Connect with Us

Probleme me pasurinë/ Vettingu i “pret kokën” një tjetër gjyqtari

Vetingu

Probleme me pasurinë/ Vettingu i “pret kokën” një tjetër gjyqtari

Publikuar

-

Problem me pasurinë/ Vettingu i “pret kokën” një tjetër gjyqtari

Komisioni i Pavarur i Kualifikimit ka shkarkuar nga detyra gjyqtarin e Shkodrës Albano Çepele.

KPK evidentoi mungesë burimesh financiare për blerjen e një apartamenti, dyshime për veprime koruptive si dhe probleme me profesionalizmin.

Problem edhe gjendja shëndetësore, pasi gjyqtari Çepele vuan nga një sëmundje që i vështirëson aktivitetin fizik.

Albano Çepele e ka filluar karrierën në sistemin e drejtësisë në vitin 1998 në Gjykatën e Tropojës dhe ka punuar më së shumti si gjyqtar në Gjykatën e Shkodrës. Në prill të vitit 2014, Çepele u shkarkua nga Këshilli i Lartë i Drejtësisë, pas një inspektimi që zbuloi shkelje të ligjit dhe 34 çështje gjyqësore të zvarritura. Çepele u rikthye në detyrë në vitin 2016, pasi një vendim i Gjykatës së Lartë e konsideroi të paligjshëm shkarkimin e tij.

Gjyqtari Albano Çepele shfaqte vështirësi në ecje dhe u paraqit në seancë së bashku me një përfaqësues ligjor. Ai bëri me dije se vuante nga skleroza multiple. Çepele pohoi në fillim të seancës se ishte në dijeni të gjetjeve të KPK-së, pasi ishte njohur nëpërmjet pyetësorëve.
Relatorja Bungo tha se subjekti nuk ka qenë plotësisht bashkëpunues, pasi ka refezuar të japë deklarime për çështje të caktuara, duke përmendur mungesën e sqarimeve për vlerën e mobilimit të shtëpisë. Sipas relatores, nuk ishte pasqyruar burimi i krijimit për një apartament me sipërfaqe 86.8 m2 blerë në vitin 2006 në Tiranë në shumën e 30 mijë eurove.

Komisioni konstaton mungesë dokumentacioni ligjor për të justifikuar burimin e vlerës 30 mijë euro të dhënë hua nga motra e subjektit për blerjen e apartamentit. Gjithashtu u evidentua se Çepele kishte kryer deklarime kontradiktore lidhur me çmimin e ulët të apartamentit.
Bungo tha se subjekti nuk ka deklaruar pronësinë e një apartamenti në qytetin e Fierit, të përfituar nga privatizimi dhe se nuk ka provuar burimin e ligjshëm të vlerës 9300 eurove të dhëna nga motra për kurimin e nënës së tyre. Sipas relatores, nga analiza financiare ka rezultuar balancë negative në vitin 2005, për të cilën subjekti nuk ka dhënë shpjegim pas kalimit të barrës së provës.

LEXO EDHE:  Hakmarrja për Strasburgun/ Dariel Sina përdori postin e Komisionerit Publik?

Përfaqësuesi ligjor i gjyqtarit Çepele tha në seancë se klienti i tij nuk mund të gjendej fajtor për mosdeklarimin apo mungesën e dokumentacionit për apartamentin në Fier, për të cilën tha se i ati i gjyqtarit e kishte shitur në vitin 1996.

“Babai e ka shitur nën presionin e dhunës në vitin 1996 dhe nuk ka asnjë dokumentacion që e disponon. Noterja nuk ndodhet në Fier, ndërsa personi që e ka blerë nuk ekziston dhe në atë apartament jetojnë disa persona që nuk kanë as kontratë qiraje dhe asgjë,” tha avokati i Çepeles, duke e përjashtuar klientin e tij nga veprimet me këtë pasuri.

Për apartamentin në Tiranë, avokati mbrojtës pohoi se Çepele kishte depozituar kontratën e huamarrjes me motrën për të vërtetuar burimin e ligjshëm, që sipas tij e kishte pasqyruar në deklaratën vjetore dhe në atë veting, në rubrikën e interesave private.
“Përsa i takon pagesës së vlerës 9300 euro nga motra në favor të prindërve, për kurimin e nënës, subjekti i rivlerësimit nuk ka asnjë detyrim të japë llogari,” pohoi mbrojtësi i gjyqtarit Çepele.
Drejtoria e Sigurimit të Informacionit të Klasifikuar, DSIK ka depozituar në KPK raport negativ për Çepelen. Bungo tha se subjekti i rivlerësimit nuk kishte deklaruar një procedim penal në ngarkim të tij, gjë që e bënte deklarimin për pastërtinë e figurës të pasaktë.

DSIK i ka përcjellë Komisionit edhe dyshime për përfshirje të gjyqtarit Çepele në veprime korruptive gjatë periudhës 2004-2020 për çështje pronësie të gjykuara prej tij në Gjykatën e Shkodrës, pasi një nga palët dyshohet se ka përfituar prona duke përdorur dokumente të falsifikuara. Sipas KPK-së, një nga palët ndërgjyëse, duke përdorur dokumente të falsifikuara ka tjetërsuar pronën shtetërore me anë të vendimit të gjykatës./CNA.al.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Pasuria i “pret kokën” prokurorit/ Ku i gjeti Agim Dalipaj paratë, për shtëpinë në bregdet?

Publikuar

-

Nga

Komisioni i Pavarur i Kualifikimit ka shkarkuar sot, prokurorin e Tropojës  Agim Dalipaj.

Shkak për shkarkimin e tij, janë bërë problematikat me pasurinë dhe profesionalizmi.

Kujtojmë se Komisioni i pati kaluar barrë prove , pasurinë prokurorit Dalipaj.

ILDKPKI ka konstatuar fshehjen e një apartamenti me sipërfaqe 53 m2 në Shëngjin gjatë viteve deklaruese 2006-2008, si dhe mungesë burimesh për blerjen e kësaj pasurie.

Në kontratën e porosisë është deklaruar se çmimi i apartamentit në shumën 21 mijë e 500 euro është likujduar jashtë zyrës noteriale. Sipas KPK, bashkëshortja e subjektit ka qenë pjesë e procesit të legalizimit të këtij apartamenti, pavarësisht se ndërtimi ishte kryer nga pala shitëse.

LEXO EDHE:  Kaloi në sitë/ Rikonfirmohet në detyrë gjyqtari i Apelit

LEXO EDHE:  “Korrupsioni në drejtësi”/ Prokurori që u denoncua në nismën e Rilindjes

Shoqëria ndërtuese ka informuar se subjekti ka shlyer vlerën 1.6 milionë lekë dhe se pjesa tjetër do të jepet kur të hipotekohet. Komisioni konstaton se, megjithëse subjekti e ka deklaruar këtë pasuri në vitin 2009, nuk ka pasqyruar pjesën e shlyer dhe detyrimin e mbetur.

Gjithashtu nga hetimi ka rezultuar gjithashtu se prokurori Dalipaj e kishte hetuar shitësin e apartamentit, L.Rr. në vitin 2002 dhe se e kishte pushuar çështjen në ngarkim të tij në vitin 2003./CNA.al

LEXO TE PLOTE

Vetingu

Plasin dorëheqjet në Prokurorinë e Tiranës/ Prokurorja “kurth” KPK me raporte mjekësore

Publikuar

-

Nga

Skandali në spitalin Covid 2/ Reagon Prokuroria e Tiranës

Prokurorja Anila Galanxhi Papa, pasi ka zvarrritur Komisionin e Pavarur të Kualifikimit me raporte mjekësore, ka dhënë dorëheqjen.

Sot u raportua për dorëheqjen e prokurorit Granit Shahu, por më herët, sipas Komisionit të pavarur të Kualifikimit ka dhënë dorëheqjen edhe prokurorja Anila Galanxhi, Papa.

Kujtojmë se me 27.07 2020, Këshilli i Lartë i Prokurorisë ka miratuar raportin për analizimin e aftësive profesionale të subjektit të rivlerësimit kalimtar, Anila Galanxhi Papa, shkruan CNA.al.

Me datë 18.05.2021 është njoftuar se Komisioni i Pavarur i Kualifikimit se seanca dëgjimore për subjektin e rivlerësimit, znj. Anila Galanxhi (Papa), e përcaktuar për t’u mbajtur në datën 21 maj 2021, ora 14:30, nuk do të zhvillohet,  pasi  subjekti i rivlerësimit ka paraqitur raport mjekësor për arsye shëndetësore.

Më pas, Komisioni i Pavarur i Kualifikimit njofton se seanca dëgjimore për subjektin e rivlerësimit, znj. Anila Galanxhi (Papa), e përcaktuar për t’u mbajtur në datën 7 qershor 2021, ora 9:45, nuk do të zhvillohet, pasi subjekti i rivlerësimit ka dhënë dorëheqjen.

Galanxhi ka filluar karrierën e saj në sistemin e drejtësisë në vitin 2001 si prokurore e Prokurorisë së Vlorës dhe prej vitit 2005 e ushtronte funksionin në Prokurorinë e Tiranës.

LEXO EDHE:  Kaloi në sitë/ Rikonfirmohet në detyrë gjyqtari i Apelit
LEXO EDHE:  “Refuzoi” gjyqtarët problematikë/ E pastreha nga KLD në Apelin e Shkodrës

Emri i saj është bërë mediatik dhe prokurore, pas arrestimitë të shtetasit turk Selami Simsek, i cili është dënuar me një vit burg, pasi u akuzua për falsifikim, shkruan CNA.al.

Gjithashtu prokurorja në fjalë është lakuar për një ngjarje në vitin 2016, kur policia kishte prangosur një ndërtuese (N.Q), dhe prokuroja e kishte lënë të lirë.
Kjo gjë ka sjellë përplasjen mes Policisë (Komisariati numër 2) dhe prokurores në fjalë dhe nuk dihet çfarë ka ndodhur më tej.

E vetmja gjë që dihet është incidenti, që është pasqyruar në shtyp, incident për të cilin kishte dijeni edhe Prokuroria e Përgjithshme.

Sa i përket pasurisë, prokurorja Galanxhi të ardhurat i ka nga paga e saj dhe e bashkëshortit.

Ndërsa patundshmërinë, bashkëshorti i saj e ka të trashëguar./CNA.al

Nga përplasja me Policinë tek verifikimi në KLP/ Në filtër prokurorja Anila Galanxhi Papa

LEXO TE PLOTE

Vetingu

Prokurori me X5 dhe Range Rover, në panik/ Granit Shahu dorëhiqet para Vettingut

Publikuar

-

Nga

Rrëzimi i helikopterit ushtarak në Shkodër/ Granit Shahu, shpalli fajtor të vdekurit

Granit Shahu që tentoi të merrte postin e Prokurorit të Përgjithshëm në vitin 2017 ka dhënë dorëheqjen nga posti i prokurorit, para se të dilte në Vetting.

Kërkesa, raportohet se  është dorëzuar nga vetë prokurori në Këshillit të Lartë të Prokurorisë.

Pasi ngeci në Vettingun parlamentar, në vitin 2017, Shahu nuk ka guxuar të përballet me Vettingun e Drejtësisë, shkruan CNA.al.

Kujtojmë se në kohën kur kandidoi për t’u zgjedhur si i përkohshëm në krye të Prokurorisë së Përgjithshme, Shahu nuk arriti të tejkalonte Komisionin e Ligjeve.

Me 15 dhjetor 2017, Bledi Çuçi, nga Komisioni i Ligjev, ndërsa prezantoi raportin e komisionit për kandidatët për kryeprokuror të Pergjithshëm, ka treguar edhe arsyet se përse u skualifikua prokurori Granit Shahu, i cili ndër vite ka pasur në duar edhe “dosje të nxehta”.

“Nuk përmbush kushtin e vjetërsisë me pasjen e jo më pak se 15 vjet përvojë pune si prokuror. Nuk plotëson kushtet dhe kriteret ligjore sa i përket integritetit moral dhe professional. Për më tepër shikoni përgjigjet e ardhura nga dy institucionet përkatëse, nga ILDKP dhe nga Autoriteti i Dosjeve”, kështu ka deklaruar Çuçi, gjatë prezantimit të raportit.

Ai ka hetuar ngjarjen e 6 Prillit 2006, kur helikopteri i Forcave Ajrore shqiptare u rrëzua në ujërat e liqenit të Shkodrës pranë fshatit Grizhë të Malësisë së Madhe, duke shkaktuar vdekjen e dy pilotëve dhe duke lënë një të plagosur.

LEXO EDHE:  Hakmarrja për Strasburgun/ Dariel Sina përdori postin e Komisionerit Publik?

LEXO EDHE:  15 apartamente, lokal, troje dhe makina të shtrenjta/ Prokurori që u “siguroi” luksin fëmijëve

Epilogu i nxjerrë nga prokurori Shahu për këtë ngjarje ishte se viktimat ishin fajtorë.

CNA.al ka hedhur dritë mbi pasurinë e tij, sipas të dhënave të depozituara në ILDKPKI.

Në deklaratën fillestare, prokurori Granit Shahu rezulton pronar i një banese me sipërfaqe 105 m2, me vlerë 3.6 milion lekë. Blerë me kursime familjare dhe kredi 26 600 dollarë shkruan CNA.al.

Përveç të ardhurave nga puna e tij, ka të ardhura dhe nga puna e bashkëshortes në IOM.

Ndërsa si pasuri të luajtshme ai deklaron një automjet BMV X5, me vlerë 990 000 lekë, blerë në vitin 2012.

Në vitin 2016 ka blerë një  Range Rover, me vlerë 2 000 000 lekë, ndërsa ka shitur BMV X5 me vlerë 1 800 000 lekë.

Një vit më vonë ka shitur Range Rover me vlerë 27 000 euro dhe ka blerë një Ford Fiesta me vlerë 13 500 euro, për të cilën ka  paguar cash 5 784 euro. Ndërsa paguan në formë kredie 8 500 euro.

Më poshtë po sjellim pasurinë e deklaruar nga prokurori Granit Shahu./CNA.al

Nga X5, tek Range Roveri e Ford Fiesta/ Pasuria e prokurorit që garoi me Arta Markun

Ngeci në Vettingun parlamentar/ Granit Shahu nën “ethe” nga KPK

Pas dështimit për karrigen e Prokurorit të Përgjithshëm/ Granit Shahu “peng” në KPK

LEXO TE PLOTE