Kosova & Rajoni
Sherr në Kuvendin e Kosovës/ Arben Gashi përplaset fizikisht me deputetët e LVV-së
Deputetët e Kuvendit të Kosovës janë përfshirë në një përplasje fizike gjatë kohës në të cilën zhvillohej seanca parlamentare.
Nga raportimet e mediave kosovare mësohet se shefi i grupit parlamentar të LDK-së, Arben Gashi është përplasur fizikisht me deputetët e LVV-së Hajrulla Ceku dhe Hekuran Murati.
Në mbyllje të interpelancës për të pagjeturit, deputetja e grupit parlamentar të Vetëvendosjes, Mimoza Kusari dhe deputeti i LDK’së, Arben Gashit kanë vazhduar edhe përtej foltores.
Deputetë të Vetëvendosjes më pas kanë shkuar për ta ndalë deputetin Gashi. Pas kësaj ngjarjeje është ndërprerë seanca./CNA.al
Kosova & Rajoni
Covid-19 në Maqedoninë e Veriut/ Regjistrohen mbi 400 raste të reja
Ministria e Shëndetësisë së Maqedonisë së Veriut bën të ditur se gjatë 24 orëve të fundit janë realizuar 2518 testime.
Nga këto testime, bëhet me dije se 444 persona janë diagnostifkuar me koronavirus.
Konkretisht në Shkup janë regjistruar 209 raste, në Kumanovë 26, në Tetovë 13, në Prilep 5, në Gostivar 12, në Shtip 8, në Manastir 8, në Veles 26, në Ohër 26, në Strumicë 8, në Kavadarc 32, në Strugë 11, në Kërçovë 10, në Sveti Nikollë 1, në Gjevgjeli 3, në Resnjë 1, në Kriva Pallankë 3, në Radovish 5, në Dellçevë 16, në Probishtip 3, në Vinic 3, në Demir Hisar 1, në Makedonski Brod 2, në Bogdanc 2, në Kratovë 3, në Demir Kapi 6 dhe në Pehçevë 1.
Gjithashtu në 24 orët e fundit Instituti i Shëndetit Publik ka regjistruar 894 pacientë të shëruar nga Covid-19, ndërsa 21 pacientë nuk kanë mundur të fitojnë betejën me Covid-19./ CNA.al
Kosova & Rajoni
Zgjedhjet në Kosovë/ Merret vendimi për Albin Kurtin
Paneli Zgjedhor për Ankesa dhe Parashtresa la jashtë zgjedhjeve Albin Kurtin dhe 4 kandidatët e tjerë të LVV Albulena Haxhiu, Liburn Aliu, Bajram Mavriqi dhe Labinot Demi Murtezi për zgjedhjet e 14 shkurtit.
Por kreu i LVV ka dhe një shans, ai është që të ankohet në Gjykatën Supreme. Këtë veprim LVV duhet ta bëjë brenda 24 orëve, dhe vendimi del brenda 3 ditëve.
Kurti bashkë me një sërë kandidatësh për deputetë nuk janë certifikuar pasi në 3 vitet e fundit kanë pasur dënim me vendim të formës së prerë.
Vetëvendosja në listën e saj për deputetë kishte caktuar Kurtin të parin, si dhe kandidat për kryeministër, por duket se ai nuk do të jetë pjesë e listës në rast se nuk bën apel në Gjykatën Supreme./CNA.al
Kosova & Rajoni
Bilanci i 24 orëve në Kosovë/ Bien shifrat e viktimave e të infektuarve me Covid
Gjatë 24 orëve të fundit, në Kosovë janë regjistruar pesë viktima nga koronavirusi.
Instituti Kombëtar i Shëndetësisë Publike (IKSHPK) në raportin ditor thotë se bazuar në testimin e 1.842 mostrave janë shënuar edhe 288 raste me COVID-19. Sëmundjen e kanë mundur edhe 256 pacientë ndërsa raste aktive aktualisht janë 5.879.
Prej 13 marsit 2020, kur janë regjistruar rastet e para me koronavirus në Kosovë, autoritetet shëndetësore kanë raportuar për 58.687 të prekur nga sëmundja COVID-19. Prej tyre 1.471 pacientë kanë humbur jetën ndërsa 51.337 janë shëruar./CNA.al
Lajme të Rekomanduara:
Zgjedhjet në Kosovë/ Merret vendimi për Albin Kurtin
Paneli Zgjedhor për Ankesa dhe Parashtresa la jashtë zgjedhjeve Albin Kurtin dhe 4 kandidatët e tjerë të LVV Albulena Haxhiu, Liburn Aliu, Bajram Mavriqi dhe...
Situatë shqetësuese në shtetin fqinj/ Regjistrohen 347 raste të reja, shkon në 2800 numri i viktimave
Maqedonia e Veriut ka regjistruar të shtunën 11 viktima nga koronavirusi i ri, që shkakton sëmundjen COVID-19, duke e çuar numrin e përgjithshëm të viktimave...
