Connect with Us

Koronavirusi nuk ka të ndalur/ Mbi 56 milionë të infektuar në botë, Japonia shënon rekorde

Bota

Koronavirusi nuk ka të ndalur/ Mbi 56 milionë të infektuar në botë, Japonia shënon rekorde

Publikuar

-

Numri i të infektuarve nga Covid-19 i ka tejkaluar 56 milionë në të gjithë botën, sipas të dhënave nga Universiteti Amerikan Johns Hopkins. Që nga nisja e pandemisë janë regjistruar gjithësej 1.34 milionë viktima nga Covid-19.

Pandemia Covid-19 vazhdon të godasë ashpër Shtetet e Bashkuara. Në orët e fundit SHBA-të kanë kapërcyer pragun tragjik të 250 mijë viktimave totale (250,520 sipas Universitetit Johns Hopkins).

Epidemia e koronavirusit në Brazil vazhdon të zhvillohet, ku janë llogaritur 754 viktima dhe 38,401 infeksione të reja në 24 orët e fundit. Vdekjet totale që nga fillimi i pandemisë janë 167,497, ndërsa të infektuarit janë 5,947,403.

Rusia ka tejkaluar dy milionë njerëz të infektuar me koronavirus, gjë e cila është konfirmuar pas përditësimit të të dhënave të fundit 24 orëve të fundit ku u shënuan 23,610 të infektuar dhe 463 vdekje nga Covid-19. Rusia renditet e pesta në numër të infeksioneve në botë pas SHBA, India, Brazili dhe Franca. Numri i të vdekurve ka arritur në 34,850.

45,576 raste të reja me koronavirus janë regjistruar 24 orët e fundit në Indi , ku janë regjistruar rreth  9 milionë të infektuar që nga fillimi i pandemisë.

Në Meksikë gjatë 24 orët e fundit janë regjistruar 502 vdekje nga Covid-19, duke e çuar totalin e viktimave në 99,528. Rastet pozitive kanë kapur totalin prej 1,015,071. Me këto shifra, Meksika është vendi i njëmbëdhjetë me numrin më të madh të infeksioneve dhe i katërti me numrin më të lartë të vdekjeve, sipas Universitetit Johns Hopkins .

LEXO EDHE:  SHBA, 23 të vdekur nga ngricat

Japonia regjistroi një rekord të rasteve të koronavirusit në 24 orët e fundit. Sipas ministrisë së Shëndetësisë ka pasur 2.179 raste të reja në 24 orët e fundit. Kjo është hera e parë që Japonia kalon kufirin e 2,000 rasteve në ditë që nga fillimi i pandemisë.

Në 24 orët e fundit në Gjermani janë konfirmuar edhe 22,609 raste të reja me koronavirus duke e çuar totalin e të infëktuarve në 855,916 që nga fillimi i pandemisë, sipas Institutit Robert Koch. Në Gjermani regjisterohen 13,370 vikima nga koronavirus./Përshtatur nga CNA.al

Burimi: https://www.rainews.it/dl/rainews/articoli/Coronavirus-56-milioni-di-contagi-al-mondo-Record-di-casi-in-Giappone-7c6153e4-d791-4db0-a960-187a3db004ff.html?refresh_ce

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Situatë shqetësuese në shtetin fqinj/ Regjistrohen 347 raste të reja, shkon në 2800 numri i viktimave

Publikuar

-

Nga

Maqedonia e Veriut ka regjistruar të shtunën 11 viktima nga koronavirusi i ri, që shkakton sëmundjen COVID-19, duke e çuar numrin e përgjithshëm të viktimave në 2,799.

Shumica e viktimave janë regjistruar në Shkup.

Viktima e reja janë, pesë në Shkup (35,65,74,75,81 vjeç) ndërsa nga një viktimë është regjistruar në qytetet e Shtipit (80), Velesit (82), Strumicës (78), Kavadarit (55) dhe Pehçevës (93).

Të dhënat e publikuara nga Ministria e Shëndetësisë njoftojnë edhe për 347 raste të reja të të infektuarve si dhe për 378 të shëruar, numri më i madh i të cilëve është në qytetin e Shkupit.

Raporti i Ministrisë i referohet testimit të 2,013 mostrave në laboratorët shtetërorë dhe privatë të këtij vendi.

Që nga paraqitja e rastit të parë të infektimit me koronavirus në Maqedoninë e Veriut, me COVID-19 janë diagnostikuar 90,471 persona.

Prej tyre 11,269 raste janë ende aktive ndërsa 76,423 persona janë shëruar.

LEXO EDHE:  Vetëm 57 vjeç, ndërron jetë krijuesi i “SpongeBob SquarePants”

LEXO EDHE:  “Kjo është dashuri pas vdekjes”/ Murrizi: Nuk votoj hamendësime të qytetarëve

Ulja e numrit të të sëmurëve me COVID-19 ka bërë që qeveria të vazhdojë me masat lehtësuese, përfshirë edhe punën e administratës, e cila nga 1 shkurti do t’i rikthehet normalitetit, përkatësisht të gjithë punonjësit e saj do të kthehen në vendet e punës.

“Duke qenë se numri i të infektuarve ka rënë, nga 1 shkurt 2021 të gjithë punonjësit e administratës do të kthehen në vendet e tyre të punës, me orar të plotë”, thuhet në njoftimin e qeverisë, e cila kërkon mendim nga Komisioni i Sëmundjeve Infektive nëse nga ky vendim mund të lirohen kategoritë e rrezikuara, të sëmurët kronikë dhe të moshuarit.

Në kuadër të masave lehtësuese, objektet e gastronomisë, restorantet e objektet tjera shërbyese kanë zgjatur orarin e punës deri në orën 21:00 ndërsa nga 28 janari ato do të mund të punojnë deri në orën 23:00.

LEXO TE PLOTE

Kosova & Rajoni

Mos-certifikimi i listave të kandidatëve/ Vjosa Osmani: Pati presione, vendim i paprecedentë

Publikuar

-

Nga

Mos-certifikimi i listave të kandidatëve, Vjosa Osmani: Pati presione, vendim i paprecedentë

Presidentja në detyrë e Kosovës, Vjosa Osmani komentoi të shtunën përmes një video-mesazhi në Facebook vendimin e Komisionit Qendror të Zgjedhjeve për të mos-certifikuar listat e kandidatëve për deputetë të disa prej partive kryesore të vendit.

Teksa u bëri thirrje qytetarëve për të ruajtur qetësinë, Osmani foli për “agjenda partiake” nga ana e anëtarëve të KQZ-së dhe u kërkoi këtyre të fundit “të mos abuzojnë” me Komisionin pasi në të kundërtën do të detyrohet të ndërmarrë masa.

“Në rast se përballemi me situata të tilla ku abuzohet me KQZ-në për të shtyrë përpara agjenda partiake nga ana e anëtarëve të KQZ-së do të detyrohem që të ndërmarr të gjitha masat për integritetin e KQZ-së dhe procesit zgjedhor,” – tha Osmani gjatë konferencës, ku në tërësi vëmendjen kryesore e pati për punën vjetore të prokurorëve.

Presidentja në detyrë e Kosovës e konsideroi të papranueshme vendimin e KQZ-së për të mos-certifikuar disa prej listave të kandidatëve duke shtuar se paralelisht ka pasur presione politike.

LEXO EDHE:  Situata nga Covid/ Bardhyl Londo sjell “Prilli i hidhur”, poezi të shkruara në kohën e depresionit

LEXO EDHE:  Situata nga Covid/ Bardhyl Londo sjell “Prilli i hidhur”, poezi të shkruara në kohën e depresionit

“Ajo çfarë kemi parë dje në KQZ ka qene paprecedentë, e pahijshme dhe e papranueshme për një institucion që duhet të bëj çmos që ta mbrojë integritetin. Në transmetime të drejtpërdrejte u bë presion marramendës nga Drejtorit të Zyrës për Certifikimin e Subjekte Politike si dhe u tolerua dhe u ushtrua presion ndaj drejtorit të kësaj zyre,”  – u shpreh Osmani duke kujtuar se anëtarët e KQZ-së janë betuar të kryejnë detyrat në mënyrë të paanshme.

KQZ vendosi të premten të mos miratonte listat zgjedhore të Vetëvendosjes, Nismës Socialdemokrate dhe Aleancës për Ardhmërinë e Kosovës kjo me argumentin se në to përfshiheshin persona të dënuar me vendim të prerë tre vitet e fundit./euronews

LEXO TE PLOTE

Bota

Situata nga Covid/ Afër 100 milionë raste me koronavirus në shkallë globale

Publikuar

-

Nga

OBSH bën bilancin “e errët”/ Shkon mbi 61 milionë numri i të infektuarve

Bota po i afrohet shifrës prej 100 milionë rastesh të diagnostikuara me koronavirus. Universiteti Johns Hopkins njoftoi sot se numri i të infektuarve i ka kaluar 98 milionë vetë dhe se COVID-i ka shkaktuar mbi 2 milionë vdekje.

“Për momentin, virusi ende e kontrollon lojën, por kemi futur dy lojtarë të mirë: vaksinën dhe stinën e pranverës që afron,” tha një zyrtare belge duke folur për situatën në vendin e saj.

Ekspertët shpresojnë se me ngrohjen e motit në hemisferën veriore, do të ulet vala e infeksioneve. Belgjika ka afro 690,000 raste të konfirmuara dhe mbi 20,000 viktima nga COVID-i. Autoritetet kineze kanë mbyllur pjesërisht një lagje në Hong Kong. Zyrtarët thonë se po testojnë çdo individ në lagjen Jordan në një nga zonat më të populluara të Hong Kongut. Deri tani në këtë territor janë regjistruar më pak se 10,000 raste.

Në Gjermani zyrtarët thanë të premten se megjithëse numri i viktimave kapërceu 50,000 vetë, ritmet e përhapjes së infeksionit janë në rënie. Po të premten, vendet evropiane u tronditën nga njoftimi i kompanisë farmaceutike AstraZeneca se nuk do të arrinte të përmbushte premtimet për dërgimin e sasisë fillestare të vaksinave.

Kompania njoftoi përmes një deklarate se si rezultat i problemeve në sistemin e furnizimeve, nuk ka arritur të prodhojë ende sasinë e parashikuar. Edhe kompanitë Pfizer dhe BioNTech kanë njoftuar vonesa në përmbushjen e dërgesave të premtuara gjë që po ngadalëson ritmet e vaksinimit. Në Shtetet e Bashkuara, Presidenti Joe Biden ka nënshkruar urdhra të rinj ekzekutivë për të ndihmuar amerikanët e goditur rëndë ekonomikisht nga pandemia.

LEXO EDHE:  Situata nga Covid/ Bardhyl Londo sjell “Prilli i hidhur”, poezi të shkruara në kohën e depresionit

LEXO EDHE:  “Kjo është dashuri pas vdekjes”/ Murrizi: Nuk votoj hamendësime të qytetarëve

Ndërkaq të premten, gjigandi i shitjeve me pakicë Walmart tha se po përgatitet të zgjerojë operacionet e tij për vaksinim. Walmarti ka një rrjet të gjerë farmacish përmes dyqaneve të tij në të gjithë vendin. Kjo kompani deri tani ka ofruar vaksinime për punonjësit e shëndetësisë në shtetet Nju Meksiko dhe Arkansa dhe planifikon t’i zgjerojë vaksinimet edhe në të paktën shtatë shtete të tjera.

Fushata e vaksinimeve në SHBA ka hasur në disa probleme përfshirë në infrastrukturën e shpërndarjes, dështime institucionale si dhe mungesa në furnizimet me vaksina duke anuluar planet për imunizim të shumë amerikanëve./VOA

LEXO TE PLOTE