të lidhë profesionistë të industrisë, biznese, komunitete, aktivistë dhe ekspertë nga e gjithë bota për të reflektuar mbi angazhimin e diasporës shqiptare në 20 vitet e fundit dhe për të eksploruar dhe reflektuar mbi rolin e saj në 20 vitet e ardhshme. Konferenca u përqëndrua në “GlobAL2020: Lidhu. Krijo. Bashkëpuno” që synon të eksplorojë mënyra në të cilat shqiptarët në të gjithë botën mund të ndikojnë pozitivisht dhe forcojnë bashkëpunimin ndërkombëtar, të kontribuojnë në rritjen e komuniteteve të diasporës dhe të bëjnë ndryshime domethënëse në jetën e atyre që jetojnë në vendet e origjinës.

Gjatë të treja ditëve pati shumë diskutime, prezantime inspiruese dhe biseda me njerëz të mirënjohur. Gjatë konferencës tre-ditore pati folës nga fusha të ndryshme si Afërdita Rakipi, Pandeli Majko, Ori Hoxha, Fadil Berisha, Emina Cunmula, Ermonela Jaho, Hilmi Gashi, Rita Ora, Atifete Jahjaga, etj. Ish-Presidentja e Kosovës, Atifete Jahjaga foli për migracionin, rolin e grave në migrim, remitancat dhe nevoja për bashkërendimin e aktiviteteve mes diasporës dhe institucioneve të vendit amtar. Presidentja Jahjaga e pyetur rreth fenomenit të migracionit u shpreh se migrimi duhet të jetë një zgjidhje dhe jo një obligim i ndikuar nga faktorët e brendshëm. Ajo kërkoi një angazhim dhe një seriozitet nga elita politike për të trajtuar diasporën si pasuri kombëtare duke shprehur në fund përulje ndaj diasporës dhe ndihmës së saj në ndërtimin e Kosovës. Konferenca gëzoi edhe prezencën e ambasadores së SHBA në Shqipëri, Yuri Kim.

Gjithashtu, nga bota e biznesit, folës kryesor ishte Elvin Guri, aksioneri kryesor i One Telecommunications i cili foli për angazhimin ekonomik të diasporës. Elvini ka investuar në atdhe pas shumë vitesh aktivitet të suksesshëm jashtë vendit. I pyetur nga moderatorja Ilva Tare se si mund të bëhet vendi ynë më atraktiv për investime të huaja, z. Guri shprehu se duhet përmirësuar infrastruktura fizike, digjitale, politik-bërja, ekonomia dhe të rritet cilësia e arsimit.  Investimin e tij në One Telecommunications, Elvini e konsideron si kontribut të tij për vendin që të ndihmojë në integrimin e hapësirës ekonomike të Shqipërisë. Vizioni i tij është që të krijojë një kompani shqiptare dhe jo një kompani të Shqipërisë apo Kosovës. Ilva Tare solli në vëmendje edhe aspektin filantropik të Elvinit, i cili ka financuar mbi 400 studentë shqiptarë në Bullgari dhe Kosovë për të ndjekur studimet e tyre. Sipas Elvinit “Kam zgjedhur të investohem tek edukimi si një mënyrë sistemike dhe e qëndrueshme për të gjeneruar breza që do t’i shërbejnë së ardhmes.”

Në konferencë u diskutuan edhe tema mbi transferimin e njohurive dhe aftësive nga diaspora në atdhe. Biseda kryesore u mbajt nga Kingsley Aikins, themeluesi dhe drejtori gjeneral i Institutit të Rrjetëzimit, një organizatë me vendndodhje në Dublin, që këshillon shtete, qytete, rajone, ndërmarrje, etj. se si të zhvillojnë strategji për t’u lidhur me diasporat e tyre përmes rrjetëzimit. Krahas këtyre bisedave, u zhvilluan edhe shumë diskutime paralele dhe panele në të cilat u hodhën ide dhe pikëpamje mbi mundësitë që diaspora të tranferojë një pjesë të dijeve dhe aftësive në vendet amtare. Në këtë qasje, teknologjia dhe digjitalizimi marrin nje rëndësi të veçantë pasi lehtësojnë prezencën e diasporës përmes kontributit virtual.

LEXO EDHE:  I shkoi në emision/ Alketa Vejsiu fton live për tu larguar nga "Euronews" Ilva Taren

Konferenca u mbyll me dy paraqitje të veçanta: njëra – diskutim mes dy kampionëve, Robin Krasniqi dhe Lorik Cana, të cilët rrëfyen rrugëtimet e tyre dhe kërkuan nga të rinjtë shqiptarë të mos heqin dorë kurrë nga ëndrrat e tyre; si dhe paraqitjes surprizë të Rita Oras, e cila në rrëfimin e saj shprehu falenderime dhe përulje ndaj komunitetit të diasporës për përkrahjen ndaj saj në fillimet e karrierës. “Unë kam qenë gjithmonë e pasionuar që të flas për rrugëtimin tim dhe Kosova është krenaria ime. Rita më tej shtoi se inspirimi dhe suksesi i saj burojnë edhe nga karakteri dhe traditat familjare shqiptare. Kur u pyet për këngën “Shine your light” video-spoti i së cilës është realizuar në Prishtinë, Rita tha se ajo ndihet e obliguar për të kontribuar për vendin dhe njerëzit e saj, dhe se gjithmonë vjen në Prishtinë dhe angazhohet që ta bëjë atë pjesë të hartës botërore për gjëra pozitive.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Tërmet i fortë lëkund vendin/ Ja ku ishte epiqendra

Publikuar

-

Nga

Kroacia nuk gjen qetësi/ Një tjetër i fortë tërmet lëkund vendin

Lëkundje tërmeti janë regjistruarpak minuta më parë në vend.

Faqja sizmiologjike “Earthquake” raporton se tërmeti ka qenë me magnitudë 3.9 ballë i shkallës Rihter.

Epiqendra e tij është regjistruar 20 nga Laçi dhe 28 km nga Durrësi, ndersa është ndjerë lehtë dhe në kryeqytet./CNA.al

LEXO TE PLOTE

Sociale

Foto/ Rrëshqitje dheu në Librazhd, rrezikohen disa banesa

Publikuar

-

Nga

Foto/ Rrëshqitje dheu në Librazhd, rrezikohen disa banesa

Reshjet e dendura të shiut të rëna gjatë ditëve të fundit, vec përmbytjeve të mëdha kanë shkaktuar dhe reshqitje dhe në shumë zona të vendit.

Në Librazhd, në lagjen e ish-ushtarakut ka pasur rrëshqitje dheu duke bërë që të rrezikohen edhe disa banesa.

Dëmtime ka patur dhe në ujësjellës dhe shtyllat e energjisë elektrike.

LEXO EDHE:  300 të rinj nga Shqipëria, Kosova dhe Diaspora mblidhen në Jalë/Klosi: Ja si nisa karrierën në administratë

LEXO EDHE:  Teatri Kombëtar/ Paralajmëron Këshilli i Diasporës: Do rikonsiderojmë marrëdhëniet me qeverinë nëse...

Aktualisht po punohet për riparimin e defekteve./CNA.al

LEXO TE PLOTE

Sociale

Rëndohet situata në Shkodër/ Uji hyn në banesa, nis evakuimi i banorëve dhe gjësë së gjallë

Publikuar

-

Nga

Rëndohet situata në Shkodër/ Uji hyn në banesa, nis evakuimi i banorëve dhe gjësë së gjallë

Është rënduar situata nga përmbytjet në Shkodër.

Uji ka vërshuar në banesa në Obot të Anës së Malit, ndërsa ka nisur dhe evakuimi i banorëve. Po ashtu, në Darragjat ka nisur evakuimi i gjësë së gjallë.

Kryebashkiakja Voltana Ademi ka parë nga afër situatën ndërsa është shprehur se emergjencë vazhdon të mbetet ushqimi për gjënë e gjallë, ku akoma nuk ka një përgjigje nga Institucioni i Prefektit të Qarkut dhe Ministria e Bujqësisë për kerkesën tonë për furnizim, kerkesë e bërë që me 14 janar 2021.

Situata e përmbytjeve në territorin e Bashkisë së Shkodrës është e rënduar ditën e sotme. Ka rritje të ndjeshme të sipërfaqes nën ujë dhe parashikohet që në ditët në vijim të ketë rritje të sipërfaqes dhe nivelit të ujit.

Sot uji ka hyrë në dy banesa në Obot të Anës së Malit, familjarët e të cilave janë evakuuar. Po ashtu, në Darragjat ka nisur evakuimi i gjësë së gjallë.

Emergjencë vazhdon të mbetet ushqimi për gjënë e gjallë, ku akoma nuk ka një përgjigje nga Institucioni i Prefektit të Qarkut dhe Ministria e Bujqësisë për kerkesën tonë për furnizim, kerkesë e bërë që me 14 janar 2021.

Në këto kushte, do të veprojmë me fondet e emergjencave civile të Bashkisë së Shkodrës, duke nisur procedurat për sigurimin ushqimit për gjënë e gjallë në një sasi rreth 200 ton koncentrat.

Do të kërkojmë gjendjen e emergjencës civile në nivel lokal për të mundësuar përgjigjen ndaj situatës aktuale, por edhe asaj post- përmbytje.”

LEXO TE PLOTE