Connect with Us

“Tani është aksioner i inceneratorëve”/ Berisha nxjerr fakte: Ja çfarë shkruante Blushi kur drejtonte Libra

Politikë

“Tani është aksioner i inceneratorëve”/ Berisha nxjerr fakte: Ja çfarë shkruante Blushi kur drejtonte Libra

Publikuar

-

Ish kryeministri Sali Berisha ka publikuar në rrjetin social një dokument, ku tregon se si Ben Blushi në kohën kur drejtonte Libra dilte kundër megaaferës korrupstive të inceneratorëve.

Berisha tha se Blushi e ka shndërruar Top Channel në zëdhënësin e mafies së plegrave, duke theksuar se pas 4 vitesh, Blushi është bërë aksioner i inceneratorëve.

“Arben Malavita 4 vite me pare denonconte ne Libra djegsat se megaafere korruptive! Sot ky mafioz eshte aksioner i tyre. Ai ka shnderruar TV qe drejton ne Top zedhenesib e mafies se plehrave! Ketu me poshte keni dokumentin se çfare shkruante ai ne Libra ne vitin 2016 per djegsat si megaafere korruptive te qeverise! Lexojeni sipas deshires! Sb”, tha ai.

Shkrimi i publikuar nga Berisha:

05 Dec

2016

COMMENTS 0

Dhënia me konçesion për ndërtimin e incineratorët në Elbasan e Fier nuk është gjë tjetër veçse një aferë korruptive e cila rëndon xhepat e qytetarëve.

Pavarësisht se me administratorë të ndryshëm, si Albtek Energy ( konçesionari i Elbasanit) ashtu edhe Integrated technology Ëaste treatement Fier (fituesi i tenderit të Fierit) sipas Qendrës Kombëtare të Biznesit kanë të njëjtën adresë – Sky Toëer, kati 13. Edhe adresa dytesore e rregjistruar në QKB është e njëjtë ( Elbasan, nënstacioni elektrik).

Pyetja e Libra është: a thua kjo të jetë vetëm një rastësi?

Të dyja kompanitë kanë një kapital fillestar 100.000 Lekë ndërkohë që do ndërtojnë impjante me një vlerë prej respektivisht 22 dhe 28milion Euro.

Pyetja e Libra është me çfarë parash do të sigurojnë ato bashkëfinancimin e investimit që në rastin e Elbasanit është 9.5 Milion Euro?

Ka një kakofoni të ndërveprimit të institucioneve dhe afateve kohore që gjithsecila i ofron Albtek Energy. Koncensioni i dhënë nga Ministria e Mjedisit me VKM nr 907 17/12/2014 ( zbardhur në fletoren zyrtare të datës 6 janar 2015) nga njëra anë flet për koncesion 7 vjeçar. Leja e ndërtimi eshte dhënë me vendim nr 1, datë 27/01/2015 të Këshillit Komëtar të Territorit, vetëm 15 ditë pas zbardhjes së koncesionit. Ndërkohë që Këshilli i Ministrave me propozim të Ministria e Energjisë dhe Industrisë ka miratuar “Ndërtimin dhe shfrytëzimin e impiantit me rikuperim të energjisë nga trajtimi i mbetjeve” me VKM Nr. 792, datë 9.11.2016 me një kohëzgjatje prej 25 vitesh. Çuditërisht po në të njëjtën ditë ERE ka miratuar fillimin e procedurave për licensimin e shoqërisë “Albtek Energy” sh.p.k në aktivitetin e prodhimit të energjisë elektrike nga impianti i përpunimit të mbetjeve urbane, megjithëse sipas po këtij vendimi dokumentat e paraqitura nga kompania janë pjesërisht të sakta. Në qershor të 2016 kryebashkiaku i Elbasanit ka përgëzuar përfundimin e investimeve në impjant.

Pyetjet e Libra janë: pse ka mos rakordim të kohëzgjatjes së koncensionit dhe vendimit të shfrytëzimimit? Si është dhënë leja e ndërtimit në një kohë rrekord prej 15 ditësh kur kompania duhej të kishte edhe lejen e mjedisit dhe ‘vlerësimin e ndikimit në mjedis’, procese këto që në bazë të legjislacionin në fuqi kërkojnë një proces konsultimi për të paktë 30 ditë? Pse studimi i vlerësimit të ndikimit në mjedis nuk është publik në faqen e Ministrisë së Mjedist siç e kërkon ligji? Përse leja për ndërtim dhe shfrytëzim nga ana e Ministrisë së Energjisë dhe Industrisë vjen pasi ka mbaruar ndërtimi i veprës?

LEXO EDHE:  Si dështoi Ben Blushi me LIBRA-n

Marrëveshja e konçesionit është një marrëveshje shumë e dobët nga këndvërshtrimi juridik. Ajo nuk jep aspak informacion mbi teknologjinë që do përdoret, standartet mjedisore që do përdoren, detyrimet e koncesionarit nëse dështon në përmbushjen e këtyre standarteve. Gjithashtu marrëveshja detyron shtetin që të përjashtojë nga përdorimi dhe përpunimi i mbetjeve të qarkut të Elbasanit çdo operator tjetër përveç incineratorit.

Pyetjet e Libra në këtë rast janë: pse ky përjashtim kur sipas hirearkisë së mbetjeve të aprovuar nga shteti Shqiptar kushtëzohet riciklimi përpara insenerimit? Përse shteti i garanton koncesionarit shitjen e energjisë së prodhuar, kur ky treg tashmë është i liberalizuar? Përse Koncensioni nuk jep asnjë informacion apo të dhënë për mënyrën e operimit pas ndërtimit, sa do të jetë kosto e insenerimit për çdo ton mbetje të trajtuar, kush do ta mbulojë këtë kosto (po përsëritet e njëjta dramë si me termocentralin e ndërtuar në Vlorë me para të taksapaguesve, i cili nuk është vënë kurrë në punë për shkak të vlefshmërisë ekonomike) ? Në Europë trajtimi me insenerim i një ton mbetjesh kushton nga 70-120 Euro/ton në varësi të teknologjisë së përdorur, llogaritur këtu edhe fitimin nga energjia e prodhuar.

Ku do ta gjejë konçesionari sasinë ditore të deklaruar prej 120-140 ton/ditë kur Elbasani nuk gjeneron kaq mbeturina?

Cila bashki e Shqipërisë është në gjëndje të përballojë këtë kosto trajtimi? Ju lutem mbani në vëmendje që në bashki si Shkodra apo Saranda nuk paguhet dot kosto e trajtimit në fandfillet ekzistuese prej respektivish 1000 Lekë/ton dhe afro 2500 Lekë/ton

Pse nuk ka aspak informacion për teknologjinë e përdorur në këtë impiant?

Përse koncesionarit nuk i është kërkuar garancia prej 2,16 milion Euro që duhet ngurtësuar nga kompania përpara nënshkrimit të kësaj kontrate? Si ka mundësi që të gjitha punimet e kryera gjatë 2015 janë në pothuajse të njëjtat vlera me kredinë e marrë rreth 3.9 miljon euro dhe ndërkohë kjo shifër është kaq larg totalit të investimit kur mbeten edhe më pak se 5-6 muaj në mbarimin e veprës? (mjafton të shohim bilancin e vitit 2015 të rregjistruar në qëndrën kombëtare të biznesit për ti vërtetuar këto )

Kjo përbën vetëm një tablo të shkurtë të problematikës së këtij investimi jo transparent e korruptiv, e cila nuk paraqet vetem akuzat tona për këtë qeverisje, por edhe pamundësinë e një administrate të “rilindur” për të siguruar zbatimin e ligjit dhe standarteve Europiane./CNA.al.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ndryshimet në Kodin Zgjedhor/ Kulluri: Ishte vonë të ndërhynte Venecia! Përgjegjësinë e vetme e ka opozita

Publikuar

-

Nga

Ndryshimet në Kodin Zgjedhor/ Kulluri: Ishte vonë të ndërhynte Venecia! Përgjegjësinë e vetme e ka opozita

Ish-anëtari i Këshillit Kombëtar të Partisë Demokratike, Edvin Kulluri ka komentuar opinion e Komisionit të Venecias për ndryshimet në Kodin Zgjedhor.

Sipas Kullurit, opinioni i Komisionit të Venecias për ndryshimet në Kodin Zgjedhor ka qenë i vonë, sepse tashmë ndryshimet janë bërë. Sipas tij ndryshimet kushtetuese janë më të këqija se çkanë qenë.

“Ishte vonë të ndërhynte komisioni i Venecias. Se tashmë janë bërë ndryshimet kushtetuese. Ndyshimet kushtetuese janë më të këqija se ai që ishte. Duke parë konjukturën politike sot natyrisht për opozitën është një goditje. Nga pikëpamja taktike i ul shanset që të maksimalizojë votën. Ndryshime kushtetuese smund të bëhen pa konsensus ose do shkosh në referendum. Përgjegjësinë e vetme e ka opozita sepse ata dogjën mandatet.
Nëse fiton mazhoranca aktuale opozita do të thotë me të drejtë se u ndryshuan rregullat e lojës rrugës. Në themel kjo që bëri Rama në mënyrë të njëanshme ishte e padrejtë. Rama u shpreh për lista të hapura dhe në momentin që ke vendosurt një limit listat nuk janë më të hapura. Ne kemi shkuar hapa pas, përgjegjësinë e kanë të dyja palët, por më shumë mazhoranca. PD ska bërë asnjë betejë për lista të hapura. Unë jam anëtar i PD Murrizi është përjashtuar. Është vetëpërjashtuar. Thlebi është që PD sbëri asnjë betejë as për koalicione as për lista të hapura. Ky zotëria e shiti tavolinën dhe Kodin Zgjedhor”, tha ai./CNA.al

LEXO TE PLOTE

Politikë

Tenderët e fundit për pandeminë/ Gazmend Koduzi tregon abuzimin e qeverisë

Publikuar

-

Nga

Gazmend Koduzi tregon abuzimin e qeverisë

Gazmend Koduzi, kreu i Departamentit të Shëndetësisë në Partinë Demokratike thotë se qeveria ka abuzuar edhe në ato pak fonde që ka vendosur në dispozicion për të përballuar pandeminë. Koduzi tha se PD ka  ngritur shqetësim për keq menaxhimin e taksave që në mars, ku tenderët u bënë në mënyrë të përshpejtuar, por ai theksoi se abuzim ka pasur edhe në dy tenderët më të fundit.

“Janë dhe dy tenderë të tjerë që janë bërë për respiratorët dhe skanerët ku njëri prej tyre është fituar pothuajse me çmimin maksimal. Është bërë trend tashmë që fiton ai që ka ofertën më të lartë, pothuajse në 100% të fondit limit që ka buxheti. Institucionet përkatëse eliminojnë nga gara kompani që kanë ofertë më të ulta, çfarë bën të pamundur dhe një kursim të buxhetit të vendosur”, deklaroi Koduzi në Euronews Albania.

Kreu i Departamentit për Shëndetësinë në PD tha se, gjatë vitit 2020 Shqipëria ka vendosur 20 milionë euro për përballimin e pandemisë dhe është vendi në rajon që ka vendosur më pak buxhet.

Nisur nga masat e fundit të Komitet Teknik të Ekspertëve, ai tha se ka munguar një analizë se çfarë ndikimi kanë pasur masat kufizuese pasi tre javë më parë kishte më pak raste dhe më pak të shtruar në spitale.

Shqetësues u shpreh Koduzi është fakti se aktualisht kemi një nivel mbi 30% të pozitivitetit në rastet e testuar, ku sipas OBSH-së pozitiviteti duhet të jetë jo më shumë se 5% që situata të jetë në kontroll.

LEXO EDHE:  Pasuri e çmendur, grabitje pronash nga Korça në Vlorë, e falsifikim firme/ Kur do të flasë Ben Blushi për skandalet e tij?

LEXO EDHE:  Foto- Berisha vlerëson ish-ambasadorin që ndërroi jetë

Ai deklaroi se autoritetet po fshehin të dhënat reale për përfitim politik pasi në numrin e vdekjeve nuk përfshihen personat që ndërrojnë jetë në kushtet e shtëpisë apo edhe ata që shkojnë për mjekim jashtë vendin. Në numrin e vdekjeve tha Koduzi që raporton Ministria e Shëndetësisë janë vetëm pacientët që ndërrojnë jetë në spital dhe që kanë pasur tampon pozitiv.

“I vetmi plan është që të përdorin të dhënat për përfitim politik siç ndodhi me intervistën e Ramës për Forbes. Kemi më pak testime në rajon. Treguesi i vdekshmërisë për 1 milion banorë llogaritet vetëm mbi vdekjet në spitalet që kanë dalë pozitivë me tamponë”, tha ai.

Z. Koduzi në fund u shpreh se situata duhej menaxhuar më mirë duke rekomanduar izolim për zonat e kuqe ku ka më shumë raste si dhe mbyllje të bizneseve që janë kthyer në vatra të transmetimit. Ai bëri një parashikim të zymtë nisur nga raporti i fundit i OBSH ku thuhet se në Shqipëri ende nuk jemi në fazën e transmetim komunitar.

LEXO TE PLOTE

Politikë

“5 vjet mono-llogje Facebook-u”/ Këlliçi ia rendit Veliajt gjithë premimet e pambajtura

Publikuar

-

Nga

“5 vjet mono-llogje Facebook-u”/ Këlliçi ia rendit Veliajt gjithë premimet e pambajtura

Kreu i FRPD, Belind Këlliçi thotë se në këto pesë vitem kryebashkiaku Erion Veliaj ka bërë 5 vjet mono-llogje Facebook-u.

Sipas Këlliçit, Veliaj zhvilloi sot një takim me gjimnazistët e Tiranës ndërsa premtoi 17 shkolla në një vit. Kreu u FRPD thekson se këto janë premtime tyë bëra nga Veliaj vetëm sepse përpara janë zgjedhjet e 25 prillit.

Përmes një postimi në rrjetet sociale, Këlliçi i ka renditur Veliajt të gjitha premtimet e pambajtura në këto pesë vite.

“Veliaj, 5 vjet mono-llogje Facebook-u.
Sot Veliaj takoi gjimnazistët e Tiranës, në ato që ai i quan “bashkëbisedim” por që në të vërtetë janë “mono-llogje” të dëgjuara këtu e 5 vjet.
Premtoi 17 shkolla në një vit, që sipas tij, nuk janë ndërtuar në 100 vjet kryeqytet. Doemos! Erdhën zgjedhjet.
Premtoi 8 biblioteka të reja!
Premtoi 8 konvikte të reja!
Premtoi “Kartën e Studentit” me plot 602 shërbime!
Premtoi 1000 praktika të paguara për studentët në Bashkinë Tiranë!
Po ku ishe më parë more Eri?! Po ke 5 vjet në zyrë! Pse s’i bëre?
Premtove që nuk do ndërtoje brenda vijës së verdhë të qytetit, por ja që kullat po i ngre mu në zemër të Tiranës.
Premtove kënde lojërash por “7 xhuxhat” i ktheve në kulla.
Premtove parqe e gjelbërim po pemë në qytet s’ke mbjellë asnjë të vetme.
Premtove 20 lekë kafeja për pensionistët, por sot qameti të gjesh një kafene në Tiranë që ofron “Një kafe me gjyshin”. Të demaskoi emisioni “BOOM” në Ora Neës.

Po hapësirat e lira, pse i bën pallate? Bëji parqe more Erion, se nuk kanë të gjithë makina të çojnë fëmijët nga liqeni apo në Shëngjergj.
Po trashëgimia ndërtimore e Tiranës, pse nuk mbrohet si kudo në Europë, po prishen e bëhen pallate? Se lejet i firmos ti, Erion!
Ndërkaq, Rrjeti Kombëtar për të Rinjtë sapo ka kryer një anketim me të rinj nga gjithë vendi. Sipas anketimit, 51% e tyre janë të papunë! Shqipërinë e kanë lënë afro 150 mijë të rinj për shkak të papunësisë dhe mungesës së perspektivës. 35% e studentëve që ka mbaruar një cikël studimesh Bachelor, shprehin dëshirën për të ikur nga Shqipëria; ndërsa mbi 79% e të rinjve duan të ikin nga Shqipëria. Papunësia më e madhe është në radhët e të rinjve të diplomuar; ose 25% e të rinjve me arsim të lartë dhe të mesëm.
Ky është realiteti.

Të rinjtë duan punë, ti u thua me Kartën e Studentit blini me ulje bluzat e Noizy-t!
Ti që dikur si Mjaftist, shfaqeshe me supremaci morale se ishe më i mirë se politika, u bëre pjesë e saj.
Ti që ishe kryetari i partisë G-99, sot kërkon mandat për një tjetër parti”, shkruan Këlliçi./CNA.al

LEXO TE PLOTE