Connect with Us

Pikëpyetjet e buxhetit 2021/ Analistët skeptikë për të ardhurat dhe shpenzimet

Ekonomi

Pikëpyetjet e buxhetit 2021/ Analistët skeptikë për të ardhurat dhe shpenzimet

Publikuar

-

Pikëpyetjet e buxhetit 2021/ Analistët skeptikë për të ardhurat dhe shpenzimet

Më 16 nëntor Kuvendi miratoi buxhetin e shumëdiskutuar të vitit 2021. Ky buxhet u votua nga ligjvënësit me 84 vota pro, 14 kundër dhe 1 abstenim.

84 deputetë ngritën kartonët jeshil për ligjin kryesor financiar në vend, i cili është parashikuar në dy drejtime, përballimin e pandemisë dhe rindërtimin nga tërmeti.

Pritshmëritë e qeverisë për vitin 2021 janë që të ardhurat buxhetore të shkojnë në vlerën 479 miliardë lekë ose 3,86 miliardë euro, si dhe të bëjë shpenzime në vlerë 588 miliardë lekë ose 4,74 miliardë euro.

Një vend shumë të rëndësishëm në këtë buxhet zë shëndetësia.

Duke iu referuar këtij ligji buxheti i ministrisë së Shëndetësisë pritet të rritet 2.2 miliardë lekë duke shkuar në total në rreth 70 miliardë lekë. Pjesa më e madhe e këtij fondi do të shkojë për rimbursimin e ilaçeve që përdoren në këtë situatë pandemie.

Qeveria ka parashtruar dy skema për rimbursimin e ilaçeve covid, të cilat kapin vlerën e 1.2 mld lekë.  Sipas protokollit mjekësor do të përfitojnë ata paciente që kalojnë sëmundjen në formën e lehtë ose të mesme, gjendje këto të cilat trajtohen në banesë.

Për formën e lehtë, shteti do të rimbursojë çmimin tavan 1650 lekë. Ndërsa në  stadin mesëm shteti rimburson recetën me 10900 lekë, edhe pse kosto e shërimit mund të jetë më e lartë.

Një zë të veçantë në financat e vitit 2021 do të zënë edhe naftëtarët e Ballshit. Pas arritjes së marrëveshjes me qeverisë, në buxhet është parashikuar që të alokohen 560 milionë lekë, i cili do të shërbejë si fond page prej 40 mijë lekësh për naftëtarët për një periudhë 12 mujore.

Edhe për sektorin e bujqësisë parashikohet të ketë një mbështetje më të madhe financiare. Rritja e buxhetit për këtë sektor pritet të jetë në 950 milionë lekë, e cila do të shkojë për skemën e rimbursimit të karburantit për fermerët, ndërsa një fond prej 200 milionë lekësh do të shkojë për investime në diga për përballimin e përmbytjeve.

Po kështu, financat e vitit të ardhshëm parashikojnë edhe rritjen e pagave për mjekët me 40% si edhe për arsimtarët me 15%, rritje e cila fillon nga 1 janari 2021.

Por si është analizuar ky buxhet nga specialistët e ekonomisë në Euronews Albania?

E para që ka mbështetur këtë buxhet të ri është Milva Ekonomi, kryetare e Komisionit të Ekonomisë. Për Euronews Albania ajo u shpreh se miratimi i këtij buxheti shihet me një sy optimist mbi të gjitha sepse është i përqendruar dhe i jep një vëmendje të veçantë shëndetësisë.

“Ky buxhet kërkon t’i japë përgjigje rasteve dhe situatave emergjente që po kalon vendi,”  u shpreh Ekonomi.

LEXO EDHE:  Eurokomisioneri i BE në Vorë/ Pas vlerësimit të dëmeve, do të ketë ndihma të tjera për Shqipërinë

Duke e quajtur këtë buxhet optimist, ajo theksoi se ai përveç vitit elektoral do të ketë impakt në ekonomi dhe do i japë përgjigje pandemisë.

Por, ky buxhet është kundërshtuar nga eksperti i Ekonomisë, Artan Hoxha. Në Euronews Albania Hoxha nënvizoi se ky është një buxhet me jetëgjatësi të shkurtër që do të rishikohet shumë shpejt. Kjo sipas Hoxhës, pasi jemi në kohë pandemie dhe nuk mund të parashikojnë më saktësi buxhetin në shëndetësi dhe se në këtë kohë është problem rritja e borxhit publik.

Të njëjtin mendim me Hoxhën ndan edhe Altin Hoti, profesor i Ekonomisë në Universitetin Amerikan të Lindjes së Mesme në Kuvajt. Eksperti Hoti deklaroi për Euronews Albania se buxheti i vitit 2021 është i parealizueshëm për sa i përket të ardhurave, ashtu edhe për shpenzimet.

“Qeveria nuk merr parasysh situatën aktuale si për shembull COVID-in, i cili ka tkurrur ekonominë. Dhe të jesh optimist për mbledhjen e të ardhurave në këtë situatë është të jesh jorealist”, tha Hoti.

Po kështu ai u shpreh se ndryshimi i sistemit të taksave ka tkurrur investimet e huaja në vend, gjë që ka sjellë probleme në ekonomi.

Në të njëjtën linjë është edhe eksperti i ekonomisë dhe dekani i Fakultetit Ekonomik në Universitetin Luarasi, Mateo Spaho. Ky i fundit u shpreh për Good Morning Albanians se buxheti i vitit 2021 është një buxhet ëndërrimtar dhe i pamundur që të realizohet. Eksperti theksoi se duke qenë në kohë pandemie, rritja e ekonomike vitin tjetër do të jetë më e ulët. Sipas tij, pas zgjedhjeve të 25 prillit në këtë buxhet do të ketë ndryshime.

Miratimi i buxhetit u trajtua në studion ne Euronews Albania edhe nga zv.ministri i Financave dhe Ekonomisë, Elton Haxhi përballë gazetares Ilva Tare. Haxhi tha se planet e shtruara në letër nuk do jenë të lehta për t’i realizuar.

Ndërsa gazetari dhe eksperti i ekonomisë, Fatos Çoçoli është shprehur skeptik për performancën ekonomike. Ai theksoi se llogaritë e qeverisë janë shumë entuziaste dhe se se shanset për t’i bërë realitet ato janë shumë të limituara, për shkak se në arkën e shtetit gjatë këtij viti mungojnë rreth 280 milionë euro.

Pra edhe siç duket qartë, projektbuxheti i vitit 2021 nuk është pritur mirë nga ekspertët e ekonomisë. Të gjithë analizat vijnë në një kohë pandemie, kur jo vetëm ekonomia shqiptare por edhe ajo globale po pësojnë goditje të njëpasnjëshme.

Ndërkohë qeveria shqiptare vijon me premtimet në ekonomi, kjo për shkak se ndodhemi vetëm pak muaj larg zgjedhjeve dhe “de fakto” ka nisur fushata. Gjithsesi duke iu referuar analizave ky buxhet mbetet shumë optimist./euronews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

“Shteti nuk ka dhënë ndihmë në kohë pandemie”/ Nasto: Janë mbyllur 38 mijë biznese

Publikuar

-

Nga

“Shteti nuk ka dhënë ndihmë në kohë pandemie”/ Nasto: Janë mbyllur 38 mijë biznese

Kryetari Shoqatës së Biznesit të Vogël Albert Nasto deklaroi se janë mbi 38 mijë biznese të cilat janë mbyllur në këtë kohë pandemie.

Ky i fundit theksoi se shkak kryesor i kësaj situate është se shteti nuk ka dhënë asnjë ndihmë për bizneset në këtë kohë pandemie.

“Shifrat nuk janë reale. Rreth 5 mijë biznese të mbyllura ose 6 mijë biznese të mbyllura do të  ishte gjëja me më e mirë që mund t’i ndodhet këtij vendi.

Sipas nesh dhe sipas shifrave që ndjekim në terren janë mbi 38 mijë biznese të mbyllura, që kanë mbyllur qepenin dhe nuk i hapin më. Si efekt dhe shkak kryesor është mos-dhënia e një ndihmë nga e qeverisë në këtë kohë koronavirusi”, tha ai për “Euronews Albania”.

LEXO EDHE:  Buxheti 2018 rrënon familjet shqiptare

LEXO EDHE:  Eurokomisioneri i BE në Vorë/ Pas vlerësimit të dëmeve, do të ketë ndihma të tjera për Shqipërinë

Kjo deklaratë e Nastos vjen pasi “Monitor” publikoi shifrat se nga 1 maji deri më 31 tetor, mbi 4900 biznese të vogla u mbyllën në vendin tonë ose 34% më shumë se sa një vit më parë. Bizneset më të goditura nga kriza e shkaktuar nga pandemia janë në Vlorë dhe Shkodër./CNA.al.

LEXO TE PLOTE

Ekonomi

Alkooli dhe cigaret konsumohen nga shtresa e mesme/ Të varfrit dhe të pasurit shpenzojnë më pak

Publikuar

-

Nga

Alkooli dhe cigaret konsumohen më së shumti nga shtresa e mesme nga pikëpamja se, ato harxhojnë një pjesë më të madhe të buxhetit për të konsumuar këto produkte në raport me të pasurit dhe të varfrit.

Anketa e INSTAT për buxhetin e familjes ka verifikuar se, pjesa e familjeve që nuk janë as shumë të varfra dhe as shumë të pasura çojnë për konsumin e alkoolit dhe duhanit 4.6% të totalit të shpenzimeve të tyre mujore.

Në këtë mënyrë, shtresa e mesme shpenzon për alkool dhe duhan më shumë se të varfrit, të cilët çojnë për këto produkte 2,7% të të ardhurave mujore.

Shtresa e mesme gjithashtu shpenzoi vitin e kaluar edhe më shumë se të pasurit të cilët çojnë për alkool dhe cigare 4.4% të shpenzimeve mujore.

Në raport me vitin 2007, të gjitha shtresat e popullsisë kanë ulur shpenzimet mujore për konsumin e duhanit dhe alkoolit. 12 vite më parë shtresa më e varfër, ajo në kategorinë e 20 përqindëshit me të ardhurat më të ulëta, çonte 3.5% të shpenzimeve për cigare dhe alkool, ndërsa më 2019 çuan vetëm 2.7% të buxhetit mujor për këto produkte.

Ulja e më e madhe e shpenzimeve ndodhi në klasën e dytë të popullsisë, që renditet ndërmjet të varfërve dhe shtresës së mesme, të cilët në vitin 2019 çuan 3.8% të shpenzimeve mujore për alkool dhe cigare në raport me 4.8% në vitin 2007.

LEXO EDHE:  Me 30 nëntor, rikthehet në Kuvend diskutimi për buxhetin

LEXO EDHE:  Buxheti 2018 rrënon familjet shqiptare

Me rënie të shpenzimeve për produktet jo jetike ishin edhe dy kategoritë e tjera të popullsisë shtresa e mesme dhe ajo e pasur, të cilat i ulen shpenzimet përkatësisht me 0.2 pikë % dhe 0.4 pikë % gjatë 12 viteve.

Tendenca e të varfërve për të shpenzuar më pak për alkoolin dhe cigaret lidhet me faktin se ato janë në pamundësi financiare për të konsumuar produkte jo jetike.

Ndërsa shtresa e pasur, duke qenë përgjithësisht më e arsimuar është më e ndërgjegjshme për shëndetit konsumon më pak alkool dhe cigaret. Këto janë dy produkte që dëmtojnë rëndë shëndetin, ndaj dhe qeveritë në të gjithë botën aplikojnë taksa shtesë për konsumin e tyre të tilla si akciza, pikërisht për të frenuar konsumin e tyre.

Gjatë dy dekadave të fundit, çmimet e cigareve janë rritur në mënyrë të vazhdueshme si një politikë antiduhan. Shtresat e varfra, gjatë kësaj kohe, janë orientuar ndaj produkteve më të lira./Monitor

LEXO TE PLOTE

Ekonomi

Shqiptarët shpenzuan rreth 210 milionë euro më pak gjatë karantinës

Publikuar

-

Nga

Në gati tre muaj që pjesa më e madhe e popullatës u ngujua në shtëpi, për shkak të karantinës së fortë për të frenuar përhapjen e Covid-19, shpenzimet u reduktuan ndjeshëm.

Një pjesë e njerëzve punuan online dhe si rrjedhojë nuk kishin çfarë të shpenzonin jashtë (ku pjesa më e madhe e dyqaneve ishin mbyllur), ndërsa rreth 50 mijë të tjerë dolën të papunë në tremujorin e dytë, sipas INSTAt dhe nuk kishin të ardhura për të shpenzuar.

Të dhënat e INSTAT tregojnë se në tremujorin e dytë 2020, konsumi final i popullatës u reduktua me 7.57%, se e njëjta periudhë e një viti më parë, ose në vlerë absolute janë rreth 210 milionë euro të shpenzuara pak për kafe e restorante, veshje, udhëtime argëtime, apo dhe produkte e shërbime të tjera, që ose nuk ishin të domosdoshme, ose për shkak të mbylljes ishin të pamundura që të kryheshin.

Në total, në tremujorin e dytë 2020, konsumi final i popullatës ishte rreth 2.6 miliardë euro, nga 2.81 miliardë euro, në të njëjtën periudhë të një viti më parë. Kjo është tkurrja më e lartë në të paktën pesë vjet. Që nga viti 2015, konsumi kishte ardhur në rritje të vazhdueshme, sipas statistikave të INSTAT.

Të dhënat e tjera të INSTAT për tregtinë me pakicë treguan se sektorët që panë rënin më të lartë të konsumit ishin veshjet dhe këpucë, indeksi i vlerës të së cilës psh gjatë muajit prill ra me 88%; Libra, gazeta, artikuj shkollor, produkte të argëtimit, pajisje sportive, lodrat, lojërat dhe të tjera produkte industriale në njësi tregtare të specializuara, që u tkurrën në prill me gati 70%. Ndërsa nuk lëviznin, u ulën dhe shpenzimet për karburante (-48% në prill), artikujt e tjerë jo ushqimorë (-31%). Të vetmet që ishin me rritje, ose me rënie minimale ishin shpenzimet për ushqimet bazë, si dhe ato për pajisjet kompjuterike për shkak të kalimit të punës në online për shumë sipërmarrje.

LEXO EDHE:  Shqiptarët shpenzime rekord jashtë vendit në 2017/ Ikin 1.3 miliardë euro

LEXO EDHE:  Eurokomisioneri i BE në Vorë/ Pas vlerësimit të dëmeve, do të ketë ndihma të tjera për Shqipërinë

Në tremujorin e dytë të vitit, ekonomia shqiptare u tkurr me 10.2%, si rrjedhojë e karantinës, duke shënuar tkurrjen më të lartë që nga 1997-a. Sektori më i goditur ishte “Tregti, transport, akomodim dhe shërbim ushqimor”, që ra me -28% me bazë vjetore. Në total, humbjet e ekonomisë në tremujorin e dytë të vitit, kur për gati dy muaj pothuajse gjithçka ishte e mbyllur, llogariten në rreth 59 miliardë lekë, ose gati 500 milionë euro.

Sektori që është goditur më shumë është “Tregtia; transporti; aktivitetet e akomodimit dhe shërbimit ushqimor”, që ka humbur rreth 150 milionë euro, për shkak të mungesës së udhëtimeve, anulimit të prenotimeve të turistëve, mosfrekuentimeve të bareve e restoranteve dhe përqendrimit të konsumatorëve vetëm te blerja e produkteve të domosdoshme. Një pjesë e madhe e kësaj humbjeje është e parikuperueshme, pasi p.sh., turistët që nuk erdhën në 2020 nuk do të vijnë 2 herë në 2021, apo njësoj dhe ata që nuk frekuentuan baret e restorantet.

Sektori i dytë më i goditur është industria, me humbje gati 100 milionë euro, nga të cilat industria përpunuese rreth 40 milionë euro./Monitor

LEXO TE PLOTE