Connect with Us

Dikur komision për Metën, pastaj për Bashën/ Rama me “lugë bosh” për të vetët

Politikë

Dikur komision për Metën, pastaj për Bashën/ Rama me “lugë bosh” për të vetët

Publikuar

-

Të gjithë jemi dëshmitarë se si prej të paktën 3 vjetësh, Edi Rama ka përfshirë grupin e vet parlamentar, në një seri keqpërdorimesh për akuza që nisen dhe kurrë nuk bitisen.

Seria zyrtare filloi me komisionin hetimor për shkeljet kushtetuese të Presidentit Ilir Meta.

Një serial televiziv i tipit Big Brother, brenda të cilit aktorë ishin deputetët e grupit parlamentar socialist. Maxhoranca ngriti me tërsëllëmë një komision hetimor kundër Presidentit Meta, në objektin e të cilit ishte shkruar qartë kërkesa për nisjen e procedurave të shkarkimit të Presidentit Meta.

Nismëtarët duket se nuk kishin dilema për motivet e nismës. Deri ditën kur filloi seanca e parë. Atë ditë u duk qartë demotivimi i anëtarëve të Komisionit Hetimor, mungesa e përgatitjes së tyre, mungesa e organizimit, mungesa e kauzës.

Në vazhdim procesi u la të lëngëzohej, të shuhej, të zgjohej gjasme me motivet e shtesave në objektin e hetimit, të mpakej, të rrudhej e në fund të modifikohej në konkluzione qesharake që nuk justifikojnë as shpërblimet e anëtarëve parlamentarë të atij komisioni për pjesëmarrje në mbledhje.

Komisioni hetimor per Presidentin

E tepërt të pretendohej se po motivonte politikisht të njëjtët në takimet me elektoratin socialist, i cili priste një konkluzion shkarkimi ndaj Metës. Me justifikimin e arsyetimit të Komisionit të Venecias, Rama dhe të tjerë filluan të shtireshin si të keqardhur për përmbylljen pa sukses të teatrit parlamentar.

Në fakt e vërteta është tjetër. Venecia u shpreh kundër shkarkimit të Ilir Metës me arsyetimin e kapjes nga maxhoranca edhe të postit të Presidentit. Ky ishte motivi pse komisioni hetimor devijoi, zgjati dhe shuajti në fund akuzat ndaj Metës.

Motivi i vërtetë fshihet tek ajo fjali e Komisionit të Venecias dhe jo tek “argumenti” se Presidentin nuk e shkarkon Kuvendi por Gjykata Kushtetuese! Që për Presidentin fjalën e fundit e thotë Gjykata Kushtetuese, dihej që kur u nis komisioni hetimor. Nuk është zbulim që u bë rrugës! Rrugës ajo që ndodhi ishte ndalimi që ju tha Ramës, jo vetëm nga Venecia, për caktimin e dikujt nga rradhët e parlamentarëve të vjetër të PS në postin e Presidentit, pas shkarkimit të Metës. Motivi që dha Rama nuk ngjiti në elektoratin e majtë. Ata e panë si pafuqi, paaftësi dhe si pazar tërheqjen e Ramës nga procesi i nisur i shkarkimit të Metës. Dhe kjo është gjysma tjetër e të vërtetës për tërheqjen nga procesi i shkarkimit të Metës. Midis Metës dhe një tjetri që nuk dilte nga rradhët e socialistëve të vjetër, le të mbetej më mirë Meta.

Këto ditë të gjithë jemi dëshmitarë të një procesi të lançuar nga kryetari i grupit parlamentar socialist Taulant Balla. Me tërsëllëmën e ditës së parë të lançimit të komisionit hetimor për Metën, u shpall nisja dhe depozitimi i nismës socialiste për hetimin e rolit të Luli Bashës në “hetimin e ish-luftëtarëve të UÇK-së”. Kështu mund të perifrazohet ajo çka tha shefi i grupit parlamentar socialist.

Kreu i grupit të PS, Taulant Balla

Perdja u hap dhe socialistët e shkretë, të zhgenjyer nga “falja” që ju bë Metës nën vellon e Venecias, u mblodhën rreth televizorit për të ndjekur seriozisht hetimin ndaj Bashës. Ajo që ndodhi ishte një debat shterpë për akuza formalisht të rëna jo vetëm ndaj Bashës, por ndaj vetë të akuzuarve të Hagës. Torollia e Tiranës për shtëpi me ngjyra xhelozie, nuk bën pjesë në akuzat e Hagës, ndaj që në krye të herës ishte e qartë për çdo njeri me mend në kokë, që ky ishte thjesht një skenar për të mos lënë pa punë moderatorët e emisioneve televizive dhe analistët e akaparuar prej tyre. Palët u përfshinë me energji në një debat që më shumë sesa hetimin e ngjarjeve të pandodhura dhe akuzave inekzistente nga Haga, synonte fshirjen e debatit për akuzat e formuluara zyrtarisht në Hagë.

LEXO EDHE:  Rama publikon artikullin promovues të Shqipërisë/ Qytetarët: Vetëm fasada e shkrime të sponsorizuara

Aktorët përfaqësues të siglave partiake, të caktuar nga zyrat përkatëse të shtypit, bënin sikur debatonin në emër të dashurisë për Kosovën dhe luftës në të cilën dukej sikur NATO kishte bërë thjesht furnizimin me ushqime. Luli Basha në atë histori herë dilte si qendra e botës e herë si një përkthyes i rëndomtë që në zyrat ku hetohej, punonte part-time ndërsa vazhdonte Universitetin.

Pastaj papritur kur të gjithë  pristin zbërthimin me hetim parlamentar, në mos të rolit të Bashës, të paktën zbardhjen e punësimit të tij nëpër zyrat e Kosovës, gjithshka ndryshoi kësaj rradhe pa nisur ende. Nga shefi i grupit parlamentar socialist u njoftua që hetimi nuk do bëhej për Bashën. Ai do kishte për qëllim çmontimin e akuzave!!!!

Të cilave akuza? Se për shtëpitë e verdha të veriut nuk ka aktualisht asnjë akuzë! Çfarë do çmontojë maxhoranca, përveç vetvetes sa herë që niset për luftë dhe rrugës ndërron e shkon për dasëm?!

Në fund as elektorati i majtë dhe as ai i djathtë, nuk do e marrin vesh se çfarë dreq pune paska bërë Luli Basha nga viti 1993 deri në vitin 2005 kur u emërua ministër. Dimë që gjatë gjithë kësaj periudhe ka qenë me letra student në Holandë. Por nuk dimë motivet e vizitave dhe punësimin e vërtetë në Kosovë, ndërsa zyrtarisht vazhdonte Universitetin. Të gjithë të tjerët janë punësuar në Kosovë vetëm pasi kanë marrë diplomat e universiteteve. Luli Basha jo!

Kreu i PD, Lulzim Basha

Çfarë ka të veçantë ky njeri që të gjithë shqiptarët e shohin si dështak dhe të paaftë, por që dikush në Kosovë e paska vlerësuar si xhevahir aq sa ta punësonte kur ishte gati adoleshent?

Këtë socialistët nuk do e mësojnë dot. Nëse e vërteta zbulohet, Luli Basha rrezikon të mos vijojë dot detyrën e kryetarit të Partisë Demokratike. Dhe midis një tjetri që nuk dihet kush mund të jetë dhe Luli Bashës, Edi Rama zgjedh Lulin. Ndaj lëshoi kushtrimin për të vetët kur tha që Luli është lule e pakëputshme. Komisioni hetimor menjëherë pas kësaj ndërroi drejtim. Luli nuk do këputet nga socialistët. Teatri vazhdon, sepse Edi Rama ka gati ndërkohë një gjasme nismë ligjore për Presidentin. Të shohim nëse do gjejë ende aktorë të gatshëm brenda grupit parlamentar, për t’i bërë show-n elektoral të rradhës./ CNA.al.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Habit Fatmir Mediu/ Do ja bëja hallall Ramës një mandat të tretë, por…

Publikuar

-

Nga

Habit Fatmir Mediu/ Do ja bëja hallall Ramës një mandat të tretë

Kryetari i Partisë Republikane, Fatmir Mediu ka habur mbrëmjen e sotme me një deklaratë të bërë, teksa po fliste për zgjedhjet e 25 prillit.

Mediu tha se kryeministrit Edi Rama do t’ja bënte hallall një mandat të tretë, por sipas tij, Rama do që të jetë gjithmonë në pushtet.

Pjesë nga biseda në Vizion Plus:

Alban Dudushi: Në të gjitha zgjedhjet e mëpasme, opozita një nga shqetësimet dhe frikërat kryesore kishte manipulimin. Do manipulohen zgjedhjet nga pushteti. Dhe të njëjtën gjë thoni dhe tani dhe keni të drejtën tuaj për ta thënë. Mund ta akuzoni Ramën për çdo lloj historie për t’i mbajtur dhe një herë dhe natyrisht Edi Rama e do edhe një herë të tretë.

Fatmir Mediu: Ta donte për herë të tretë hallall, por e do përjetë.

LEXO EDHE:  ‘Kukësi si stacion autobusi’/ Rama ironizon protestat e opozitës

LEXO EDHE:  I dashur Skënderbe i Spiropalit/ Na çove vite e vite larg Europës

Alban Dudushi: Atë nuk e dimë, por për herë të tretë është e sigurt që e do.

Fatmir Mediu: Ashtu si e analizoj unë…

Alban Dudushi: Për herë të tretë është e sigurt që e do./ CNA.al

LEXO TE PLOTE

Politikë

Fatmir Mediu “mbyll dyert” e Republikanes/ Nëse nuk bie dakort me PD, dal vetëm në zgjedhje

Publikuar

-

Nga

Fatmir Mediu cakton “kushtin” për të hyrë në koalicion me PD

Kryetari i Partisë Republikanes, Fatmir Mediu, ka deklaruar mbrëmjen e sotme se nëse nuk do të arrijë një marrëveshje me Partinë Demokratike, do të garojë e vetme në zgjedhjet e 25 prillit.

Mediu tha se është i gatshëm të kontribuojë kudo ku mund të shtojë një votë më shumë për koalicionin, por theksoi se nëse nuk ka mirëkuptim, Partia Republikane nuk do të stopojë jetën e vet politike.

Pjesë nga biseda në Vizion Plus:

Fatmir Mediu: Unë jam i gatshëm të shkoj të kontribuoj, atje ku shtoj një votë më shumë për koalicionin. Janë 36 kandidatë të Tiranës dhe do t’jua shpjegoj pse…

Alban Dudushi: Dukej si një demosntrim force kjo… që edhe po nuk ramë dakord, unë dal i vetëm …

Fatmir Mediu: Pa dyshim që po nuk ramë dakord, do të dalim dhe vetëm, se Partia Republikane nuk do të stopojë jetën politike të vetën, në qoftë se nuk do të arrijmë në mirëkuptim.

Alban Dudushi: Po në rast se dilni vetëm, janë kostot më të mëdha për ju, apo për PD-në dhe opozitën?

LEXO EDHE:  I dashur Skënderbe i Spiropalit/ Na çove vite e vite larg Europës

LEXO EDHE:  Rama-Meta bashkë në zgjedhjet e 18 qershorit/Çfarë e vërteton

Fatmir Mediu: Edhe për PD-në, edhe për PR-në. E kam thënë, për mua është më mirë, më pak mandate për Partinë Republikane dhe të iki Rama si kryeministër, se sa të ketë 20 mandate dhe të rrijë Rama kryeministër. Nuk po bëj pazar. Kam një qëllim për t’i shërbyer, sepse …. Po ju them diçka. Ajo që më bën të ndihem mirë sot, është marrëdhënia me demokratët dhe republikanët kudo që janë. Ata më kanë ngritur në një status tjetër social, politik dhe shoqëror. Unë u bëra kryetar partie, u bëra deputet, disa legjislatura. Edhe ministër dy herë, për shkak të besimit të atyre njerëzve. Dhe për mua është shumë e rëndësishme që të mos e prish atë lloj besimi dhe atë lloj marrëdhënie. Dhe për këtë jam krenar që marrëdhëniet tona kanë qenë shumë korrekte./ CNA.al

LEXO TE PLOTE

Politikë

Mediu tregon mosmarrëveshjet me Bashën/ Jemi akoma te ideja “çfarë do”

Publikuar

-

Nga

Mediu tregon mosmarrëveshjet me Bashën/ Jemi akoma te ideja “çfarë do”

Kryetari i Partisë Republikane, Fatmir Mediu, ende nuk ka marrë një vendim për të lidhur një koalicion me Lulzim Bashën.

Madje ditën e sotme Mediu i vendosi si kusht që PD të bëjë patjetër koalicion me drejtuesen e Lëvizjes për Ndryshim, Jozefina Topallin dhe kreun e Bindjes Demokratike, Astrit Patozi.

Ai deklaroi në Vizion Plus se nuk i pëlqen që Basha t’i thotë se “çfarë do”, pasi theksoi se negociatë e drejtë është kur i kërkon të përcaktojë kriteret.

Qëllimi i PR është për të ndërtuar një koalicion funksional. Shpresoj të përfundojë sa më shpejt marrëveshja me PD-në. Kur mua më thua “çfarë do”, nuk më duket normale, kur më thua “hajde përcaktojmë kriteret” mua më duket një negociatë e drejtë.

Deri tani jemi akoma te ideja “çfarë do”. Bashkëpunimi nuk fillon nga ideja se kush është më lart dhe kush më poshtë. Kam 30 vite jetë politike dhe njoh lidershipin politik të PD, ndaj mendoj që secili nuk duhet të shikojë se ku e ka qoshen e vet”, deklaroi Mediu./ CNA.al

LEXO TE PLOTE