Një ngjarje e rëndë ka ndodhur në Bulqizë, ku një 41-vjeçar ka rrahur me dru nënën e tij, ndërkohë që gjatë ndërhyrjes së Policisë i janë gjetur dhe dy thika në brez. Nëna e 41-vjeçarit si pasojë e plagëve që ka marrë është dërguar menjëherë në spital, ku fatmirësisht ndodhet jashtë rrezikut për jetën.

“Shërbimet e Komisariatit të Policisë Bulqizë , menjëherë pas njoftimit të marrë se në një banesë djali po dhunonte nënën duke i rrezikuar jetën , menjëherë kanë shkuar në adrësën e dhënë duke bërë neutralizimin dhe prangosjen e personit, i cili në momentin e kapjes nga policia, gjatë kontrollit fizk ju gjetën në trup edhe dy armë të ftohta thikë.

Në pëfundim të veprimeve nga specialistët për Hetimin e Krimit në Komisariatin e Policisë Bulqizë, u arrestua në flagrancë shtetasi : LXh., 41 vjeç, banues në Gjoricë, Bulqizë.

Ky shtetas në banesën e tij është konfliktuar me nënën duke e dhunuar e goditur në trup me një send të fortë (dru) e cila ndodhet në spital jashtë rrezikut për jetën.”, njofton policia

Materialet procedurale do ti referohen Prokurorisë Pranë Gjykatës së Shkallës Parë Dibër për veprat penale “Dhuna në familje” dhe “Prodhimi, mbajtja, blerja apo shitja pa leje e armëve të ftohta”.

Gjykata e Posaçme Kundër Korrupsionit dhe Krimit të Organizuar ka vendosur zbatimin e masës së sigurimit “arrest në burg” per të ekstraduarin nga Bullgaria, shtetasin turko-shqiptar Rexhep Ipek.

Ipek është ekstraduar nga Bullgaria më 21 Janar të ketij viti, pasi është shpallur në kërkim ndërkombëtar në Shtator të 2019, së bashku me 31 persona të tjerë, në kuadër të operacionit Limit.

Ky shtetas ishte personi i fundit që ishte pa u arrestuar dhe tani më pritet gjykimi i tyre ne themel.

I kontaktuar nga media, mbrojtësit e Rexhep Ipek, Avokat Arbër Hoxha dhe Avokat Dritan Metani u shprehën se: “Gjykata duhet të mbante parasysh jo vetëm rrezikshmërinë e faktit, por edhe atë të autorit, sidomos për fazën proceduriale në të cilën ndodhet procesi dhe ndaj vendimit do ushtrojmë ankim në Gjykatën e Posaçme të Apelit”.

Ai akuzohet për “Prodhimi dhe shitja e narkotikëve”, “Trafik i narkotikëve, kryer në formën e posaçme të grupi kriminal”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Kush është turku që kërkonte Shqipëria

Historia e turkut fillon me një shtetase shqiptare me të cilën 49-vjeçari ishte martuar teksa rezulton se banonte në Durrës.

Por në 2019 gjatë një operacioni të Policisë ku u arrestuan 57 persona si pjesë e 4 grupeve kriminale që merreshin me trafikun ndërkombëtar të drogës, figuron edhe emri i tij.

Bandat merrnin farat e kanabisit nga Holanda, dhe pasi i kultivonin në Shqipëri dërgonin mallin në Greqi, Holandë apo vendet e BE.

8 të tjerë nuk u gjetën dhe u shpallën në kërkim, mes tyre dhe Rexhep Ipek i cili u arrestua )21 janar 2021) pas më shumës e 1 viti e gjysmë nga dita kur Gjykata e Krimeve të Rënda i vendosi “arrest me burg” në mungesë më 15 tetor të 2019.

Grupeve kriminale nuk iu kap vetëm kanabis, por edhe kokainë, laboratorë e fishekë luftarakë./CNA.al

Policia e Shtetit në bashkëpunim me Interpol kanë bërë të mundur ekstradimin e 55-vjeçarit Sokol Metaj, i cili akuzohet për ngacmim seksual ndaj të miturëve.

Metaj ishte shpallur në kërkim, pasi Gjykata e Shkallës së Parë e dënoi me 5 vjet burg pë5r veprën penale “Ngacmim seksual”.

“Ekstradohet nga Greqia, një shtetas i dënuar për ngacmim seksual ndaj të miturve.

Në vijim të bashkëpunimit të ZQK Interpol Tirana, me zyrat homologe, për kapjen dhe ekstradimin e personave në kërkim ndërkombëtar, si rezulat i shkëmbimit të informacionit është vënë në pranga në Greqi dhe është ekstraduar drejt Shqipërisë, shtetasi shqiptar Sokol Metaj, 55 vjeç, banues në Tiranë.

Shtetasi Sokol Metaj ishte shpallur person në kërkim ndërkombëtar, pasi Gjykata e Shkallës së Parë Tiranë e ka dënuar me 5 vjet burg për veprën penale “Ngacmimi seksual” dhe Gjykata e Apelit Tiranë ka vendosur lënien në fuqi të këtij vendimi penal.

Përmbledhje e ngjarjes së ndodhur:

Më datë 15.11.2015, në afërsi të kalçetove të një kompleksi në Tiranë, në automjetin e tij, i dënuari Sokol Metaj, i cili ishte trajner futbolli, ka ngacmuar seksualisht dy shtetas të mitur, njërin prej të cilëve e kishte nxënës në kursin e tij të futbollit”, thuhet në njoftimin e policisë./CNA.al