Connect with Us

VIDEO/ Përmbysje e “çmendur” e Interit, ja rezultatet dhe golat e të gjitha ndeshjeve të Serisë A

Seria A

VIDEO/ Përmbysje e “çmendur” e Interit, ja rezultatet dhe golat e të gjitha ndeshjeve të Serisë A

Publikuar

-

U luajtën në orën 15:00, katër sfidat e vlefshme për javën e 8-të të Serisë A. Padyshim që vëmendja më e madhe ishte në “San Siro” në përballjen mes Interit dhe Torinos.

Zikaltërit e Antonio Kontes, arritë të përmbysnin disavantazhin 0-2, duke shënuar plot 4 gola në harkun kohor të 30 minutave. Zaza në fundin e pjesës së parë dhe Ansaldi nga pika e bardhë e penalltisë, tronditën fillimisht Interin, ndërkohë që Sançez dhe Lukaku vendosën menjëherë baraspeshën në minutat 64 dhe 67-të.

Belgu nuk u mjaftua me kaq teksa në minutën e 84-t, kaloi në avantazh skuadrën e tij, duke shndërruar në gol një 11-metërsh. Për të vulosur këtë përmbysje mendoi Lautaro Martinez, i hedhur nga stoli, i cili në minutën e 90-të, pas asistit të Lukakut, tundi rrjetën.

Në sfidat e tjera, Roma mposhti Parmën 3-0. Vlen të theksohet se të 3 golat për kryeqytetasit u shënuan në pjesën e parë. Fitore e artë edhe për Sasuolon në transfertë ndaj Veronës 0-2. Teksa Sampdoria regjistroi një tjetër hap fals, ku u mund nga Bolonja me përmbysje 1-2.

FT| INTER-TORINO 4-2

Sançez 64′, Lukaku 67′, 84′ (p), Martinez 90′  / Zaza 45+2′ , Ansaldi 62′ (p)

FT| ROMA-PARMA 3-0

Majoral 28′, Mikitarjan 32′, 40′

FT| SAMPDORIA-BOLONJA 1-2

Thorsbi 7′ / Rexhini 44′ , Orsolini 52′ 

FT| VERONA-SASUOLO 0-2

Boga 42′ , Berardi 76′ 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Seria A

“Te goli i Uzunit ishte gabim imi”, De Ligt bën “mea culpa”

Publikuar

-

Nga

Pas vërshëllimës finale të Juventus-Ferencvarosh, ku pavarësisht sesi nisi ndeshja, në fund bardhezinjtë arritën që të përmbysin golin e Myrto Uzunit dhe të kualifikohen dy ndeshje përpara fundit të fazës së grupeve, për në 1/8-at e finaleve të Champions-it, Matajs De Ligt kërkon që të bëjë “mea culpa”. Ndonëse dhuroi një tjetër mbrëmje fantastike në qendër të mbrojtjes, holandezi 20-vjeçar, i cili mori edhe komplimentet e trajnerit Andrea Pirlo kërkoi që të pranojë se në aksionin e golit të parë të hungarezëve kishte qenë ai fajtori.

“Nuk e prisnim kurrsesi që Ferencvaroshi do të lëshohej menjëherë me atë vrull në fushën e lojës, ndaj duke arsyetuar gabim ndeshjen, ia komplikuam më shumë se ç’duhej gjërat vetes. Për më tepër, ata mbroheshin shumë mirë, kishin dy linja shumë të ngushta mes reparteve dhe na e bënë të vështirë që të gjenim hapësira mes tyre, për të qarkulluar topin.

Si përfundim, pavarësisht fitores, nuk mendoj se bëmë një paraqitje të mirë, pasi na munguan mjaft gjëra. Pikësëpari shpejtësia në lëvizjen e topit dhe mbi të gjitha na duhej më shumë kurajo. E them këtë sepse në Europë, në Champions, kohë për të rikuperuar nuk ke.

Prandaj, nëse nuk jep maksimumin që në fillim…, – nënvizon De Ligt, i cili merr edhe përgjegjësinë e golit të Uzunit. – Në rastin e golit të Ferenvaroshit ishte një gabim totalisht imi. Dola shumë përpara dhe lashë të zbuluar të gjithë mbrojtjen. Por e vërteta është që kemi gjithsesi një skuadër të madhe dhe me shumë cilësi brenda saj. Ndonëse e ritheksoj, në Champions duhet të qëndrojmë më të lidhur mes reparteve, më kompakt sepse kështu nuk rrezikojmë që të pësojmë”, tha De Ligt.

LEXO TE PLOTE

Seria A

Nuk përputhet rezultati për Strakoshën, hetim tamponësh te Lacio

Publikuar

-

Nga

Polemikat rreth kaosit të shkakuar nga rezultatet e tamponëve të Lazios para ndeshjes kundër Juventusit, e cila përfundoi 1-1, vazhdojnë të jenë të pranishme. Në atë takim të rëndësishëm, Lucas Leiva, Ciro Immobile dhe Thomas Strakosha nuk mundën të luanin për shkak të pozitivitetit të tyre (me Koromavirus).

Të tre futbollistët bardhekaltër u lanë jashtë skuadrës për shkak të mospërputhjes së rezultateve të tamponëve. Qendra “Futura Diagnostica” në Avellino i kishte nxjerrë negativë, ndërsa klinika “Campus Biomedical” në Romë pozitivë me “COVID-19”.

Kjo mospërputhje e detyroi Prokurorinë e Avellinos të hapte një hetim për të përcaktuar nëse kishte shkelje rregullave nga klubi kryeqytetas dhe laboratori i Avellinos, duke kërkuar një ripërpunim të atyre tamponëve të famshëm në Spitalin Moskat.
Siç raportohet nga “Sky Sport”, rezultatet sërish nuk përputhen plotësisht: Leiva dhe Immobile rezultuan negativë, që do të thotë se duhej të ishin të disponueshëm për të sfiduar bardhezinjtë, ndërsa Strakosha pozitiv.

Portieri shqiptar aktualisht është në dispozicion të Simone Inzaghit dhe është thirrur gjithashtu për ndeshjen e Championsit kundër Zenitit.

Këto rezultate ndihmojnë në lehtësimin e pozicionit të Lazios në dosjen e hartuar nga Prokuroria e Avellinos por nga ana tjetër shtojnë keqardhjen për mungesën e dy lojtarëve të rëndësishëm (Immobile dhe Leiva) ndaj Juves.

LEXO TE PLOTE

Seria A

Interi e ka malore në Champions, ja si kualifikohen zikaltërit

Publikuar

-

Nga

Është situata më e ndërlikuar dhe me siguri, rruga më malore mes skuadrave italiane. Në ndeshjet e vajtjes së grupit në Champions Interi ka grumbulluar vetëm dy pikë: e ndalur në barazim si kundër Borusia Mynshengladbah (2-2 në “San Siro” në ndeshjen e inaugurimit) po ashtu edhe kundër Shahtjor Donjeckut (0-0 në Ukrainë), përpara humbjes me rezultatin 3-2 në “Valdebebas” kundër Realit të Madridit në përballjen përpara pauzës së kombëtareve.

 

E kotë të nënvizohet që në duelin direkt kundër “Galaktikëve” në “San Siro” zikaltrit do të luajnë një pjesë të madhe të kualifikimit: një humbje do të nënkuptonte mundësinë për të kaluar fazën, ndërsa një fitore hipotetike do të ndërlikonte skenarët e grupit. Edhe pse Gladbah, pas barazimit në Itali, ka grumbulluar një tjetër pikë kundër Realit e më pas mposhti Shahtjorin në transfertë.

Aktualisht drejton grupin me 5 pikë, një më shumë se spanjollët dhe ukrainasit, këta të fundit protagonistë të një suksesi befasues në fushën e madrilenëve. Duke fituar tri ndeshjet e fundit, Interi do të siguronte kualifikimin, por mund të mjaftojnë edhe dy fitore në prani të barazimeve të njëkohshme në ndeshjet e kundërshtarëve ose në rast të pikëve të plota (për shembull nëse zikaltrit mposhtin gjermanët dhe Shahjorin, ndërsa Reali i fiton të tria ndeshjet).

Për momentin kombinimet për t’u kualifikuar janë vërtet shumë dhe është e parakohshme të bëhen kombinime. Mund të ekzistojë edhe një skenar ku në finish do të arrinin tri skuadra me nga 9 pikë dhe në këtë rast do të shikoheshin përballjet direkte dhe diferenca e golave.

LEXO TE PLOTE