Kandidatja për deputete e Partisë Socialiste në Korçë, Blerina Gjylameti në vijim të fushatës eletorale ka zhvilluar një takim me banorët e Pogradecit. Gjylameti theksoi se duhet të vazhdojë vaksinimi masiv në mënyrë që të hapet sa më parë sezoni turisitk, që është një sektor i rëndësishëm i zhvillimit ekonomik në këtë zonë.

“Duhet të vazhdojmë me vaksinimin në mënyrë që të heqim kufizimet dhe bizneset të punojnë lirshëm. Le të sjellim sa më parë sigurinë e shëndetit, të lirojmë ekonominë, te shtojmë vendet e punës dhe të zhvillojmë turizmin sektorin kyç të zhvillimit të ekonomisë lokale në Pogradec”, tha Gjylameti.

Gjatë takimit me banërot, Gjylameti u kërkoi atyre votën për PS, ndërsa theksoi se Partia Demokratike është aletranativa e dështimit e cila infekton qytetarët me mitingjet qytet më qytet.

“Ata janë alternative e dëmtimit, alternativë e shkatërrimit, alternativa e cila infekton tërë ditën cep e cep me takime që janë të grumbulluar 1 mbi 1. Ndryshe nga ajo që bëjmë ne duke mbajtur distancë dhe në mënyrë të veçantë te fokusi i shëndetit të njerëzve. Alternativa jonë është Edi Rama dhe qeveria me punë konkrete kanë vendosur dorë në çdo vend të Shqipërisë. Njerëzit e duhur duhet të jenë në krye të punëve të duhura”, tha Gjylameti./CNA.al

Kreu i Partisë Demokratike Lulzim Basha në vijim të takimeve elektorale, këtë mëngjesë ka vizituar një familje në qytetin e Durrsit, ku diskutuan mbi çështjen e legalizimit të banesave.

Basha u shpreh se ka kërkuar ndjesë që në vitin 2013 për çështjen e legalizimeve që nuk u mbyll dot nga qeverisja e djathtë. Basha shton se Rama erdhi pikërisht me premtimin për legalizime falas dhe nuk e mbajti.

Kryefamiljari i tha Bashës se ka vite që ka qenë pjesë e PS, por është zhgënjyer. “Kam vite që jam socialist dhe kam kuntribuar jashtë mase. U zhgënjeva jashtë mase për legalizimin e shtëpisë,”tha ai.
Kryedemokrati kërkoi votën për PD që sipas tij do të sjellë ndryshimin. Basha tha se PD vjen me një plan pune dhe jo premtime boshe.

“Problemi i legalizimeve kam kërkuar prej 2013 ndjesës duhet ta kishim mbyllur ne dhe nuk e kam mbyllur. Ky erdhi me legalizime falas. Edhe me këtë nuk e mbjati premtimin. Më 25 prill është dita juaj. Besnikërinë në radhë të parë e ke ndaj familjes. Edhe po të jesh anëtar i PS duhet votuar për ndryshimin e Shqipërisë”- tha Basha./CNA.al

Ish Ministri i Jashtëm  “Qeverisë Rama”, Ditmir Bushati nëpërmjet një postimi social ju ka bërë ftesë të gjithë të rinjve, që sot në mbrëmje ti bashkohen programit të tij për të ndarë pyetjet dhe mendimet që ata kanë.

Diskutimi do të zhvillohet në rrjetin e tij social instagram. Sipas tij, 25 Prilli është një momenti i rëndësishëm për të gjithë.

“Çuna e goca, sot në 20.00 takoheni te #SheshiPublik në InstaLive. 25 Prilli është moment i rëndësishëm për shoqërinë, por mbi të gjitha për ju. Unë jam i sigurtë që në chat-grupet tuaja, por jo vetëm, flisni, debatoni, përplasni ide dhe mbani qëndrime. Unë ju ftoj që shumë nga pyetjet dhe mendimet tuaja ti ndajmë bashkë tek #SheshiPublik. Shihemi në 20.00”, ka shkruar Bushati.