Gazetarja investigative Klodian Lala ka zbuluar të tjera detaje lidhur me përgjimet e publikuara të Anti-Mafias italiane, ku flitej për interesa të mafias italiane për të investuar në ndërtim dhe shëndetësi në Shqipëri.

Lala tha se fillimisht hetimi është nisur për Antiono Gallon, por më pas janë zbuluar përfshirjet e tij për pastrim parash.

Ajo tregoi në emisionin “Opinion” se anëtarët e Ndraghetas kanë rënë në përgjim ambiental dhe për Shqipërinë janë dy përgjime specifike.

“Fillimisht hetimi është nisur për Antiono Gallo, është një hetim për pastrim parash pasi kishte dyshime se dhe në rajonin e Kalabrisë ishin vjedhur votat në favor të Franko Talarikos, por dhe në favor të një euro deputeti. Sipas dosjes në shtëpinë e Gallos janë gjetur miliona euro, janë nevojitur 24 orë për të numëruar paratë që janë gjetur në banesën të atij që konsiderohet si princi. Problemi është që pse ky personazh lidhet me Shqipërinë. Sepse ka pasur një kompani në bashkëpunim me një aksioner Henrik Baçi i cili është arrestuar për llogari të këtij hetimi.

Ai jetonte mes dy vendeve. Antonio Gallo rezulton se ka hyrë e ka dalë nga Shqipëria me dhjetëra herë. Interesi i radhës për Ndragheta ishte Shqipëria. Anëtarët e Ndragheta kanë rënë në përgjim ambiental. Dy përgjime janë specifike për Shqipërinë.  Njëri është mes Antoni Gallos dhe avokatit të tij si dhe avokatit të dy politikanëve, babë e bir. Tjetra është me një oficer policie, i cili pretendohet që kishte lidhje me Shqipërinë”, deklaroi gazetarja./ CNA.al

Një 27-vjeçar shqiptar është ekzekutuar me 5 plumba mbrëmjen e sotme në Patra të Greqisë.

Mediat greke raportojnë se i riu i identifikuar si Mario Metaj është vrarë në zonën e kryqëzimit Kourtesis, në Patras.

Sipas të njëjtave burime ai është qëlluar për vdekje nga një bandë rivale shqiptare për një sasi droge, e cila nuk ishte paguar nga viktima.

Në vendin e ngjarjes kanë shkuar forca të shumta policore të cilët po punojnë për zbardhjen e plotë të saj, ndërsa mësohet se janë vënë në kërkim të dy autorëve që hapën zjarr ndaj 27-vjeçarit shqiptar./CNA.al

Gazetari Artan Hoxha ka zbuluar detaje lidhur me përgjimet e Ndraghetas, ku u përmenden edhe emra biznesmenësh apo politikanësh shqiptarë.

Hoxha tha se ‘Princi’ i klanit mafioz Antonio Gallo ka ardhur në Shqipëri edhe para se të hapeshin hetimet.

Ai deklaroi në emisionin “Opinion” se Gallo ka përgatitur dhe ka tentuar të bëjë infrastrukturën gati për të shtrirë aktivitetin e legalizimit të parave në Shqipëri.

“Ka ardhur në Shqipëri si pararendësi i një projekti i cili synonte të sillte sasi të mëdha parash të Ndraghetës që të legalizoheshin në Shqipëri.

Në dosje mund të jenë vetëm 2-3% e përgjimeve se ato ka vendosur prokurori, por atje brenda mund të ketë pafund. Ai ka ardhur në Shqipëri, ka përgatitur dhe ka tentuar të bëjë infrastrukturën gati. Prandaj i kanë hapur dhe ato bizneset e vogla, për ta testuar që mund të ecin më lart apo jo.

Ata kanë pasur kontakt me disa persona në Shqipëri. Ai ka ardhur është përpjekur të gjithë pika kontakti më lart. Ndragjeta në Shqipëri ka ardhur shumë herët. Nuk është hera e parë”, theksoi gazetari./ CNA.al