Connect with Us

Sulmohet gjatë natës ambasada amerikane në Bagdat

Bota

Sulmohet gjatë natës ambasada amerikane në Bagdat

Publikuar

-

Një sulm me raketa nga milicia pro-iraniane gjatë natës duket se vuri në shënjestër kompleksin e ambasadës amerikane në zonën e gjelbërt të Bagdatit. Sulmi ka rritur tensionet mes Shteteve të Bashkuara dhe Irakut, ndërsa të dy vendet njoftuan tërheqjen e 500 ushtarëve të tjerë nga Iraku.

Media irakiane njoftoi se u hodhën shtatë raketa të tipit “Katjusha” ndaj zonës së gjelbërt, pjesë e fortifikuar në Bagdat, dhe duket se objektivi kishte qënë kompleksi i ambasadës amerikane.

Nuk ka patur njoftime për viktima nga pala amerikane, por zyrtarë të ushtrisë irakiane thanë se një fëmijë humbi jetën dhe pesë civilë u plagosën.

Një grup i armatosur pro-iranian thotë se qëlloi me raketa ndaj ambasadës në shenjë hakmarrjeje ndaj asaj që pretendon si arrestim të tre pjestarëve të tij nga forcat amerikane në qytetin Falluja, në perëndim të Bagdatit. Zëri i Amerikës nuk mund të konfirmonte në mënyrë të pavarur pretendimin.

Një zëdhënës i milicisë kryesore pro-iraniane “Kataib Hezbollah” mohoi përgjegjësinë për sulmin, duke thënë përmes një shkrimi në Twitter se grupi po respektonte një “armëpushim të njëanshëm për të lejuar tërheqjen amerikane nga Iraku.”

Kryeministri irakian Mustapha Kadhimi u tha gazetarëve të mërkurën se Shtetet e Bashkuara do të tërheqin 500 pjestarë nga forcat e tyre ushtarake nga Iraku brenda një kohe të shkurtër.

Ai tha se gjatë vizitës së tij të fundit në Uashington, Presidenti Donald Trump i kishte thënë se do të tërheqë trupat amerikane nga Iraku brenda një viti dhe se të dy palët kishin rënë dakord për një afat kohor të tërheqjes.

LEXO EDHE:  Stërvitjet në kufi/Peniani kërcënon me 7 raketa

Ministri i Jashtëm irakian Fouad Hussein tha se pas konsultimeve mes zotit Kadhimi dhe Sekretarit Pompeo dy ditë më parë, ata ishin pajtuar për të ulur gjithashtu numrin e përgjithshëm të forcave amerikane ushtarake jo-luftarake në 2,500.

Analisti egjiptian Ra’ed Azzawi i tha televizionit Al Arabiya, në pronësi të Arabisë Saudite, se sulmi me raketa gjatë natës ishte një përpjekje nga forcat e armatosura pro-rainiane për të turpëruar zotin Kadhimi dhe për të diskredituar aftësitë e tyre për të goditur objektiva amerikane nëse Shtetet e Bashkuara vendosin të sulmojnë Iranin. Ai shtoi se, “aeroplanët izraelitë po ashtu shënjestruan forcat e milicisë pro-iraniane në Siri, menjëherë pas sulmit në Bagdat.”

Gazeta New York Times raportoi në fillim të javës se Presidenti Trump kishte shqyrtuar goditjen e impiantit të pasurimit bërthamor iranian në Natanz, por se këshilltarët e kishin bindur atë që të mos e bënte.

Dr. Paul Sullivan, profesor në Universitetin e Mbrojtjes Kombëtare të Shteteve të Bashkuara, i tha Zërit të Amerikës se tërheqja e forcave amerikane nga Iraku “shihet nga Irani si fitore”. Ai tha se “është një zonë e paqendrueshme dhe e brishtë e botës dhe se në traditën e kombeve të rajonit, largimi i trupave shihet si tërheqje në fushëbetejë”. “Armiqtë e Amerikës”, shtoi ai, “do të jenë duke menduar: të presim sa të largohen amerikanët, dhe pastaj ne mund t’i kthehemi asaj që po bënim”./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Pandemia e Covid-19/ Gjoba dhe burgim për ata që nuk vënë maskë në Los Anxhelos

Publikuar

-

Nga

Gjoba, burgim për ata që nuk vënë maskë në Los Anxhelos

Kryetari i Bashkisë së Los Anxhelosit, Eric Garcetti, njoftoi kohët e fundit se policia do të fillojë të arrestojë protestuesit kundër maskave, të cilët ngacmojnë të tjerët që dalin me maskë në publik.

Që nga muaji gusht, ata që nuk pranojnë të vënë maskë në Los Anxhelos rrezikojnë të ndëshkohen me gjobë deri në 2000 dollarë.

Por ka plot që vazhdojnë të kundërshtojnë të vënë maskë, megjithëse ka prova shkencore se maskat ndihmojnë për të ulur ritmet e infektimeve të reja.

Roman Drake është një prej tyre. Ai nuk vë maskë dhe beson se masat kundër koronavirusit janë vënë për të kontrolluar popullatën.

“Më duket se reagimi i disa njerëzve ka qenë një formë nënshtrimi, thjesht për të ndjekur shembullim në shoqëri duke bërë çfarë duan të tjerët. Unë nuk dua të ndjek atë shembull; nuk është sjellje amerikane. Nuk jam rritur ashtu,” thotë zoti Drake.

Policia e Los Anxhelosit është kritikuar në të kaluarën se ka qenë shumë e butë ndaj atyre që kundërshtojnë maskat. Por policët thonë se po përpiqen të mos e acarojnë situatën pa arsye.

Shumë nga ata që vënë maskë thonë se e shohin si mënyrë për të mbrojtur veten si dhe komunitetin.

“Në këtë mënyrë besoj se jam edhe vetë edhe të tjerët të sigurtë. Njoh miq e të afërm, të cilët kanë rezultuar pozitivë megjithëse nuk kishin simptoma të COVID-it. Thjesht dua të jetoj!”, thotë Maria, banore e Kalifornisë.

“Nëse ia do të mirën të tjerëve, duhet të vësh maskë, sepse japin rezultat. Vër maskën, që të hapim bizneset, por edhe për të mirë të të tjerëve,” thotë Juan, banor i Kalifornisë.

LEXO EDHE:  Bomba që vrau 22 vetë në koncertin e Ariana Grandes/ Vëllai i autorit dënohet 55 vite burg

LEXO EDHE:  PD akuzon Qeverinë për sulmin ndaj Lalës/ Reagon këshilltari Ramës

Komuna e Los Anxhelosit u bë e para që kaloi një milionë raste të konfirmuara, ndërkohë që regjistron vdekje që lidhen me COVID-in çdo 7 minuta.

Maskat janë më të rëndësishme se kurrë, thonë autoritetet.

“Tani është momenti për të shmangur sa më shumë kontaktet me të tjerët që nuk janë në rrethin e ngushtë. Kur shkoni në punë apo dilni për nevoja jetike, gjithmoni vini maskë dhe ruani distancën nga të tjerët,” thotë një zyrtare e shëndetësisë për Los Anxheloin.

Statistikat tregojnë se 75% e amerikanëve mbështesin maskat. Në shumë raste, njerëzit nuk u kushtojnë vëmendje atyre që nuk vënë maskë, por në disa raste thërrasin policinë:

“Kemi marrë pjesë në protesta në Beverli Hill çdo javë, pa vënë maska. Të shtunën e kaluar një grua thirri policinë që të na vinin gjobë, por policia nuk e bëri,” thotë zoti Drake.

Krytari i Bashkisë së Los Anxhelosit, Eric Garcetti po përpiqet ta zgjidhë problemin. Ai iu drejtua aktivistëve kundër maskave në një intervistë për LA Times, duke thënë “Mos na vini në provë sepse do të përfundoni në burg, apo përballë akuzash”.

Kryebashkiaku po ashtu u ka dhënë urdhra policëve të arrestojnë ata që marrin pjesë në mbrëmje të mëdha, që janë të ndaluara në Los Anxhelos.

LEXO TE PLOTE

Bota

Parku Disneyland në Kaliforni kthehet në qendër gjigade vaksinimi

Publikuar

-

Nga

Parku Disneyland në Kaliforni kthehet në qendër gjigade vaksinimi

Parku Disneyland në Anaheim të Kalifornisë është tjetërsuar në një qendër gjigande vaksinimi masiv kundër COVID-19. Po ashtu edhe qytete të tjera të Kalifornisë si Los Anxheles dhe San Diego kanë krijuar qendra masive me kapacitete vaksinimi prej disa mijëra njerëzish në ditë.

Qendrat e vaksinimit janë përhapur në të gjithë Kaliforninë, që nga stadiumet, ekspozitat e deri tek parku Disneyland. Disneyland është i pari nga pesë qendrat e mëdha për vaksinimin kundër koronavirusit, ku mund të injektohen rreth 7 mijë njerëz në ditë.

Vetëm ditën e parë, më shumë se 10 mijë njerëz aplikuan për vaksinim në faqen e internetit të kontesë Orange. Molly Nichelson është punonjëse e qeverisë lokale.

“Nëse nuk keni lënë takim, mos hajdeni. Pjesmarrja ka qënë e pabesueshme.”

Si rezultat i kërkesave të mëdha për vaksinim sa më të shpejtë, faqja e internetit vazhdoi të kishte probleme. Suzana shkoi të vaksinohej me burrin e saj. Ajo thotë se ishin me fat.

“U vaksinuam që të jetojmë, kjo është arsyeja e vetme”, thonë bashkëshortët.

Zyrtarët lokalë paralajmërojnë se radhët mund të jenë të gjata dhe duhet pritur shumë. Clayton Chau drejton agjencinë e kujdesit shëndetësor në kontenë Orange.

“Do t’ju kërkoja që për disa javë të tregoni durim derisa të marrim më shumë vaksina dhe t’u jepni përparësi vaksinimi të moshuarve dhe më të rrezikuarve me probleme kronike shëndetësore.”

Guvernatori i Kalifornisë Gavin Newsom ka njoftuar fillimin e fazës së parë, që përfshin vaksinimin e punonjësve të shëndetit dhe personat mbi 65 vjeç. Në këtë kategori përfshihen mbi 6.5 milion njerëz. Aktualisht nuk ka vaksina të mjaftueshme në atë shtet.

LEXO EDHE:  Nesër rifillon aplikimi për Lotarinë Amerikane/ Ja çfarë duhet të dini

LEXO EDHE:  Sulmi ajror në Irak/ Koalicioni i udhëhequr nga SHBA hedh poshtë njoftimet

Parku Disneyland nuk u zgjodh aksidentalisht si qendër e madhe vaksinimi, thotë zyrtarja e shëndetit të kontesë Organge Molly Nichelson.

“Disney është treguar një partner shumë i mirë dhe është punëdhënësi më i madh në kontenë Orange. Është emër i njohur dhe dihet se ku ndodhet. Njerëzit kanë një ndjesi të mirë për Disneyland.”

Parku është mbyllur që nga marsi i vitit 2020 dhe vetëm kohët e fundit janë hapur disa dyqane. Por pjesa argëtuese e parkur mbetet e mbyllur.

Banorët e qytetit Anaheim duan të vaksinohen sa më shpejt që të munden që t’i kthehen punës në restorantet, dyqanet dhe hotelet e shumta në zonën përreth parkut Disneyland.

“Vendosa të vaksinohem sepse punoj për publikun. Të sigurohem që të mbroj veten dhe të tjerët”, thotë Sonya që jeton aty pranë.

Një tjetër qendër e madhe vaksinimi është hapur edhe në stadiumin Dodger në Los Anxhelos, me kapacitet injektimin e deri 12 mijë njerëzve në ditë. Po ashtu edhe San Diego ka hapur një qendër vaksinimi dhe kudo ka radhë të gjata të njerëzve që presin të vaksinohen dhe t’i kthehen asaj që dikur ishte një jetë normale./voa

LEXO TE PLOTE

Kosova & Rajoni

Rriten sërish infektimet në Kosovë/ Arrin në 1,456 numri i viktimave

Publikuar

-

Nga

Covid në Kosovë/ Bie numri i viktimave, regjistrohen 353 raste të reja

Instituti Kombëtar i Shëndetësisë Publike ka regjistruar të dielën 392 raste të reja me koronavirus, pas testimit të 1,618 mostrave.

Sipas këtij Instituti ne 24 orët e fundit janë regjistruar gjashtë viktima, duke e çuar në 1,456 numrin e të vdekurve me këtë virus, prej kur ka shpërthyer pandemia.

“Rastet e vdekjes janë nga komunat: Gjilan 1 rast (72 vjeç), Kamenicë 1 rast (57 vjeç), Mitrovicë 1 rast (83 vjeç), Prishtinë 1 rast (73 vjeç), Viti 1 rast (51 vjeç), Vushtrri 1 rast (62 vjeç)”, është thënë në njoftimin e këtij Instituti.

Sipas IKSHPK-së, të dielën nga sëmundja COVID-19, që shkakton koronavirusi, janë shëruar 222 persona, derisa raste aktive janë 5,679.

LEXO EDHE:  Afganistani nuk gjen paqe/ Shpërthimi i radhës u merr jetën 6 fëmijëve

LEXO EDHE:  Afganistani nuk gjen paqe/ Shpërthimi i radhës u merr jetën 6 fëmijëve

Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 58.088 persona të infektuar me këtë virus./rel

LEXO TE PLOTE