Connect with Us

VIDEO/ Fund dramatik në klasiken Vllaznia-Tirana, ja rezultatet dhe golat e 3 sfidave

Sport

VIDEO/ Fund dramatik në klasiken Vllaznia-Tirana, ja rezultatet dhe golat e 3 sfidave

Publikuar

-

Dy barazime pa gola dhe një klasike që pati 5 gola dhe fituese nxori Vllazninë me rezultatin 3-2. Një ndeshje dramatike që i pati të gjitha, edhe hakmarrjen e Ismael Dunga, i cili shënoi në minutën e shtatë shtesë kundër ish-ekipit të tij.

TAKIMET E TJERA – Partizani ishte më kërkues ndaj Laçit dhe pati disa mundësi të mira shënimi, por në fund ndeshja u mbyll në barazim 0-0. Të kuqtë bënë lojën, kurse në krahun tjetër u pa një Laç që në asnjë mënyrë nuk donte të humbiste. Në fundin e pjesës së parë Partizani pretendoi edhe për një penallti. Sa i takon Nëabueze, Partizani e bllokoi mirë dhe sulmuesi nuk ishte i rrezikshëm për portierin Alban Hoxha.

Në Durrës u zhvillua një lojë mjaft e bukur, por nuk pati gola. Teuta u mundua shumë që të dilte me pikët e plota, por në shtëpi nuk po i ecën. Pas barazimit me Skënderbeun, tani barazuan 0-0 me Kukësin. Verilindorët, edhe pse me shumë mungesa, treguan karakter dhe me Lieria mund të kishin shënuar në dy raste. Në një rast trau e shpëtoi portierin Frashëri.

KATEGORIA SUPERIORE – JAVA 3
E shtunë, më 21 nëntor, ora 16:45

Vllaznia-Tirana 3-2
Shënues: 
Marku 28′ (pen.), 50′, Dunga 97′ / Muçi 47′, Sasraku 63′
Teuta-Kukësi 0-0
Partizani-Laçi 0-0

Derrick Sasraku ndëshkoi Vllazninë, duke i çuar shifrat në 2-2. Gabim në dalje i portierit Zogovic. Tirana në festë.

Herald Marku bën goleadorin për Vllazninë, duke shënuar me një goditje nga jashtë zone

Ernest Muçi vendos baraspeshën në klasiken e Shqipërisë. Sulmuesi nuk fali i vetëm me portierin

Goli i parë në Vllaznia-Tirana. Vangjeli shkakton penallti dhe Herald Marku tregohet i saktë nga pika e bardhë e 11-metërshit

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

Berisha në spital pas infektimit me COVID, reagon Armand Duka

Publikuar

-

Nga

Etrit Berisha rezultoi me Koronavirus më 27 nëntor, teksa ditën e sotme është shtruar në spital, në mënyrë që të marrë një trajtim të specializuar.duka etrit berisha

Pas shtrimit të lojtarit të Kombëtares në spital, presidenti i FSHF-së, Armand Duka, i ka uruar shërim të shpejtë gardianit kuqezi, teksa i shkruan:

“Uroj shërim të shpejtë për gardianin e portës sonë. Të duam të gjithë Etrit!”

Berisha është një nga shtyllat e Kombëtares, ku mban edhe shiritin e kapitenit dhe të gjithë janë të bindur se do e kalojë edhe këtë sfidë.

LEXO TE PLOTE

Sport

Rekordmeni i derbeve, rrëfehet Shpëtim Duro: Ja pse triumfon Partizani të premten

Publikuar

-

Nga

Nëpërmjet një lidhje live me “Skype” për emisionin “Sport Neës”, trajneri Shpëtim Duro që ka drejtuar shumë skuadra në gjithë Shqipërinë, ka analizuar derbin e radhës. Para kryendeshjes që do të zhvillohet ditën e premte në “Air Albania”, Duro e sheh Partizanin favoritë, madje sipas tij një fitore në këtë ndeshje do të thotë shumë pasi ndikon në ecurinë e mëtejshme në garë, por edhe psikologjikisht.

“Partizani-Tirana është një ndeshje që historikisht ka qenë të vëmendjes që para viteve 90 kur kam qenë futbollist dhe mbas viteve 90 si trajner. Është një ndeshje deçizive që në momente të veçanta është shumë e rëndësishme për vazhdimësinë. Siç ndodhi vjet me Tiranës. Fitorja në derbi bëri që ecuria të ishte pozitive. Ka pasur raste që pas humbjeve të ndeshjeve janë shkarkuar trajnerët, duke pasur parasysh edhe rivalitetin e madh që kanë tifozët e Tiranës dhe Partizanit.”

Favoriti

“Partizani është më mirë, edhe për sa i përket klasifikimit dhe skuadrës. Partizani është ajo skuadër që ka qenë sezonin e kaluar. Tirana ka shumë ndryshime dhe kjo ka ndikimet e veta. Gjithsesi në fushë harrohet gjithçka. E shikoj këtë derbi të ngjashëm me situatën e vjetshme. Fitorja e Tiranës 2-1 kthehu atë ecuri të Tiranës, ndërsa te Partizani pas asaj humbjeje filluan problemet.”

Momenti i Partizanit

“E kam thënë gjithmonë, Partizani ka qenë një nga skuadrat më të kushtueshme sezonin e kaluar. Ka mangësi në mbrojtje, por ka futbollistë kampion. Partizani e ka skuadrën më të mirë në raport me Tiranën. Për këtë arsye e kam thënë që Partizani do të jetë skuadër pretendete për të fituar titullin. Steriotipi në lojë ka të bëjë shumë.”

Ecuria e Tiranës

“Ndryshimi i trajnerit është “thikë me 2 presa”. Eliminimi në Kupë ishte goditje e madhe. Edhe po të vazhdonte punën Egbo, do ta kishte të vështirë, ashtu siç ka vështirësi Dede. Ka shumë ndryshime dhe dëmtime. Derbi do të ketë ndikimet e veta në ecurinë e Tiranës.”

Pikat e forta

“Partizani është më mirë, duke pasur parasysh rezultatet e fundit. Është në pozicion komod, nuk ka ndryshime, e ka skuadrën e plotë. Tirana ka disavantazh sepse ka shumë futbollistë që luajnë për herë të parë në një derbi. Për këto arsye Partizani është më i favorizuar. Shpresoj të jetë një ndeshje e mirë me rivalitet.”

Tifozët

“Mungesa e tifozëve ka ndikimin e vetë. Jemi në një situatë tjetër. Ne sezonet me parë, tifozët shoqëronin skuadrën 3 orë para ndeshjes, ndërsa tani besoj se kjo ndeshje do të ndiqet me mjaft interes në media dhe televizione”, u shpreh në fund trajneri i mirënjohur, Shpëtim Duro.

LEXO TE PLOTE

Sport

ANALIZË/ Trajneri Joachim Löw humbi edhe një shans për fillim të ri

Publikuar

-

Nga

Joachim Löw do të vazhdojë të jetë trajneri i Gjermanisë, të paktën deri pas Europianit, që është planifikuar të zhvillohet në verën e vitit 2021.

Pas mbledhjes së mbajtur ditën e sotme mes drejtuesve të Federatës Gjermane të futbollit, është vendosur që Lëv të qëndrojë në drejtim të kombëtares.

Pas humbjes turpëruese që Gjermania pësoi nga Spanja, menjëherë filloi të flitej për një largim të trajnerit Lëv, por drejtuesit i kanë dhënë edhe një mundësi tjetër. Federata ka treguar mbështetje ndaj trajnerit dhe për këtë arsye kanë vendosur t’i besojnë ende, të paktën deri pas Europianit.

Analiza, pse trajneri humbi edhe një shans për fillim të ri...

Trajneri Löw ishte përgjegjës edhe në kohën e dështimit total në Kampionatin Botëror të vitit 2018, kur Gjermania u eliminua pas garave në grupe. Trjaneri tha asokohe se do të rinovojë ekipin me lojtarë të rinj, të uritur për fitore. Edhe tani pas dështimit në Ligën e Kombeve kundër Spanjës thotë se do të bëjë të njëjtën. Presidenti i Federatës Fritz Keller tundi kokën “miqësisht”, pas analizës së re të Löw. Humbja katastrofike nga Spanja me rezultat 6-0 u pa si një gabim i mundshëm dhe i justifikueshëm – e jo si një gabim tjetër serioz në sistemin e ekipit kombëtar. “Një lojë e vetme nuk mund dhe nuk duhet të jetë matësi kryesor i performancës së përgjithshme të ekipit kombëtar dhe trajnerit kombëtar”, kumtoi DFB. “Prandaj, Joachim Löw vazhdon të ketë besimin e Presidencës së DFB”.

Afërsia e tepërt e trajnerit me përgjegjësit?

Por ky justifikim i injoron javët dhe muajt e mëparshëm, kur 11-shja e DFB pati vështirësi të shumta me kundërshtarët gjoja të vegjël. Për një fillim të ri nuk mund të bëhet fjalë. Lojërat e fundit janë shoqëruar rregullisht me “re të errëta”, siç tha edhe menaxheri Oliver Bierhoff. Besimi ndaj Federatës (DFB) dhe njëmbëdhjetëshit të saj, po bie gjithnjë e më shumë. Këtë e nënvizon edhe shikueshmëria më e vogël në televizor e ndeshjeve të ekipit.

Të gjithë këta faktorë duket se nuk kanë luajtur aspak, e në rastin më të mirë kanë luajtur pak, rol në vlerësimin e punës së trajnerit. Perkundrazi, duket se përgjegjësit kanë krijuar një afërsi tepër të madhe gjatë viteve të fundit me trajnerin e kombëtare Joachim Löw dhe se nuk janë në gjendje të shikojnë gjendjen reale të kombëtares. Ata duket se nuk janë në gjendje as të përfytyrojnë se mund të ketë një trajner tjetër të kombëtares. Si për shembull Ralf Rangnick, i cili nuk e përjashton këtë mundësi.

Lahm kritikon trajnerin

Krerët e DFB folën mirë për “funksionimin e raporteve mes ekipit dhe trajnerit”, duke shtuar se Löw “ka paraqitur një koncept të qartë për rrugën e mëtejshme”. Por ish-kapiteni i kombëtares dhe ish-lojtari i këtij trajneri, Philipp Lahm thotë se “lojtarët të cilëve u beson trajneri më në fund duhet të dëshmojnë aftësitë e tyre.” Edhe në vitin 2018 Lahm thoshte se “Jogi Löw duhet t’i përshtatet brezit të ri të lojtarëve”.

Fjalët e Lahmit mund të interpretohen edhe si pohim se Löw nuk i kupton nevojat e lojtarëve, shumica e të cilëve është në moshën rreth 25 vjeç. Lahm në këtë mënyrë thekson mungesat elementare për funksionimin e një ekipi. Kanë kaluar dy vite prej kritikave të fundit dhe ekipi i trajnerit Löw nuk të lë përshtypjen se ka ecur përpara. Por krerët e DFB thonë se Löw është duke bërë një punë “me kualitet të lartë” dhe se do t’i ndërmarrë të gjitha masat për “të luajtur jashtëzakonisht mirë në KE 2021”.

Kokëfortësia

Mungesa e besimit të opinionit tek puna e Joachim Löw ka të bëjë edhe me faktin që trajneri kurrë nuk e ka parë të domosdoshme të komunikojë hapur për vendimet e tij. Ai shfaqet më shumë si një kokëfortë dhe jo si një person i afërt me publikun. Löw shpesh ka lënë shumë pyetje pa përgjigje – kur bëhet fjalë për analizën e gabimeve personale. Sidomos në kohërat kur nuk ka sukses, e kjo krijon mosbesim. Tifozët dhe lojtarët kanë nevojë pas 14 vitesh që të kenë një frymëzim tjetër me futbollin, e kjo duket si iluzion për Löw-in.

DFB i mbeti besnik trajnerit Löw, ndërsa ai i mbeti besnik vetvetes. Në këtë mënyrë ai humbi edhe këtë shans për një fillim të ri. /dw.com/

LEXO TE PLOTE