Connect with Us

Pfizeri aplikon për të marrë autorizimin për përdorimin urgjent të vaksinës COVID-19

Bota

Pfizeri aplikon për të marrë autorizimin për përdorimin urgjent të vaksinës COVID-19

Publikuar

-

Kompania Pfizer njoftoi të premten se ka aplikuar tek entet rregullatore shëndetësorë amerikane për të marrë autorizimin për përdorim emergjent të vaksinës së saj kundër COVID-19, një hap i rëndësishëm drejt garantimit të mbrojtjes kundër koronavirusit.

Aplikimi në Administratën Amerikane të Ushqimit dhe Barnave (FDA) vjen vetëm disa ditë pasi kompania Pfizer dhe partneri i saj gjerman BioNTech raportuan rezultatet e provës përfundimtare që tregonin se vaksina ishte 95 për qind efektive në parandalimin e COVID-19-s dhe pa efekte të mëdha anësore.

Aksionet e Pfizer u rritën me 2 për qind dhe ato të BioNTech me 5 për qind pas njoftimit të lajmit se vaksina mund të jetë në dispozicion së shpejti, duke rritur shpresat për fundin e një pandemie që ka marrë më shumë se një çerek milioni jetë në Shtetet e Bashkuara dhe mbi 1.3 milionë në të gjithë botën.

Kompanitë presin që miratimi nga autoritetet të jepet në mes të dhjetorit dhe ato do të fillojnë pothuajse menjëherë shpërndarjen e dozave. Pfizer ka thënë se pret të prodhojë rreth 50 milionë doza vaksinash këtë vit, të mjaftueshme për të mbrojtur 25 milionë njerëz. Një komitet këshillimor i FDA-së planifikon të takohet paraprakisht mes datave 8 deri më 10 dhjetor për të diskutuar rreth vaksinës, një burim që ka dijeni mbi situatën, i tha agjencisë Reuters, duke shtuar se datat edhe mund të ndryshojnë.

LEXO EDHE:   Situata nga Covid/ Baci: Spitali i Fierit është në kolaps, Rama mashtron qytetarët

Të dhënat e provës përfundimtare treguan se vaksina siguronte një nivel të njëjtë mbrojtjeje mes moshave të ndryshme, një rezultat ky inkurajues pasi sëmundja dëmton në një nivel më të lartë të moshuarit dhe anëtarët e komuniteteve pakicë./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Konfirmohet rasti i parë i mutacionit britanik të COVID-19 në shtetin fqinj

Publikuar

-

Nga

Konfirmohet rasti i parë i mutaciomnit britanik të COVID-19 në shtetin fqinj

Ministria e Shëndetësisë në Maqedoninë e Veriut konfirmoi sot regjistrimin e rastit të parë të variantit britanik të COVID-19 në RMV.

Gjatë analizës së testeve pozitive të janarit në klinikën private “Zhan Mitrev”, testi i njërit prej pacientëve ka rezultuar mutacion me karakteristikat e variantit britanik.

Bëhet fjalë për një 46-vjeçar tashmë të shëruar, i cili ka kryer dy teste në klinikën private më 29 dhjetor dhe 4 janar, të dyja pozitive. Pacienti nuk ka udhëtuar jashtë shtetit dhe nuk ka paraqitur kontakte me raste pozitive. Nga ana e Ministrisë së Shëndetësisë në RMV bëhet me dije se tek të gjitha testet tjera pozitive të janarit nuk janë regjistruar karakteristikat e mutacionit britanik.

LEXO EDHE:  Rriten rastet me Covid-19/ Mal i Zi shtrëngon masat kufizuese

LEXO EDHE:   Situata nga Covid/ Baci: Spitali i Fierit është në kolaps, Rama mashtron qytetarët

Në 24 orët e fundit Maqedonia e Veriut ka shënuar 394 raste të reja dhe 9 viktima nga COVID-19./euronews

LEXO TE PLOTE

Bota

Europol shkatërron një rrjet të sulmeve kibernetike/ Më e rrezikshmja në botë

Publikuar

-

Nga

Europol shkatërron një rrjet të sulmeve kibernetike/ Më e rrezikshmja në botë

Hetuesit ndërkombëtar kanë shkatërruar një nga softuerët më të rrezikshëm në botë që përdorej për të hakuar rrjete kompjuterike. Infrastruktura e sistemit Emotet, e cila përdorej kryesisht nga rrjetet e krimit të organizuar, tani është nën kontrollin e autoriteteve, njoftoi Agjencia e Bashkimit Evropian për Sundim të Ligjit (Europol) me seli në Hagë.

Operacioni u zhvillua pas hetimeve që zgjatën dy vjet në tetë vende. Europol nuk njoftoi për ndonjë arrestim në lidhje me hetimin, që është udhëhequr nga Gjermania dhe Holanda. Emotet ka qenë një nga “instrumentet më të rrezikshëm për sulme kibernetike” në vitet e fundit, tha një zëdhënës i Europol, duke shtuar se ky softuer ishte vendosur në funksion për herë të parë më 2014 si i ashtuquajtur Trojan.

Ky sistem qëllimkeq përdorte një dokument në Ëord, në dukje i padëmshëm, për të hyrë në një sistemin kompjuterik. Kriminelët i përdorën këto sisteme me qëllim që të tonin qasje në të dhënat bankare, të shisnin të dhëna të vjedhura ose të zhvatnin para për të dhëna të bllokuara./CNA.al

LEXO TE PLOTE

Bota

Një Gjermani pa Merkelin, është bërë më e vështirë të imagjinohet

Publikuar

-

Nga

Twitter bllokoi llogarinë e Presidentit Trump/ Reagon Merkel: Prek lirinë e shprehjes

Nga Constanze Stelzenmüller

A është gati Gjermania për jetën pas largimit të kancelares Angela Merkel, e cila ka përjashtuar mundësinë e garimit për një mandat të pestë pas zgjedhjeve parlamentare të këtij vitit? Deri vonë, Gjermania ishte modeli i stabilitetit të Evropës, dhe gjermanët shihnin me besim drejt vitit 2021.

Merkel po gëzonte një nivel të lartë të popullaritetit në sondazhe,për shkak të menaxhimit të saj të qëndrueshme të pandemisë së Covid-19. Udhëheqja prej saj e presidencës 6-mujore të Këshillit të BE-së-që përfshiu vendosjen e fuqisë ekonomike gjermane pas një pakete shpëtimi të BE-së, të financuar nga borxhet, dhe parandalimin e një Brexit pa marrëveshje – mori kryesisht nota të mira.

Sondazhet kombëtare kanë treguar për muaj me radhë një shumicë të qëndrueshme për Unionin Kristiandemokrat (CDU) të qendrës së djathtë të Merkel, dhe për koalicionin e Partisë së Gjelbër. Bazuar në shifrat aktuale, ky çift i mundshëm është alternativa e vetme me dy parti ndaj koalicionit të madh tashmë të lodhur mes CDU-së dhe Socialdemokratëve të qendrës së majtë (SPD).

Koalicioni i ri i testuar në nivelin e landeve por jo ende në Berlin, gëzon një popullaritet kombëtar. Dhe perspektiva e tij shihet me optimizëm edhe më të madh në kryeqytetet perëndimore, sidomos midis administratës së ardhshme të Joe Biden në SHBA, e cila shpreson për një politikë gjermane më të fortë dhe më të prirur drejt sigurisë.

Por me pandeminë që aktualisht po dëshmohet më agresive se kurrë më parë, zonjës Merkel iu desh që të zgjasë bllokimin e Gjermanisë. Koalicioni i saj po përballet me problemin e niveleve të ngadalta të vaksinimit dhe furnizimeve jo të duhura me vaksina. Humori i gjermanëve ka ndryshuar nga vetë-mburrja tek dëshpërimi, dhe peizazhi politik përpara zgjedhjeve të shtatorit, duket më i fragmentuar dhe i paqëndrueshëm.

Sfidat nisin brenda CDU-së së zonjës Merkel, e cila do të zgjedhë këtë muaj një udhëheqës të ri (dhe kandidatin e supozuar për kancelar). Rivaliteti midis 3 kandidatëve zyrtarë – biznesmenit Friedrich Merz, udhëheqësit të landit Armin Laschet, dhe kreut të politikës së jashtme në Bundestagun gjerman Norbert Röttgen – është shumë i ashpër.

Askush prej tyre nuk ka një avantazh të qartë ndaj të tjerëve. Lideri i landit të Bavarisë Markus Söder, vazhdon të vlerësohet si një alternativë e katërt, kryesisht në bazë të vetëbesimit të tij të pakufizuar në menaxhimin e pandemisë.

LEXO EDHE:  SHBA, i hapet rruga miratimit të vaksinës Pfizer

LEXO EDHE:  Çfarë mund të na çojë në një izolim të dytë/ Flet Rakacolli: Këto janë dy kushtet që duhen parë

Por ai ka pak mbështetje në degët e CDU-së jashtë landit të tij. Për më tepër, Bavaria ka për momentin një nga nivelet më të larta me Covid-19në vend. Pastaj është SPD-j. Kjo parti ka një aftësi të çuditshme për t`a bërë CDU-në të duket mirë, pavarësisht se në gjirin e saj ka talente politike të vërteta.

Ministri i Financave Olaf Scholz, kandidati për kancelar i SPD, është një pragmatist popullor. Zëdhënësi i politikës së jashtme të partisë, Nils Schmid, ka artikuluar nevojën e një qasje më të ashpër ndaj Kinës. Mjerisht, udhëheqja e SPD ka ide të tjera politike:një koalicion euro-skeptik dhe anti-NATO me të Gjelbrit dhe post-komunistët e Die Linke.

Kohët e fundit, ajo bllokoi një plan të Ministrisë gjermane të Mbrojtjes për të blerë dronë të armatosur, për të mbrojtur trupat gjermane të vendosura jashtë vendit. Ky akt nuk ndikoi

Në popullaritetin e kësaj partie, duke e lënë të hapur një koalicion të majtë 3-partiak. Ndërkohë, 3 ekspertët më të vjetër të mbrojtjes janë larguar nga kjo parti. E gjithë kjo mund të shpjegojë në një farë mënyre pse të Gjelbrit janë partia e dytë më popullore në Gjermani. E themeluar si një lëvizje anti-esstablishment, ata janë bërë një forcë me shumë përvojë në qeverisje. Udhëheqësit e saj të rinj Robert Habeck dhe Annalena Baerbock, janë centristë dhe të moderuar.

Por baza elektorale e të Gjelbërve ka jo pak radikalë- një burim ky i paparashikueshmërisë në çdo koalicion. Përsa i përket Alternativës për Gjermaninë të ekstremit të djathtë, kjo parti ka dështuar në strategjinë e saj për të tërhequr pjesë të elektoratit të zhgënjyer nga CDU-ja, dhe është duke rënë shumë në sondazhe.

Gjithsesi, duket se AfD, do të mbetet ende si një “enë politike” për votat e protestës, dhe vazhdon të qëmtojë dobësitë tek“koraca” e demokracisë. Si e tillë, ekzistenca e saj, ndihmon në bërjen më pak të qëndrueshme të koalicioneve 2-partiake në të ardhmen. Dhe kjo pikërisht në një kohë kur Evropa dhe SHBA-ja, kanë më shumë nevojë për një partner të fortë dhe të besueshëm gjerman. /“Financial Times”-Marrë nga Bota.al

LEXO TE PLOTE