Connect with Us

Koronavirusi nuk ka të ndalur/ Shifra alarmante në botë, Brazili tejkalon 6 milionë të infektuar

Bota

Koronavirusi nuk ka të ndalur/ Shifra alarmante në botë, Brazili tejkalon 6 milionë të infektuar

Publikuar

-

Shtetet e Bashkuara të Amerikës kanë regjistruar gjithësej 11,895,876 raste me Coronavirus dhe 254,297 të vdekur, sipas të dhënave nga Universiteti Johns Hopkins.

Vijojnë të rriten shifrat dhe në Brazil i cili  ka tejkaluar pragun e gjashtë milionë njerëzve të infektuar nga Covid. Vetëm gjatë 24 orëve të fundit ka regjistruar 38,397 raste të reja, dhe 552 vdekje duke e çuar totalin e viktimave në 168,613.

Meksika raportoi gjatë 24 orëve të fundit 719 vdekje të reja nga Covid, duke e çuar në total numrin e viktimave në 100,823. Në 24 orët e fundit ka pasur 6,426 raste të reja, duke regjitruar një total prej 1,025,969 rastesh. Me këto shifra, Meksika konfirmohet si vendi i njëmbëdhjetë në botë me më shumë infeksione dhe i katërti me vdekje më absolute, sipas Universitetit Johns Hopkins.

Argjentina regjistroi 9,608 raste të reja me koronavirus, duke e çuar numrin e përgjithshëm të të infektuarve në 1,359,042, ndërsa vdekjet kapën shifrën e 36,790.

LEXO EDHE:  Mbyt gruan me rripin e pantallonave

Panamaja regjistroi 1,200 raste të reja me Covid-19 dhe 10 vdekje gjatë 24 orëve të fundit, duke regjistruar një total prej 152,289 të infektuarish dhe 2,932 vdekje.

Situata vijon të mbetet shqetësuese dhe në Gjermani.  Ky vend shënoi 22,964 raste të reja të Covid-19 në 24 orët e fundit. Numri i përgjithshëm i të infektuarve në vend ka kaluar 900 mijë.

Në 24 orët e fundit Bullgaria ka regjistruar 129 vdekje për shkak të koronavirusit duke e çuar numrin e viktimave në një total prej 2,778.

Pakistani ka regjistruar 42 vdekje dhe 2,843 raste të reja të koronavirusit në 24 orët e fundit, sipas të dhënave nga Ministria e Shëndetësisë. Ky është një rekord për vendin që nuk ka parë shifra kaq të larta që nga mesi i korrikut./Përshtatur nga CNA.al

Burimi: https://www.rainews.it/dl/rainews/articoli/Coronavirus-In-Usa-altri-197-mila-casi-in-Messico-un-milione-di-contagi-49fe66dc-e87e-4ed7-94f2-8785e2a76365.html?refresh_ce

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Covid-19 në Kosovë/ Dy viktima dhe 49 raste të reja me koronavirus

Publikuar

-

Nga

Në Kosovë u konfirmuan të premten dy viktima nga koronavirusi dhe 49 raste të reja të të infektuarve. Instituti Kombëtar i Shëndetësisë Publike të Kosovës tha se një rast i vdekjes u regjistrua në Mitrovicë dhe një në Vushtrri.

Sipas tij, rastet e reja pozitive rezultuan pas testimit të 1,835 mostrave. Shifra prej 49 i bie që dy për qind e të testuarve kanë dalë pozitivë.

IKSHPK-ja po ashtu njoftoi se në 24-orëshin paraprak, 310 pacientë janë shëruar nga koronavirusi. Me këto shifra, numri i përgjithshëm i të infektuarve në Kosovë arrin në 106,803, i viktimave në 2,220 dhe i të shëruarve në 99,097.

LEXO EDHE:  Bie në një gropë me serë/ Ndërron jetë 68-vjeçarja

LEXO EDHE:  Vaksinimi jep efekt/ Shqipëria del nga harta e kuqe e COVID në botë

Raste aktive aktualisht janë 5,486. Në Kosovë është në zhvillim e sipër faza e dytë e vaksinimit, ku bëjnë pjesë personat e moshës 65-79 vjeç.

Në fazën e parë që ka nisur në fund të marsit, përparësi u është dhënë punonjësve shëndetësorë dhe personave mbi 80 vjeç.

Në fazën e tretë, ndërkaq është thënë se do të vaksinohen 50 për qind e qytetarëve. Kosova po zhvillon fushatën e imunizimit me vaksina të dhuruara nga Organizata Botërore e Shëndetësisë dhe Bashkimi Evropian.

Vendi nuk ka të nënshkruar asnjë kontratë për blerje vaksinash nga ndonjë kompani farmaceutike. REL

LEXO TE PLOTE

Kosova & Rajoni

Menaxhimi i vaksinimit/ Opozita kritikon Qeverinë

Publikuar

-

Nga

Partitë opozitare në Kosovë kritikuan Qeverinë e Kosovës për, siç thanë, dështimin për ta menaxhuar procesin e vaksinimit të qytetarëve kundër koronavirusit.

Reagimet e dy partive opozitare, Partisë Demokratike të Kosovës dhe Lidhjes Demokratike të Kosovës, vijnë pasi në mëngjesin e së premtes, Policia e Kosovës u desh të ndërhyjë për të vënë rend pranë sallës “1 Tetori” në Prishtinë, ku ishin mbledhur një numër i madh qytetarësh, për t’u vaksinuar kundër koronavirusit.

Në sallën “1 Tetori”, prej 12 majit, ka nisur vaksinimi i personave mbi 65 vjeç. Ushtruesi i detyrës së kryetarit të PDK-së, Enver Hoxhaj, tha në një konferencë për media se Qeveria e kryeministrit Albin Kurti duhet të mbajë përgjegjësi morale dhe penale, pasi, sipas tij, shteti ka bërë “krim ndaj qytetarëve”.

“Sot ishim dëshmitarë të skenave tronditëse, ku të moshuarit shtyheshin me njëri-tjetrin, pa fajin e tyre, për ta marrë një vaksinë, ndërsa Qeveria, kryeministri Kurti, ministri [i Shëndetësisë, Arben] Vitia i kishin braktisur ata dhe po i braktisin çdo ditë qytetarët në një betejë të vështirë me pandeminë”.

“Sot ishim dëshmitarë se mungoi shteti, mungoi kryeministri dhe mungoi ministri i Shëndetësisë. Kjo për ne, si PDK, është e papranueshme dhe është e patolerueshme”, tha Hoxhaj.

Deputeti i LDK-së, njëherësh ish-ministër i Shëndetësisë, Armend Zemaj, tha se pamjet e sotme pranë sallës “1 Tetori” janë pasojë e neglizhencës së ekzekutivit.

LEXO EDHE:  Bie në një gropë me serë/ Ndërron jetë 68-vjeçarja

LEXO EDHE:  Rritet migrimi në SHBA, dominojnë migrantët nga Azia

“Qeveria, e udhëhequr nga Albin Kurti, dhe ministri Vitia sot kanë rrezikuar qytetarët, duke u bërë shpërndarës të infeksionit, por edhe duke rrezikuar drejtpërdrejt jetën e tyre”, tha Zemaj.

Zemaj tha se Qeveria Kurti nuk po e respekton as planin e imunizimit kundër sëmundjes që e shkakton koronavirusi, COVID-19, dhe ftoi organet kompetente që të hetojnë këtë gjë.

Ministria e Shëndetësisë e Kosovës tha të premten se në sallën “1 Tetori” mund të vaksinohen vetëm qytetarët e Prishtinës.

Ministria tha se grumbullimi i një numri të madh të personave në qendrën e vaksinimit në Prishtinë është rezultat i shkuarjes së qytetarëve të komunave të tjera atje.

“Qytetarët e komunave të tjera të Republikës së Kosovës luten që t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen”, tha Ministria e Shëndetësisë.

Në Kosovë, imunizimi i qytetarëve kundër COVID-19 bëhet përmes një plani të ndarë në tri faza.

Në fazën e parë janë vaksinuar të moshuarit mbi 80 vjeç, punëtorët shëndetësorë dhe personat me sëmundje kronike.

Në fazën e dytë është paraparë që të vaksinohen personat 65-79 vjeç, mësuesit dhe forcat e sigurisë, të përfshira në menaxhimin e pandemisë.

Ndërkaq, në fazën e fundit është thënë se do të vaksinohen 50 për qind e popullatës.REL

LEXO TE PLOTE

Bota

Zonat kufitare Armene/ Macron kërkon tërheqjen e trupave azerbajxhanase

Publikuar

-

Nga

Presidenti francez Emmanuel Macron ka kërkuar që Azerbajxhani të largojë menjëherë trupat që ka në zonat kufitare me Armeninë.

“Forcat e armatosura të Azerbajxhanit kanë pushtuar territorin armen. Ato duhet të largohen menjëherë”, ka shkruar Macron në Facebook.

“Unë i them edhe një herë popullit armen se Franca solidarizohet me ju”, ka shkruar ai në një postim në gjuhën armene. Macron ka komentuar situatën kufitare në mes të Armenisë dhe Azerbajxhanit pasi ka biseduar përmes telefonit me ushtruesein e detyrës së kryeministrit në Armeni, Nikol Pashinian.

Prsidenti francez po ashtu ka thënë se shpreson që Këshilli i Sigurimit i Kombeve të Bashkuara do të mund të ndihmojë “në kthim të stabilitetit dhe sigurisë në këtë rajon”. Ndërkohë pala armene ka thënë se Pashinian ka falënderuar Macronin për “qasjen miqësore” ndaj Armenisë.

Forcat e Azerbajxhanit është raportuar të kenë depërtuar disa kilometra në provincën Syunik të Armenisë.

LEXO EDHE:  Zgjedhjet në SHBA/ Çfarë pret Gjermania?

LEXO EDHE:  Rritet migrimi në SHBA, dominojnë migrantët nga Azia

Sipas ministrisë armene të Mbrojtjes, ata po ashtu kanë shkelur në dy zona të kufirit mes dy shteteve më 13 maj. Azerbajxhani ka insistuar se trupat nuk kanë kaluar në territorin armen dhe vetëm janë pozicionuar në anën azerbajxhanase, ku nuk kanë pasur qasje në muajt e dimrit.

Ministria e Jashtme në Baku ka thënë po ashtu se kufiri në mes të këtyre dy shteteve nuk është demarkuar asnjëherë, prej rënies së Bashkimit Sovjetik.

Deklaratat kundërthënëse kanë ardhur teksa zyrtarë ushtarakë të të dyja shteteve, janë takuar në kufi, duke tentuar të zgjidhin konfliktin.

Përfaqësuesit e trupave ruse është thënë se kanë marrë pjesë në negociata, që kanë zgjatur disa orë.

Asnjë marrëveshje konkrete nuk është bërë e ditur më pas. REL

 

LEXO TE PLOTE