Connect with Us

Gjoba nuk i bën derman Presidentin/ Erion Braçe nxjerr fotot nga ditëlindja e Bes Kallakut: A ka më turp!

Politikë

Gjoba nuk i bën derman Presidentin/ Erion Braçe nxjerr fotot nga ditëlindja e Bes Kallakut: A ka më turp!

Publikuar

-

Gjoba nuk i bën derman Presidentin/ Erion Braçe nxjerr fotot nga ditëlindja e Bes Kallakut: A ka më turp!

Zëvendëskryeministri Erion Braçe, teksa ka uruar aktorit Bes Kallaku për 35-vjetorin e tij, e ka përqendruar vëmendjen tek mos zbatimi i masave kundër Covid-19.

Ai kritikon ashpër presidentin Ilir Meta dhe kryetaren e LSI-së Monika Kryemadhi të cilët dëfryen duke e e harruar Covidin dhe masat e qeverisë.

Braçe shkruan se politikanët që kanë marrë pjesë në festë maskën e mbajnë vetëm kur dalin në televizor, ndërsa shqetësimin për shqiptarët e infektuar, sipas tij, e kane retorike politike, instrument permes te cilit mendojne se do kapin pushtetin.

Reagimi i plotë

BES, TE BEHESH 135 VJEC;

PER VETE, PER PRINDERIT,

PER ZONJEN E VAJZEN!

Te kesh cdo te mire per vete e per ta!

Te kesh SHENDET o Bes, per vete e per ta!

Tani, gezimi kur ben 35 vjec eshte normal, po ne kete kohe a eshte i ligjshem?;

Po le menjane ligjin edhe pse duhet te jete i pari, por po pyes nga pikpamja morale!!

Une them joooo!

Ti je nje figure publike e kudo ne bote,  te tille-jane apo jo te infektuar, e kane kaluar apo jo Covid, percjellin mesazh per te tjere njerez!

Kjo i ben modele edhe me te mire, te tille qe vlejne edhe sherbejne!

Nejse, te rrosh sa me shume!

LEXO EDHE:  Jonida Maliqi feston sot ditëlindjen dhe befasoi të gjithë me moshën e saj

Tani kam dy fjale per keta njerezit e festes, keta te politikes;

A E KUPTONI SE SA FALS JANE?

A E KUPTONI QE MASKEN E KANE PER NE TV E ASKUND KU JETOJNE?

A E KUPTONI QE “SHQETESIMIN” PER NUMRIN E SHQIITAREVE TE INFEKTUAR, TE SHTRUAR NE SPITALE APO QE KANE HUMBUR JETEN, E KANE RETORIKE POLITIKE, INSTRUMENT PERMES TE CILIT MENDOJNE SE DO KAPIN PUSHTETIN?

A e kuptoni qe keta refuzojne cdo ligj, cdo rregull, cdo mase, perbuzin cdo perpjekje te njerezve te zakonshem dhe te mjekeve e infermiereve te jashtezakonshem?

Por mbi te gjitha;

A E KUPTONI SE KETA REFUZOJNE TE JENE SI JU, TE BARABARTE ME JU?!

E di qe do me turreni tani me pyetjen legjitime:

Po keta pse nuk gjobiten?!

Ca tu them?

Po ju pergjigjem edhe une me nje pyetje:

A KA ME TURP SE NJE PRESIDENT QE THYEN LIGJET E RREGULLAT E REPUBLIKES SE TIJ?

E ftillon gjoba nje te tille?

Une them se ajo 3000 lekeshja nuk i ben derman!

Pyetje e kam;

A SHKRUAJME NGA NJE GJOBE SI POPULL PER KETE;

#GJOBEPERPRESIDENTIN

vo: po ky politikani i ri qe quan shkelje ligji pse i tregojne rregullat ne nje fushe dhe shkel ligjin sic e shihni ne kohe pandemie, cfare do ketu?!

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Projeksionet e ”zymta” të FMN-së/ Dorian Teliti: Të veprohet sa nuk është vonë

Publikuar

-

Nga

Projeksionet e ''zymta'' të FMN-së/ Dorian Teliti: Të veprohet sa nuk është vonë

Fondi Monetar Ndërkombëtar (FMN) publikoi të hëhnën raportin për Shqipërinë, ku mes tjerash thuhet se pandemia Covid bëri që deficiti të arrijë në 10 për qind të PBB-së. Në raport theksohet se me paketat e ndihmës që dha qeveria për qytetarët dhe bizneset, Shqipëria rezulton vendi me asistencën më të vogël financiare në rajon.

Dorian Teliti, drejtori i Kabinetit të kryetarit të Partisë Demokratike tha në Euronews Albania se raporti i FMN-së tregoi shqetësimet reale socio-ekonomike, që ka sot Shqipëria.

“Ne kemi lexuar me imtësi raportin e FMN, faqe në faqe, fjali në fjali, dhe fjalë në fjalë. FMN zyrtarizoi në raportin e djeshëm atë për të cilën ka nevojë Shqipëria, që qeveria të mbështesë ekonominë dhe të mbështesë shëndetësinë. Në rastin më të mirë jemi dy herë më pak se vendet e rajonit. Ky raport duhet të lexohet qartë dhe të veprohet sa nuk është vonë. Ne e kemi lexuar si opozitës, si ekspertë dhe me realizëm”, tha ai.

Përballë gazetares Ilva Tare, z.Teliti shtoi se në raportin e FMN-së vihet re një mungesë e theksuar e optimizmit për ekonominë shqiptare.

“Mungon skenari optimist, dhe rrit ndejshëm borxhin publik në 88%, pa përfshirë borxhet dhe PPP-të, që është një alarm shumë i madh”, u shpreh ai.

LEXO EDHE:  Jonida Maliqi feston sot ditëlindjen dhe befasoi të gjithë me moshën e saj

LEXO EDHE:  Moderatorja shqiptare feston ditëlindjen/Tregon moshën dhe i befasoi të gjithë

Më tej, z. Teliti thotë se qeveria në kushtet e pandemisë duhet të ulë shpenzimet e tepërta, dhe të përqendrohet tek sfidat aktuale.

“Në kohë postërmeti dhe në kohë pandemie, kontratat koncesionare, dhe të gjitha shpenzimet që nuk janë primare duhet të stopohen një orë e më parë. Nuk e kemi luksin të çojmë para në drejtime të gabuara. Mundësitë janë, por ajo që duhet bërë është që të rishikohen të gjitha prioritetet. Në raportin e saj, FMN-ja e ka thënë që me anë të instrumenteve, qeveria duhet të krijojë rezervat për t’i bërë ballë situatës. FMN-ja thotë: stop çdo lloj shpenzimi të panevojshëm dhe jo-prioritar. Ne kemi nevojë për një qeveri normale. Duhet që një qeveri, që të kapë ato prioritete dhe t’u përgjigjet sfidave që dalin përpara”, u shpreh Teliti.

LEXO TE PLOTE

Politikë

Ylli Manjani: Aktet Normative kanë prishur hierarkinë kushtetuese

Publikuar

-

Nga

Ylli Manjani: Aktet Normative kanë prishur hierarkinë kushtetuese

Ish-ministri i Drejtësisë, Ylli Manjani thotë se në mënyrë të paprecedentë qeveria ka ndryshuar pesë herë Aktin Normativ për pandemisë, duke hedhur poshtë të gjitha ligjet e vendit dhe bie në kontradiktë me Kushtetutën.

“Qëllimi i akteve është të disiplinojë publikun dhe jo luftimin e infeksionit. Akti Normativ është ligj por Kushtetuta e ka përcaktuar qartë rastet kur duhet miratuar një i tillë. Në nenin 101 të Kushtetutës thuhet se, Këshilli i Ministrave miraton Akt Normativ në nevojë dhe urgjencë, janë masa të përkohshme dhe miratohen nga Kuvendi”, tha ai.

“Në vitin 2016, Parlamenti i Shqipërisë ka miratuar një ligj me nr. 15 “Për parandalimin dhe luftimin e infeksioneve dhe sëmundjeve”. Ky ligj vjen si rezultat i praktikës së OBSH për të përcaktuar se si duhet të sillet shteti në situatë pandemi. Nëse ky ligj nuk mjafton mund të shkojmë të ligji i dytë për emergjencat civile. Kjo do të ishte rruga normale. Në këtë ligj përcaktohet mirë se çfarë është pandemia, si mbyllen njerëzit në karantinë si del urdhri, si bëhet gjurmimi, a duhet mbajtur maskë apo jo. Në të gjithë Evropën, ministri i Shëndetësisë vendos rregulla me urdhra”, tha z. Manjani.

Juristi theksoi se minimalisht akti duhej të kalonte në Gjykatë Kushtetuese duke theksuar se, kjo gjykatë ka marrë në shqyrtim dy herë aktet normative, njëherë në vitin 2006 dhe 2013 dhe në të dy rastet dhe gjykata ka insistuar te fjalët nevoja dhe urgjenca, përkohshmëria dhe sigurisht pasoja. “Pandemia është urgjencë por jo nevojë sepse ne e kishim ligjin dhe nuk kemi pse të kemi një ligj me 6 nene”, tha ish-ministri i Drejtësisë.

Sipas z. Manjani me aktet normative është prishur hierarkia kushtetuese dhe shtoi se nëse qeveria nxjerr në mënyrë kaq rutinë akte normative bëhet pyetja a kemi siguri juridike në këtë vend.

LEXO EDHE:  FOTO-Nevina Shtylla feston ditëlindjen/ Moderatorja merr surprizën e bukur në mesnatë

LEXO EDHE:  Ndeshja Turqi-Shqipëri/ FSHF merr masa drastike

“Shqipëria është në gjendje pandemie. Gjendja e jashtëzakonshme vjen për shkak të një gjendjeje lufte, kur të ka shpall luftë një shtet në kuptimin ligji. Gjendja e dytë është gjendja e emergjencës për shkak të fatkeqësisë natyre. Ka edhe një gjendje të ndërmjetme kur prishte rendi kushtetues.

Pandemia i përfshin të gjitha. Edhe në ’45 kur Enver Hoxha u mori pronat, me Akt Normativ e bëri, me dy gisht letër. Pronat janë të popullit, ju keni vjedh tha ai. Fakti që nuk kemi gjykatë kushtetuese nuk do të heshtim pavarësisht se kjo është shumë e rëndë”, tha juristi. Z. Manjani u shpreh se qeveria ka shkuar deri aty sa me vendim ka mbyllur dhe gjykatat dhe ka kufizuar liritë ndërkohë që shtoi se, “Kushtetuta nuk i kufizon liritë as në luftë”.

LEXO TE PLOTE

Politikë

Qeverisja në pandemi/ Avokati Vishaj: Politikanët t’i kërkojnë falje shqiptarëve

Publikuar

-

Nga

Qeverisja në pandemi/ Avokati Vishaj: Politikanët t’i kërkojnë falje shqiptarëve

Rritja e rasteve të infektuarve me Covid-19 në Shqipëri ka detyruar qeverinë të nxjerrë akte normative për të vendosur kufizime ndaj qytetarëve. Qeveria thotë se vendosja e akteve ka për qëllim kontrollin dhe kufizimin e përhapjes e shpejtë të virusit në popullatë.

Por sa ligjore dhe sa të drejta janë këto masa? Pavarësisht gabimeve, avokati Saimir Vishaj në intervistë me gazetaren Ilva Tare në Euronews Albania tha se këto vendime vijnë për shkak të situatës së jashtëzakonshme, që është krijuar nga pandemia Covid-19.

“Nëse në mars na u quajt propagandë, sot jemi në gjendje të jashtëzakonshme. Me vendimet e këshillit të ministrave, sot ne jemi në gjendje të jashtëzakonshme. Nuk i takon qeverisë, por mund t’i takojë presidentit të Republikës. Jemi në situatë të jashtëzakonshme, që çdo vendim i Këshillit të Ministrave, nuk është vendimmarrje individuale, por është vendimmarrje e pandemisë globale”, tha ai.

Ai tha se viti i ardhshëm do jetë vit i vështirë në kuadrin e zbatimit të ligjeve për shkak të mungesës së pushtetit gjyqësor.

“Për aq kohë sa nuk kemi pushtet gjyqësor, ne nuk kemi shtet.  Pushteti gjyqësor është kontrollues të pushtetit legjislativ apo ekzekutiv. Unë mendoj se viti 2021, do jetë më i vështirë se 2020 se nuk ke pushtet gjyqësor. Kur nuk ke pushtet gjyqësor, nuk mund të flitet për të drejtat dhe liritë e njeriut”, theksoi ai.

Pavarësisht situatës së pandemisë, avokati Vishaj mbajti qëndrim kritik ndaj qeverisë, ndërsa tha se për tetë muaj me anë të akteve normative ka mbyllur edhe gjykatat.

“Jemi në situatë që nuk e kemi kaluar. Po na vdesin njerëz, ne sot duhet të kishim ardhur me nota optimiste. Po na vdesin shokë, dhe kjo është situatë e jashtëzakonshme, dhe kjo është situata më e rëndë që po kalojmë. Qeveria nuk ka asnjë të drejtë morale dhe ligjore, që të mbyllë gjykatat. Nuk ka asnjë forcë, por pajtohem, se për tetë muaj gjykatat i kemi të mbyllura. KLGJ i referohet aktit normativ dhe na kanë lënë pa Gjykatë të Lartë.  A ka abuzime? Ka akuzime”, shtoi ai.

LEXO EDHE:  Bes Kallaku i nxorri fotot e 20 viteve më parë, reagon Sinan Hoxha

LEXO EDHE:  Ana Lika feston ditëlindjen/ Festa gjigande me shumë miq

Tre vite nga fillimi i punës së dy organeve të vetingut, sot  ish-kryetari i Komisionit të Posaçëm për Reformën në Drejtësi, Fatmir Xhafaj propozoi ngritjen e një grupi pune për të evidentuar problematikat e hasura gjatë kësaj periudhe.

Avokati i njohur foli për këtë ide të z.Xhafaj, po tha se edhe ai ka “mëkatet e veta” në hartimin e kësaj reforme në sistemin  e drejtësisë. Ai shtoi se politika duhet t’u kërkojë falje qytetarëve, që sot Shqipëria nuk ka Gjykatë Kushtetuese dhe as të Lartë.

“Xhafaj ia fut kot, sepse Xhafaj ishte projektor i kësaj reforme që e kemi sot. Sot Xhafa nuk mund të ngrinte vetting në Polici, aq më tepër këtë lloj vetitngu duke filluar nga poshtë lart dhe jo. Nuk ka asnjë vend në botë, që ne ngelëm pa Gjykatë të Lartë dhe Gjykatë Kushtetuese. Sot duhet t’u kërkojnë ndjesë shqiptarëve që sot janë pa Gjykatë Kushtetuese. Politika e ka fajin. Jemi pa pushtet gjyqësor dhe kjo tregon se nuk kemi shtet. Avokatët po flenë gjumë. Edhe gjyqtarët dhe prokurorët që kanë kaluar vetingun nuk janë më të mirët.

LEXO TE PLOTE