Sulmuesi boshnjak, Edin Dzeko, është gjithnjë e më larg Romës, pas përplasjes që pati me trajnerin Paulo Fonseca. Sipas mediave italiane, lojtarët e Romës ishin revoltuar dhe kishin vendosur ti kundërvihen trajnerit, Paulo Fonseca, dhe kryesori në këtë ngjarje ishte Edin Dzeko

Mediat italiane raportuan një përplasje ndërmjet sulmuesit dhe teknikut portugez, Fonseca u pyet në ndeshjen e fundit për arsyen e mungesës së Dzekos, por që portugezi refuzoi të përgjigjej.

Tani, sipas “LaGazzettadelloSport.com”, Roma është e gatshme ta shesë 34 vjeçarin dhe do ta ofrojë atë tek Interi si shkëmbim për të marrë mesfushorin, Christian Eriksen, për të cilin tashmë disa kohë flitet se do largohet nga “Giuseppe Meazza”.

Sipas artikullit, “Giallorossët” kanë bërë lëvizjen e tyre në këtë aspekt dhe tani pritet përgjigja e Suning-ut, dhe se Roma është dakord ta lënë sulmuesin e tyre të bashkohet me “Nerazzurrët”.

Atalanta konfirmoi ditën e djeshëm edhe njëherë se është macja e zezë e Milanit duke i mposhtur kuqezinjtë 3-0 në “San Siro”, në një ndeshje të dominuar nga zikaltrit nga fillimi deri në fund.

Megjithatë edhe kjo ndeshje kishte disa raste të diskutueshme, për moviolë. Sipas “Calciomercato”, në minutën e 53’, arbitri Mariano akordon penallti për Iliçiç, pasi ky i fundit mori një goditje me bërryl nga Kesi.

Duke iu referuar rregullores, vendim i drejtë ky i arbitrit. Megjithatë mungon një karton i verdhë për Hatebur, para penalltisë, për ndërhyrje të ashpër ndaj Kalulu, i cili u largua nga loja me barelë pas asaj përplasje.

Një gabim i rëndë në minutën e 45’ nga arbitri, kur pas një dueli në ajër mes Golinit dhe Ibrës, portieri i Atalantës, humb kontrollin e topit dhe në zotërimin e tij vihet suedezi, i cili shfaqet me portë bosh dhe ishte një gol thuajse i sigurt, por arbitri ndalon lojën, për goditje dënimi ndaj portierit. Vendim i gabuar ky i arbitrit, pasi sulmuesi i Milanit nuk e prek fare portierin.

Sulmuesi i Milanit, Zllatan Ibrahimoviç, analizoi disfatën 0-3 në shtëpi ndaj Atalantës. Në prononcimin pas ndeshjes për mikrofonin e “Sky Sport”, suedezi deklaroi:

“Sot kanë munguar shumë gjëra. Tani është e rëndësishme të rikuperojmë dhe të presim ndeshjen e ardhshme. Skuadra është pak e brishtë sepse mungojnë 4-5 titullarë dhe luajnë lojtarë që nuk kanë shumë eksperiencë dhe shumë ndeshje në Serinë A. Por ky nuk mund të jetë një justifikim, jemi të parët”.

Jeni kampionë dimri.

“Nuk vlen për asgjë”.

 Si do t’ia përmirësoni humorin skuadrës?

“Kemi një ndeshje tjetër pas disa ditësh dhe kemi mundësinë të bëjmë më mirë se sot, sigurisht. Tani duhet të përgatitemi mirë”.

Do të pëlqente të luaje me Iliçiç?

“Kur i jep kohën, ai e ka shumë të lehtë të luajë. Sot kishte shumë kohë me topin në këmbë dhe ka bërë një ndeshje të madhe, mund të kishte bërë më shumë gola, ka qenë më i sjellshëm se duhet”.

Çfarë i ke thënë Manxukiçit?

“Nuk është një njeri që flet shumë, duket. Kam provuar t’i jap mirëseardhjen në sllavisht, italisht, por kur Pioli e ka ftuar t’i thotë diçka skuadrës, ai ka refuzuar. Është një person shumë serioz, i përqendruar, dhe do hapësirën e tij”.

Një përshëndetje për Konten?

“Përshëndetje Antonio. Shihemi të martën”.