Connect with Us

Kosova hesht, OKB i sugjeron dëmshpërblim për 6 shtetasit e dëbuar turq

Kosova & Rajoni

Kosova hesht, OKB i sugjeron dëmshpërblim për 6 shtetasit e dëbuar turq

Publikuar

-

Kosova hesht, OKB i sugjeron dëmshpërblim për 6 shtetasit e dëbuar turq

Gjashtë shtetasit turq Kahraman Demirez, Mustafa Erdem, Hasan Huseyin Gunakan, Yusuf Karabina, Osman Karakaya dhe Cihan Ozkan të arrestuar në Kosovë dhe të dëbuar në Turqi në mars 2018, u dënuan me 56 vjet dhe 7 muaj e gjysmë burgim.

Por, përkundër shumë raporteve vendore e ndërkombëtare, institucionet e drejtësisë në Kosovë deri më tani nuk kanë ngritur asnjë aktakuzë ndaj personave që dyshohen se kanë shkelur ligjin gjatë arrestimit dhe dëbimit të tyre.

Për këtë rast, shkelje të ligjeve të Kosovës, Kushtetutës dhe konventave ndërkombëtare ka konstatuar së fundmi edhe Këshilli për të Drejtat e Njeriut i Organizatës së Kombeve të Bashkuara (OKB).

Në një raport të publikuar nga Grupi i Punës për Ndalimin Arbitrar, që është një organ i përbërë nga ekspertë të pavarur për të drejtat e njeriut që hetojnë rastet e arrestimit dhe ndalimit arbitrar, kritikohen institucionet e Kosovës për veprimet e paligjshme në rastin e dëbimit të gjashtë shtetasve turq.

Kosova nuk iu përgjigj OKB-së

Në raportin e publikuar nga Këshilli për të Drejtat e Njeriut, dëshmohet se si institucionet e Kosovës nuk i janë përgjigjur grupit punues të OKB-së që ka kryer hetim për këtë rast.

Ky grup, në muajin dhjetor të vitit të kaluar përmes misionit të OKB-së në Kosovë, UNMIK, i ka dërguar kërkesë zyrtare institucioneve të Kosovës, duke kërkuar që të sqarohen veprimet e ndërmarra në rastin e arrestimit dhe dëbimit të gjashtë shtetasve turq.

“Grupit Punues i vije keq që nuk ka pranuar përgjigje nga Kosova”, thuhet në raport.

Grupi Punues konstaton shkelje të shumta duke përfshirë ato që janë bërë nga Agjencia e Kosovës për Inteligjencë, Policia e Kosovës si dhe institucionet të tjera të përfshira në aksionin e 29 marsit, 2018.

Në raport më tej thuhet se ka dyshime të shumta se akuzat ndaj gjashtë shtetasve turq, janë të pabazuara.

Grupi Punues kërkon lirimin e të dënuarve si dhe kërkon nga institucionet e Kosovës “që të garantojnë kompensim dhe dëmshpërblime të tjera në përputhje me ligjin ndërkombëtar”.

Zbehja e gjasave për hetim në Kosovë

Më 4 korrik të vitit të 2019, Prokuroria Speciale e Kosovës i tha Radios Evropa e Lirë se “janë marrë në pyetje dëshmitarë si dhe një numër mjaft i madh i të dyshuarve”.

Por, hetimet që filluan në vitin 2018 nuk është se kanë prodhuar ndonjë rezultat.

Që nga kjo kohë, Prokuroria Speciale e Kosovës nuk ka dhënë ndonjë informacion për hetimet apo ngritjen eventuale aktakuzave.

Të pyetur disa herë nga Radio Evropa e Lirë se në çfarë faze janë hetimet, Prokuroria Speciale e Kosovës nuk ka kthyer përgjigje.

REL ka provuar sërish që të marrë informacione nëse hetimet kanë përfunduar me ngritjen e ndonjë aktakuze, por zyrtarët e Prokurorisë nuk janë përgjigjur.

Juristi Kushtrim Palushi thotë se është e pakuptimtë heshtja e organeve të drejtësisë në këtë rast.

“Së paku zyrtarët e Departamentit për Shtetësi, Azil, Migracion në kuadër të MPB-së [Ministrisë së Punëve të Brendshme], që i kanë revokuar lejet e qëndrimit edhe nuk kanë dhënë mundësi për ankesë, si dhe zyrtarët përgjegjës policorë dhe komandues, e po ashtu edhe agjentët e AKI-së është dashur të ndiqen për veprën penale: keqpërdorim i pozitës apo autoritetit zyrtar; shkelja e statusit të barabartë të shtetasve dhe banorëve të Republikës së Kosovës; privimi i kundërligjshëm i lirisë; cenimi i së drejtës për ushtrimin e mjetit juridik”, thotë Palushi për Radion Evropa e Lirë.

Kuvendi i Kosovës kishte krijuar një komision hetues që konstatoi më shumë se 30 shkelje me rastin e dëbimit.

Pavarësisht se raporti i këtij komisioni i është dorëzuar edhe Prokurorisë së Kosovës, ish-anëtari i këtij komisioni, Sami Kurteshi, nuk beson se në Kosovë ka hetues apo prokuror që guxon t’i hetojë personat që kanë qenë të përfshirë drejtpërsëdrejti në këtë rast.

“Unë mendoj që ende nuk guxojnë ta hetojnë bërthamën e problemit sepse këtu urdhërdhënësit nuk kanë qenë në polici dhe AKI. Unë nuk besoj se kemi prokurori apo gjyqësi që guxon të merret me urdhërdhënësit”, thotë Kurteshi.

LEXO EDHE:  Shiu i rrëmbyeshëm dhe erërat e forta/ OKB paralajmëron rrezik për 120 mijë njerëzit në Siri

Kurteshi thotë së pas dorëzimit të raportit që kishin hartuar në Komision Parlamentar, Prokuroria nuk ka dhënë asnjë informatë nëse ka avancuar në hetimet për këtë rast.

U amnistuan personat e fuqishëm

Përveç organizatave joqeveritare, edhe Avokati i Popullit në Kosovë, kishte konstatuar dhjetëra shkelje në operacionin e arrestimit dhe dëbimit.

Ky institucion kishte kërkuar hetime penale për personat përgjegjës.

Për këtë rast, Inspektorati Policor i Kosovës kishte parashtruar kallëzim penal ndaj 22 zyrtarëve të Policisë së Kosovës të cilët kishin qenë të përfshirë në operacionin e arrestimit dhe dëbimit.

Por, Prokuroria Speciale e Kosovës nuk është përgjigjur as në pyetjen se çfarë ka ndodhur me këto kallëzime penale ndaj zyrtarëve policorë.

Këshilltari Ligjor në Institutin e Kosovës për Drejtësi, Yll Zekaj, thotë se janë dëshpëruese veprimet e organeve hetuese në këtë rast.

Zekaj thotë se Prokuroria Speciale e Kosovës ka dështuar që t’i hetojë personat e profilit të lartë të përfshirë në këtë rast.

“Sistemi ynë i drejtësisë është duke amnistuar në të gjitha rastet kur dyshohet që të njëjtit janë të përfshirë në vepra penale dhe kjo shkon në dëm të personave që kanë qenë vetëm zbatues të vendimeve, kurse amnistohen ata që janë përgjegjës drejtpërdrejt në këtë rast”, thotë Zekaj.

Zekaj thotë se e gjithë struktura e lartë shtetërore, që ka qenë pjesë kyçe për realizimin e këtij operacioni, do të duhej të merrej në përgjegjësi.

Çfarë i tha Turqia OKB-së?

Raporti i Grupit Punues për Ndalim Arbitrar në një pjesë të tij përshkruan akuzat me të cilat hetuesia turke kishte ngarkuar gjashtë të dëbuarit nga Kosova.

Përpos akuzave për terrorizëm, mes tjerash në përgjigjen që institucionet turke i dhanë Grupit Punues për Ndalimin Arbitrar, thuhet se si disa nga të arrestuarit kishin përdorur aplikacione mobile të komunikimit si ByLock, Falcon, Viber, Kakaotalk për të komunikuar me pjesëtarë të tjerë të organizatës FETO – akronimi që përdor Turqia për Lëvizjen “Hizmet” të klerikut Fetullah Gulen, që Ankaraja zyrtare e ka shpallur terroriste.

Në përgjigjen e shtetit të Turqisë thuhet po ashtu se disa nga të arrestuarit kishin deponuar edhe të holla në institucione financiare të lidhura ngushtë me Lëvizjen Hizmet.

Turqia insiston se nuk ka pasur shkelje ligjore si dhe se gjykimi ka qenë i drejt dhe i bazuar në fakte.

Historiku i dëbimit

Më 29 mars të vitit 2018, përmes një aksioni të gjerë të Policisë së Kosovës dhe Agjencisë së Kosovës për Inteligjencë, në orët e hershme të mëngjesit u arrestuan 6 shtetasit turq.

Pas arrestimit ata u dërguan në Aeroportin Ndërkombëtar të Prishtinës “Adem Jashari”, prej ku duke shfrytëzuar një fluturim privat, u dërguan në Turqi.

Pas mbërritjes atje, u përballën me një proces gjyqësor, ku në fund, u dënuan me 56 vjet dhe 7 muaj e gjysmë burgim.

Arrestimit dhe dëbimit i parapriu revokimi i lejeve të tyre të qëndrimit për të cilin veprim, më vonë, gjykata tha se ishte i jashtëligjshëm.

Nga pesë shtetasit turq, tre prej tyre posedonin leje të përhershme të qëndrimit, përkatësisht Mustafa Erdem, Yusuf Karabina, Karhaman Demirez, ndërsa dy prej tyre Hasan Hysein Demir dhe Cihan Ozkan kishin leje të përkohshme.

Njëri nga të dënuarit në këtë rast është Hasan Gunakan, i cili u arrestua gabimisht në vend të Hasan Demir, por përkundër kësaj, ai u akuzua dhe u shpall fajtor nga një gjykatë në Turqi më 28 janar, 2020.

Të vetmet veprime që u ndërmorën pas dëbimit, ishte shkarkimi i asokohe drejtorit të AKI-së, Driton Gashi dhe ministrit të Brendshëm, Flamur Sefaj.

Ata u shkarkuan me vendim të asokohe kryeministrit, Ramush Haradinaj, vetëm pak kohë pas operacionit.

Familjet e gjashtë shtetasve turq ngritën një padi ndaj institucioneve të Kosovës në vitin 2018 për arrestim dhe ndalim arbitrar të familjarëve të tyre.

Disa nga familjarët kanë kërkuar azil në Kosovë e disa të tjerë janë larguar drejt vendeve evropiane./rel

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Situata shëndetësore në Itali/ Ja sa raste me Covid janë regjistruar në 24 orët e fundit

Publikuar

-

Nga

Situata shëndetësore në Itali/ Ja sa raste me Covid janë regjistruar në 24 orët e fundit

Ministria e Shëndetësisë në Itali ka përditësuar shifrat e të infektuarve me Covid-19.

Autoritetet e shtetit fqinj bëjnë me dije se në 24 orët e fundit kanë kryer 249,988 testime dhe nga këta kanë rezultuar 1,197 raste pozitive, ndërkohë që dje ishin 1,147 raste.

Gjithashtu kanë humbur jetën 28 të infektuar, ndërsa dje u regjistruan 35 fatalitete.

LEXO EDHE:  Sali Lushaj dëshmon në Prokurori/ Ja çfarë i kërkon Ballës

LEXO EDHE:  Ditë e përgjakshme në Mianmar

Shkalla e pozitivitetit ka ardhur duke rënë, pasi sipas Ministrisë së Shëndetësisë italiane është 0.48%./ CNA.al

LEXO TE PLOTE

Kosova & Rajoni

Covid 19 në Kosovë/ Në 24 orët e fundit regjistrohet një viktimë dhe 16 raste

Publikuar

-

Nga

Ministria e Shëndetësisë njoftoi se një person ka vdekur dhe janë regjistruar 16 raste të reja me koronavirus. Rastet e reja dalin pas testimit të 1.938 mostrave, njoftoi MSH-ja.

Gjatë 24 orëve, janë shëruar 18 pacientë, ndërkaq raste aktive janë 176.

Që prej marsit të vitit 2020, e deri më 19 qershor 2021, Kosova ka regjistruar 107.645me COVID-19. Prej tyre, 2.251 kanë vdekur dhe 105.218 janë shëruar.

Sa i përket vaksinimit, gjatë 24 orëve janë 7.018 persona. Në total, 132.901 doza të vaksinës janë administruar, ku 17.476 persona janë vaksinuar plotësisht, me të dyja dozat.

LEXO EDHE:  Sali Lushaj dëshmon në Prokurori/ Ja çfarë i kërkon Ballës

LEXO EDHE:  Vijon të rritet numri i personave të prekur nga koronavirusi/ Si paraqitet situata në të gjithë botën  

Kosova nisi fushatën e vaksinimit masiv më 15 qershor. Autoritetet thonë se deri në fund të vitit do të vaksinojnë 60 për qind të popullatës. Vaksinimi po kryhet me dozat që Kosova ka marrë donacion nga Bashkimi Evropian dhe nga programi COVAX i Organizatës Botërore të Shëndetësisë. Ndërkaq, vaksinat e kompanisë Pfizer, me të cilën Qeveria ka nënshkruar kontratë për blerjen e 1.2 milion dozave, nuk dihet se kur do të arrijnë në Kosovë./ REL

LEXO TE PLOTE

Kosova & Rajoni

Qeveria nuk ka filluar vaksinimin në veri të vendit

Publikuar

-

Nga

BE-ja humb betejën ligjore me AstraZenecan për furnizim me vaksina

Që nga fundi i vitit 2020, mijëra qytetarë serbë të Kosovës janë vaksinuar në Serbi.

Në Institutin e Shëndetit Publik në Mitrovicën e Veriut, që është pjesë e sistemit shëndetësor të Serbisë, thonë për Radion Evropa e Lirë se qytetarët që jetojnë në katër komunat në veri të Kosovës, vaksinohen në Rashkë, ata nga rajoni i Anamoravës (Gjilan, Kamenicë, Viti) shkojnë në Bujanoc, ndërkaq qytetarë të tjerë nga Kosova shkojnë edhe në Kurshumli.

“Deri më tash në ato qytete kanë marrë dozën e parë të vaksinës kundër COVID-19, rreth 24.000 serbë nga Kosova, ndërkaq që dozën e dytë e kanë marrë 22.500 persona”, thuhet në përgjigje.

Vaksinimin e qytetarëve serbë të veriut në Serbi, e ka konfirmuar edhe zëvendëskryetarja e Komunës së Mitrovicës së Veriut, Adrijana Hoxhiç.

Ajo tha për Radion Evropa e Lirë se vaksinimi i nisur në Prishtinë, nuk ka filluar në veri të Kosovës, pasi sipas saj, qytetarët e kësaj pjesë të Kosovës, janë vaksinuar me vaksinat e siguruara nga Qeveria e Serbisë.

“Në veri, unë me sa e di qytetarët janë vaksinuar në Rashkë, përmes spitalit i cili po funksionon në veri. Qytetarët e veriut në përgjithësi kanë shkuar andej (në Serbi), nuk ka pasur vaksinim në vend (në Kosovë)”, tha Hoxhiç.

Radio Evropa e Lirë ka kërkuar përgjigje nga Ministria e Shëndetësisë të Kosovës lidhur me procesin e vaksinimit, por zyrtarë të kësaj ministrie nuk kanë kthyer përgjigje lidhur me vaksinimin e qytetarëve në komunat në veri të Kosovës, që janë me shumicë serbe.

Anëtarët e Komisionit për Shëndetësi në Kuvendin e Kosovës, thonë se ministri i Shëndetësisë, Arben Vitia ka dështuar në sigurimin e vaksinave kundër COVID-19.

Bekim Haxhiu, deputet i Partisë Demokratike të Kosovës (PDK), tha për Radion Evropa e Lirë se Ministria e Shëndetësisë dhe Qeveria e Kosovës, ka propaganduar për fillimin e vaksinimit në masë.

Ai tha se aktualisht Kosova nuk ka vaksina të mjaftueshme.

“Deri më tani Kosovës i janë dhuruar donacion rreth 180 mijë vaksina, derisa janë vaksinuar mbi 118 mijë qytetarë. Pra, në stok janë më pak se 60 mijë vaksina dhe me më pak se 60 mijë vaksina nuk mund të pretendohet që të ketë vaksinim në masë. Por, me propagandë dhe me reklamë nuk bëhet vaksinimi, por me vaksina dhe me punë konkrete”, tha Haxhiu.

Haxhiu nuk pret që deri në fund të vitit të vaksinohen 60 për qind e qytetarëve, ashtu edhe siç ka premtuar ministri i Shëndetësisë, Arben Vitia.

“Ministria nuk jep informata se ku janë vaksinat tjera, kur do të arrijnë vaksinat tjera? Nëse e mban fshehtë çmimin se sa i ka kontraktuar dhe që lë edhe shumë hapësirë për dyshime sa i përket çmimit të kontraktimit të blerjes së vaksinave. Nuk ka aspak transparencë në këtë proces, ministria është tërësisht e mbyllur sa i përket këtij procesi”, tha Haxhiu.

LEXO EDHE:  OKB: Do të duhen vite për rimëkëmbjen globale nga Covid-19

LEXO EDHE:  Thirrja e fortë e zyrtares së OKB-së/ Çfarë duhet bërë për të parandaluar pandemi të reja

Deputeti Haxhiu tha se vaksinimi duhet të ndodh në të gjithë territorin e Kosovës, edhe pse një pjesë e qytetarëve të Kosovës sipas tij, janë vaksinuar në Serbi dhe në Shqipëri.

Ish-ministri i Shëndetësisë në qeverinë e kaluar, Armend Zemaj, tha për Radion Evropa e Lirë se jo që nuk ka vaksinim masiv, por ka vetëm mashtrim optik.

“Jemi vendi me më së keqi sa i përket vaksinimit, sidomos doza e dytë pothuajse nuk ka kaluar më shumë 10 mijë. Vaksinat do të vijnë, por me këtë logjikë do të vijnë në pjesën e fundit të vitit, edhe atëherë cili është rezultati i ruajtjes së shëndetit publik”, tha Zemaj.

Zemaj tha se Ministria e Shëndetësisë deri më tani nuk ka treguar asnjë informatë për të vaksinuarit në pjesën veriore e as për të vaksinuar në komunat tjera që janë me shumicë serbe, por as për qytetarët që janë vaksinuar jashtë territorit të Republikës së Kosovës.

Ministria e Shëndetësisë në Kosovë më 15 qershor (të martën), nisi fushatën e vaksinimit në masë, duke premtuar se deri në fund të vitit do të vaksinohen 60 për qind e qytetarëve të Kosovës.

Por, me ritmin aktual, vështirë të arrihet numri prej 320 mijë qytetarëve të vaksinuar brenda muajit, ashtu siç është premtuar nga ministri i Shëndetësisë, Arben Vitia.

“Deri në fund të vitit do të kemi në dispozicion rreth 2 milionë doza të vaksinave anti-COVID, dhe nëse e bëjmë një llogaritje i bie që brenda muajit të kemi mundësinë që brenda muajit të vaksinojmë 320 mijë qytetarë”, deklaroi Vitia më 15 qershor, ku bëri të ditur se vaksinimi masiv do të vazhdojë deri më datën 15 dhjetor.

Që nga fillimi i fushatës së vaksinimit në Kosovë më 29 mars të këtij viti e deri të premten, sipas Koordinatorit të Qendrës së Vaksinimit në Sallën ‘1 Tetori’ në Prishtinë, Niman Bardhi, janë vaksinuar rreth 130 mijë qytetarë të Kosovës.

“Totali i përgjithshëm i dozave të dhëna deri në këto qaste në nivel vendi, janë mbi 129 mijë e 200 vaksina”, tha Bardhi të premten para gazetarëve.

Kosova ka pranuar donacione vaksinash nga programi COVAX i Organizatës Botërore të Shëndetësisë dhe nga Bashkimi Evropian.

Në muajin maj, autoritetet e Kosovës kanë njoftuar se kanë nënshkruar një kontratë me kompaninë farmaceutike amerikane Pfizer, për blerjen e mbi 1 milion dozave të vaksinës Pfizer/BioNTech./REL

LEXO TE PLOTE